2009年5月18日星期一

昆仲軒任食打邊爐 (2009年5月17日)


依排唔知點解好想食打邊爐! (真係痴痴地~ 最近天氣開始熱先想打邊爐......) 其實上個再上個星期日(5月3日)已經喺昆仲軒打過一次邊爐，不過果日餓鬼上身，掛住食唔得閒影相!

 唔想食太濃味，我本想只要個清湯底 (好似係川芎杞子~)，不過平時唔係好食得辣既老公，竟然奇怪地要求要一半麻辣湯底!

 等緊湯滾既時候，我先整一碟都係任攞，但老公唔食既涼菜小食 - 麻辣豬肚絲、麻辣鴨舌 + 涼拌青瓜~

尋晚食咗好多野......

 大大隻蘇格蘭膏蟹~

 大大條蘇格蘭蟶子皇~

 雖然細細隻，但好鬼鮮甜 + 個頭好鬼多膏既langoustine; 仲有田雞 + 雞件~ (廢事攞咁多隻碟呀，放埋一齊啦!)

 仲有連殼啱啱開既生蠔! 佢地放埋檸檬出來，係比客人生食既~ 不過我奄尖 - 食生蠔要即開即食! 所以依幾隻蠔比我用來打咗邊爐......

 其餘豬肉、牛肉 + 乜丸物丸......都攞咗一大堆!

 今次有茼蒿菜喎! 正~~~~

 佢地既任食甜品都唔錯，而且係港式~ 不過我都係冇食! 老公就食咗幾碟.......
 我就食咗2個酥皮蛋撻!

仍然覺得暫時喺Glasgow，昆仲軒既任食打邊爐最好，因為多選擇! 不過......

- 冇我 + 老公至愛既冬蔭湯底;

- 冇我鍾意既豆腐 + 烏冬麵! (打邊爐點可以少咗依2樣架?????);

- 星期日晚飯時段都幾多人! 撞口撞面好多姨媽姑姐......





於

20 則留言:

  1. Family2009年5月18日 上午5:42

    wa!wa!....好正呀,由其係d海鮮 ,蟹同蟶子係咪任食架?請問幾多錢一位?係香港食一定好貴
    我都好鐘意飲冬蔭公湯,但就未試過用呢款湯底打邊爐,我多數會選擇醉雞或者藥材做湯底,因為老公比較怕辣,唔知香港邊度有冬蔭公湯底的邊爐打呢???
    [版主回覆05/18/2009 21:49:00]所有野都係任食架! 大人每位£15.50 (約$180HKD)，飲品另計~ 喺英國算平......
     
    依間冇冬蔭湯底，但另一間又係任食打邊爐就有冬蔭湯~ 最後放d烏冬落去都不知幾正!!!  其實我老公都唔係好食得辣，不過唔知點解打邊爐佢又鍾意食辣喎? 正怪人~~~
     
     

    回覆刪除
  2. 張師奶2009年5月18日 上午6:07

    嗚嗚~~ 我每次去昆仲軒都只有眼定定兼流哂口水望住人地打邊爐~~~
    皆因我次次去都要陪6299食飯食小菜~~~
    [版主回覆05/18/2009 21:53:00]佢地飲茶食小菜都好味呀! 起碼好過chinatown 好多~
     
    咁妳 + 妳老公咪下次撇甩兩老去打返餐飽囉!
     
     

    回覆刪除
  3. chan2009年5月18日 上午8:25

    好正呀 ..... 特別係D蘇格蘭蟶子皇 ~~~~~
    [版主回覆05/19/2009 04:21:00]蘇格蘭蟶子皇好鮮甜架! 仲好出名添~~~~
     
     

    回覆刪除
  4. 大肚詩2009年5月18日 上午8:53

    咦......任食架, 啲野食都幾好咁喎, 我鐘意隻蟹同聖子呀! 個酥皮蛋撻咁怪嘅, 橙色嘅? 南瓜味呀? 我同老公呢期都想去打邊爐, 可能太耐無打, 無過無時間去啦!
    [版主回覆05/19/2009 04:24:00]係呀~ 任食架! 依種膏蟹係歐洲先有; 而蟶子皇係蘇格蘭特產~
     
    我都覺得d蛋撻好深色! 不過其實只係普通蛋撻來~ 我估係佢地落多咗整蛋糕既黃色色素......
     
    咦~ 妳又好似我咁 - 天氣熱先開始想打邊爐呀?
     
     

    回覆刪除
  5. Helen2009年5月18日 上午9:21

    OMG!連蟶子生蠔都有真係好鬼抵
    [版主回覆05/19/2009 04:27:00]蟶子第二間打邊爐都有架! 不過生蠔就得昆仲軒先有~ 昆仲軒係泗和行旗下，佢地魚檔自己來貨，所以成本平好多!
     
     

    回覆刪除
  6. melnightee2009年5月18日 上午9:57

    正,所有麻辣都係my "飛佛"
    [版主回覆05/19/2009 04:28:00]麻辣我都鍾意~ 不過唔係我飛佛......
     
     
     

    回覆刪除
  7. clara2009年5月18日 下午12:16

    嘩!海鮮呀,好正呀,真係引死人.有咁多嘢食咁個價錢都真係幾抵.烏冬我本身不喜愛,但經朋友介紹了一款在沙田買的冰烏冬,竟然好好味,煮多久,都仍然很滑,自此,我在家打邊爐都一定會食.
    [版主回覆05/19/2009 04:31:00]我始終都係覺得香港打邊爐好味好多!  只係依度有得食都唔會咁阿之阿左~ 係近幾年先有咋! 我初來果時邊有依d野食架????
     
     

    回覆刪除
  8. genie2009年5月18日 下午12:24

    D海鮮唔錯幾低食, 我以前覺得在Glasgow食中國餐好貴, 因為十年前去Glasgow食過一餐, 普通一個魚香茄子煲都要成80蚊港紙. 仲要係好普通的酒樓好普通的菜色.
    [版主回覆05/19/2009 04:34:00]我初來時都嚇一跳 - 全英國乜野都好貴! 而且好少選擇......近幾年咪好咗好多囉! 而家連烏頭都有得賣~~~
     
     

    回覆刪除
  9. ❤ 蕃薯媽 ❤2009年5月18日 下午2:03

    田雞都有@@" 唔知以為你係香港唷"""""
    [版主回覆05/19/2009 05:20:00]哈哈~~~ 急凍野來架咋!
     
     

    回覆刪除
  10. Mee ...... MeeMoreMore2009年5月19日 上午12:40

    langoustine 係生定熟咖???
    [版主回覆05/19/2009 16:01:00]係生架~ langoustine 好得意，佢地生or 熟，或者生猛游緊水都係紅色架!
     
     

    回覆刪除
  11. andrea2009年5月19日 上午6:35

    見到你打邊爐我就想食肥牛，係喎點解唔見你食肥牛？
    [版主回覆05/20/2009 04:43:00]佢地冇肥牛呀! 牛肉就有~ 因為除咗有打邊爐之外，仲有任食燒烤，都係攞同樣既食物!
     
     

    回覆刪除
  12. Vanus2009年5月19日 下午7:12

    正呀, 又抵食, 港人做老板都似
    [版主回覆05/20/2009 17:48:00]我唔知老闆係咪香港人呀? 不過昆仲軒係英國最大華人超市集團 - 泗和行旗下既食肆~ 佢地本身超市部份都入好多肉類 + 海鮮既貨，我唸咁可以降低任食打邊爐成本!
     
    係英國就算抵食，但始終點都係香港抵食 + 多野食好多 + 好味好多!
     
     

    回覆刪除
  13. Elaine2009年5月20日 上午10:14

    好正喎！啲野好新鮮！攪到我好想食添！我好鍾意打邊爐但係好耐冇去食囉。多數都喺屋企食。
    [版主回覆05/23/2009 07:14:00]我反而鍾意出街打邊爐! 唔洗己洗洗切切又唔洗洗碗!  不過喺屋企打邊爐會買龍蝦囉......
     
     
     

    回覆刪除
  14. SkyBlue2009年5月20日 下午8:38

    妳大熱天時打邊爐都唔係好痴啫,大把香港人都陪妳癲啦........
    果碟涼菜,我睇到都想食呀,仲有就係果隻蟹,蟶子皇,生蠔都真係好好好吸引咁喎
    [版主回覆05/23/2009 07:18:00]香港點同呢? 香港度度都有冷氣嘛!  一年四季都打得啦~~~~
     
     

    回覆刪除
  15. 笨啦啦2009年5月21日 上午4:50

    影得你兩公婆 好似主持緊飲食節目咁呀 haha~
    [版主回覆05/23/2009 07:19:00]得相之喎.....最多都係似飲食雜誌記者!
     
     
     

    回覆刪除
  16. AK2009年5月21日 上午6:00

    咁岩呀...星期日我都走左去大邊爐....其實現在打邊爐都無分冬天還是夏天了...想打咪去打囉...即興吖麻....
     
    HKD180都吾算貴吖...有咁多海鮮食....澳門任食通常係$78一位..但就無海鮮食...又無甜品食架...你又有蟹又有蠔又有聖子...仲有飯後甜品..超值啦.....
    [版主回覆05/23/2009 07:20:00]原來咁叫做抵架嘞? 我始終都係覺得香港多好多野食......
     
     
     

    回覆刪除
  17. 平靜2009年5月22日 上午2:37

    I like hotpot
    [版主回覆05/23/2009 07:21:00]
     
     

    回覆刪除
  18. 平靜2009年5月22日 上午2:37

    I like hotpot

    回覆刪除
  19. Cobi2009年5月24日 上午9:21

    v你唔指煮野食叻,搵野食都好叻呀,lee個火鍋又平又吸引..可惜我冇機會再去英國...
    [版主回覆05/25/2009 10:24:00]我始終覺得食乜都係香港最好食 + 最抵食~~~
     
     

    回覆刪除
  20. Elaine2009年5月26日 上午10:04

    I like eating out too cuz of more varieties but going to restaurants like this with two monkeys is uneasy. So that's why we've been eating at home.

    回覆刪除