我老公係英國最年輕既董事!!! (哈哈~~~)

上星期日返6299度食飯，有一封寄比老公既信，通知老公 - 佢係全英國其中一個最年輕(30歲以下)既董事長!

寄信比老公既係一間出版社，佢地打算今年4月印製一本叫做"Who's Who of Britain's Youngest Directors"既刊物，刊物既內容係關於全英國30歲以下既年輕公司董事 + 高層!

佢地話.........

- 選咗老公成為其中一份子~ 而且特別強調 - 所有入圍既人係全權由佢地"甄選"出來，並唔可以比錢買位! (好鬼比面 + 巴屎閉咁款喎~ 甄咩選吖? 佢地都係check 商業登記之嘛!);

- 出版刊物既原因，係想做一個年輕人創業 + 英國未來商業領袖既紀錄喎! ( 哇~ 講到幾咁冠冕堂皇!!! 差d以為佢地選緊年輕富豪榜~~~)

- 來信通知老公，目的係要老公核實佢地手頭上既資料係準確喎~ 因為佢地將會將老公資料刊登喺依本刊物裡面，所以要老公2月25日之前上網做核實登記手續~

至於真正目的...........................................................................

其實係想問老公攞錢!!!!!!!

又話唔洗比錢既?唔洗比錢入圍，不過要比錢買本刊物!!!
 
承惠£39吖~ 另外仲有張"証書"...多謝£11.95~~~ (咁當然可以2樣都唔買啦! )


佢地話已經有好多入圍者回應 + 訂購咗喎，叫老公快d決定! (點解其他入圍者咁快手既??? 點解我老公而家先收到通知????)
基本上一句講哂 - 係搵笨 + 得啖笑既!

老公 + 我又點會咁易上當呢?? 不過我想知道 - 如果冇人買本刊物 / 得幾丁友買...咁本刊物仲會唔會出版呢??

講咗咁耐，大家仲未知道我老公係咩公司既董事長喎!

就係............................................................

 62間餐館嘞!

唔知點解62用老公個名做餐館商業登記?!!!??!!!??