因為我係無火煮食，用瓦煲好易爆~ 但網友話我知用Le Creuset 就算無火煮食都冇問題!
我一路都心大心細，因為個煲實在太重! 直至最近喺forum 見到有人post 咗張用Le Creuset 煮既煲仔飯相，個樣真係好得!!! 於是我開始去shop 實地研究個煲 + 格價，最後得出結論 - 我既心水係黑色22cm
，舖頭賣緊公價£105~ 因為我之前買咗既Stoneware 係黑色，所以想襯返.........終於決定買一隻來體驗吓，不過22cm 經常缺貨! 上個星期我仲特登去Livingston 既Le Creuset Outlet，都係no luck......
於是我轉向網上搵，尋日竟然比我喺網上店搵到個藍色22cm，於是我即時訂咗個!! (雖然我想要黑色，不過黑色冇貨.....)今朝一早check email，
竟然收到信用卡退款通知 + 網上店既email~ 一睇 - 佢話個煲已經out of stock，而且原來22cm 已經唔再出 (唔怪之周圍都冇貨啦!!!) 所以已退返錢比我! 我都服咗佢~~~ 一般都係ship 咗貨品先過數架嘛! 依間野竟然先過數，冇貨比客人時又要過返條數......攞來搞!!!
見過鬼怕黑~ 我又未試過網上訂廚具，唔想張咭再係咁過來過去，於是唸住weekend 先再去睇煲......買唔到心頭好，
心情唔多靚唔想煮飯! 老公放工返來去咗Glasgow Fort 食Nandos 燒雞~ 泊好車順便入去TK Maxx 打個白鴿轉，點知竟然比我搵到件筍野喎! 
我上網搵緊Le Creuset 22cm既時候，其實都見到Chasseur 依個牌子! 知道同Le Creuset 係相類似既cast iron 產品，不過價錢就相差一截~ 同樣既22cm cast iron casserole，網上價Le Creuset 要£90 - £120; 而Chasseur 只要£50 - £80~
不過我只研究過Le Creuset 實物，未見過Chasseur 真身~ 所以雖然價錢好吸引，但我都唔敢茂茂然選擇Chasseur!
初步感覺Chasseur 同Le Creuset 冇乜分別 (除咗價錢之外!)，真正用來煮食就未知有冇唔同......我唔會知 - 因為我未用過Le Creuset cast iron!
不過有冇分別都冇所謂 - 因為只要Chasseur 煮食時達到我預期效果就得嘞~ 話之佢係咪Le Creuset!
塞翁失馬，焉知非福~ 越來越覺得 - 每一件事發生，冥冥中都係有原因既!
恭喜恭喜... 今晚快d同佢開光... 煮d好味ge食物給我們分享唷^^"
回覆刪除[版主回覆02/26/2009 18:20:00]得一千零一個~
仲要啱哂我心水!
好鬼開心!!!!!!!!!
今晚太快嘞~ 我已經plan 咗煮咩.....
最快要下星期先開光!
咁要快啲用啦
回覆刪除[版主回覆02/26/2009 18:22:00]盡快啦! 最快都要下星期，屋企依幾日好鬼多野做，冇乜時間煮野~~~~ (咁又有時間玩blog!!!!?!?!?)
Hello 其實我係無意中按進來的 不過你好厲害喔><又懂得做手工,又會做很多很多不同的菜色。 最令人羨慕的是你和你老公好SWEET呢 看見你們在「二人世界」分類中的故事,好令人羨慕呀>< 好像只有在愛情小說/童話故事才發生的事 完全想不到你們拍了那麼多年拖又結了兩年婚~ 我以為所有甜蜜的愛情故事只會出現在戀愛的一開始的熱戀期, 不過看見你們的生活事情,真的很甜>v< 希望我未來也找到個像你先生一樣對太太這麼好的老公, 又可以像你一樣「入得廚房,出得廳堂」 祝你們一直幸福下去~
回覆刪除[版主回覆02/26/2009 20:51:00]歡迎妳 + 多謝妳既祝福!
其實煮野食 + 手工都係我喜歡既手作仔啫~ 並唔係妳講到我咁厲害!
我同老公雖然一齊既日子已9年多，話長唔長話短唔短~ 我地一齊經歷咗好多~ 所以我地好珍惜相處既時間!
我都祝妳早日搵到一個愛鍚妳既Mr. Right!
恭喜呀!!! 用佢來炆野都好正 ga!
回覆刪除不過 22cm 用來煮 2人煲仔飯好似太大 wor. 我用緊 16cm jar.
[版主回覆02/26/2009 21:14:00]最初打算買Le Creuset，咁我本身已有好多沙煲冷餐......所以我希望買一個貴煲返來，可以物盡其用，唔止用來煮煲仔飯!
而且我地一向大食，煮煲仔飯用16cm 未必夠我地2個人!
你決定要買嘅野, 真係非買到不可...
回覆刪除個煲好靚呀!
[版主回覆02/27/2009 00:55:00]我都覺得個煲好靚仔!
個價錢都好靚~~~~
係架~我想要既野，
一定要得到手我先會罷休架!
HEEHE你近期都向廚類入貨喎...
回覆刪除[版主回覆02/27/2009 00:54:00]我一向去shopping，
廚具類都經常都榜上有名!
用cast iron 整煲仔飯真糸好掂呀!乜冇火煮食瓦煲好易爆架,唔怪得之我個瓦煲裂鬼咗喇.後來我就用cast iron黎煲煲仔飯,我個煲都唔系le Creuset,但都好好用！
回覆刪除[版主回覆02/27/2009 20:05:00]可唔可以請教點用個煲煮煲仔飯既steps?
瓦煲本身都係易爆架嘞! 無火煮食就更加，明火就好d~~~
我唸只要係cast iron 都可以做到煲仔飯既效果! 唔一定要係Le Creuset~ Le Creuset 毫無疑問係比較出名 + 質料好，但我相信其他牌子既cast iron cookware 質料都應該有返咁上下! 因為其他牌子都唔係平......
我都系跟Ah So整煲仔飯果啲step,Ah So系等Ｄ飯滚起至放料入煲,但因cast iron cookware 傳熱好快,好容易就張Ｄ飯煑熟.咁一見佢滚起黎,就收細火,就加入料再慢慢煮熟,同飯熟後要不時＂了＂下佢,咁就冇＂痴＂得咁緊要.如果你冇睇過 So good,下面條link可以幫到你！
回覆刪除http://soszewong.blogspot.com/2008/12/good-55.html
[版主回覆02/28/2009 04:47:00]唔該哂~ 麻煩哂妳喎!
原來係阿蘇......我都睇過吓佢既節目，不過我覺得佢其實唔識煮野! 乜鬼都話落麻油......炒蛋又叫人唔好用鹽用生抽...我都唔用鹽不過用雞粉~ 但點會用生抽架????
不過既然妳話得，我就即管試吓佢既方法啦! thanks again~~
Hey Mrs T, I have a Chasseur too! But mine is cream... It's just like a Le Creuset. We use it very often but I've never used it to make 煲仔飯, maybe I ought to try!
回覆刪除[版主回覆03/06/2009 18:34:00]yes i think Chasseur is "almost" exactly the same as Le Creuset - except the name!