花旗參瘦肉湯; 露筍牛肉卷; 吉列魚柳 & 火腿絲銀芽炒蛋
本來今餐係煲夏枯草黃豆湯既，不過我唔記得預先浸黃豆
，唯有臨時改咗煲花旗參啦! 都好呀~ 反正好耐無飲過花旗參湯，啖湯好甘甜好好飲啊~~~~ 
硬櫃有包火鍋肥牛片下個月尾到期嘞! 都係快手整咗佢，廢事到時唔記得咗又嘥野! 今次用來整咗露筍牛肉卷~ 老公又話好鍾意喎!
(緊鍾意啦! 因為係肉吖嘛.......
)另外2個餸都係利用"剩餘物資"而整既......
好耐無食過蒸魚，本來想蒸返舊魚食既~ 不過前晚炸完吉列蠔仲剩返半煲油，咁就用來炸魚柳啦!
煲油炸埋今次唔要嘞!! (依個星期食咗2晚炸野，飲花旗參湯就啱哂啦!
)仲有又係之前果晚滾蕃茄湯用剩半包銀芽，加埋火腿絲用來炒蛋......
Oh~ T師奶好慳家啊!!!!
花旗參瘦肉湯食譜click here~ 露筍牛肉卷食譜click here~ 吉列魚柳食譜click here~
依，咁個湯都啱我飲喎!
回覆刪除[版主回覆05/16/2010 05:38:00]咁整返碗啦!
好似少啲菜噃!
回覆刪除[版主回覆05/16/2010 05:37:00]有露筍又有銀芽....仲話少菜??
嘩...食左咁多炸野,啖湯岩哂啦,我都想潤返下
回覆刪除[版主回覆05/16/2010 05:37:00]我好鍾意飲花旗參湯架! 真係好耐無煲過咯，依煲特別好飲!!!
慳埋留嚟買廚具用品
回覆刪除[版主回覆05/16/2010 05:36:00]今日無買廚具，但買咗件新衫~
Mrs.T之前話煲夏枯草黃豆湯, 夏枯草涼茶就聽得多, 原來可以煲湯架? 幾時會再煲, 真想學下
回覆刪除[版主回覆05/16/2010 05:35:00]其實我都未飲過，搵日我煲來試吓吖~
夏枯草黃豆湯我都未飲過喎，好唔好味架
回覆刪除[版主回覆05/16/2010 05:34:00]我都未飲喎架! 我有本唔記得乜名靚湯書有依個湯，買齊哂材料但仲未煲過......
你好鐘意煲藥材湯咁啵﹌ 原來個個男人都係咁架? 個個都愛食肉。 仲特別係牛肉 ﹌
回覆刪除[版主回覆05/16/2010 05:33:00]花旗參我由細飲到大，我來咗英國咁多年，V媽媽一直有寄比我，係家中必備來架!
我識個個男性朋友都係食肉獸! 尤其係我老公~ 叫佢食菜仲慘過叫佢食C....... 不過我老公最鍾意食豬扒!
睇完今晚我都煲呢個湯先~ 好彩你提提我屋企原來有花旗參~THANKS
回覆刪除[版主回覆05/16/2010 16:10:00]you're welcome~
岩啦我屋企有花旗參, 今個禮拜煲下先, 又可以消熱氣, 我老公成日生痱之, 我老公又係好鍾意食牛肉, 每次問佢食乜餸, 佢都係答炸菜蒸牛肉, 真係比佢激C
回覆刪除[版主回覆05/18/2010 07:09:00]我地好少生痱滋，熱氣多數都係生暗瘡......
唉~ 我老公又係 - 次次問親佢想食乜餸，佢都會答我"要食豬扒!" 真係佢食唔厭，我都煮到厭!!!
食咁多炸野 ...
回覆刪除露筍牛肉卷我都岩喎, 有牛肉就至正
花旗蔘湯我都鍾意飲, 甘甘地 ~
夏枯草黃豆湯 ??? 我以為夏枯草係涼茶甜飲添 ... 原本仲可以煲湯
等我話俾阿婆知先
[版主回覆05/18/2010 07:07:00]其實夏枯草黃豆湯我自己都未煲過架! 不過見本湯譜書有依個湯，屋企又有齊材料，遲d唸住煲來試吓囉~
又慳家, D 嘢又好味, T 師奶, 你 係得嘅!
回覆刪除哈哈~
[版主回覆05/18/2010 07:06:00]無計~ 依度買餸唔可以樣樣買少少........所以一樣材料要唸多幾種做法!
下次整金姑肥牛卷丫,都好好味架!!花旗蔘我由細到大都怕怕,次次媽咪煲完呢個湯我打C都唔肯飲,唔知點解咁驚呢陣味!
回覆刪除[版主回覆05/18/2010 07:05:00]金菇肥牛卷我整過架嘞!
http://hk.myblog.yahoo.com/veronicams_tsim/article?mid=4789
不過露筍容易買d!
花旗參我由細飲到大，不過我好鍾意飲~