Sofia's (Italian) - 2010年10月24日

尋日(10月24日)去West End Hillhead 圖書館還書...... 
(妖~ 遲咗還書比圖書館罰咗£9!!!! )，就係果頭食lunch 啦!

今次試吓依間Sofia's~ N年前試過依間店既前身 - 另一間唔記得叫乜名既意大利餐廳，只記得上一手d野好難食......

而家裝修改咗，餐廳名又改咗做Sofia's，不過仍然係意大利菜~ 今次第一次幫襯!

 樓底矮不過有樓上(我地無上去只坐樓下); 樓下店面細只得5張枱，不過坐得幾舒服!

 我既頭盆Sausages and Beans Stew~

好好味! 有2種唔同既肉腸，個汁幾辣 - 食完個咀會腫腫地果隻~ 對我來講好刺激好正; 不過對一般洋人來講應該太辣!

美中不足果幾塊好鬆軟既麵包背面燒到燶鬼哂   - 我食到麵包苦苦地先發現!!

好surprised 頭盆都咁鬼大份 ，食完依兜野我已經有少少飽飽地......

 老公頭盆唔知咩汁煮青口~

同樣份量幾多! 我一向對依種黑色殼既歐洲藍青口麻麻地，不過我覺得依兜野煮得幾好食! 青口新鮮乾淨又夠大隻，煮得剛剛好非常鮮甜~

不過尋日Mr.T 特別了咀奄尖，加上佢自己order 錯咗汁 - 佢以為依個青口個汁係白色既! 佢覺得依個麻麻地......

 我既主菜燒雞闊麵配唔知咩汁~

塊雞扒大塊到嚇死人!! 雞扒頭尾兩端燒得乾到似柴皮，但中間部份都幾juicy 幾好味......要燒到一塊雞扒同時出現依兩種情況都幾高難度喎!

至於闊麵個汁，感覺同老公頭盆兜青口個汁一樣! 意粉汁裡面有好多pancetta - 對我來講實在太多太鬼鹹!!

成碟意粉我最欣賞唔係用芝士粉，而係用大舊parmesan cheese 刨薄片，芝士好香好好味!

不過碟粉portion 真係太大! 加上頭盆果兜腸 + 豆，連我都食剩少少粉 + 雞扒......

 老公主菜pepperoni pizza~

我食咗幾啖個pizza，佢d pepperoni 好香又唔太鹹，幾好食~ 不過老公非常唔老黎佢地個late lunch menu 既pizza 只得pepperoni 一種!

食食吓我問佢......

我: 你個pizza 好唔好食呀?

老公: 幾好.......夠熱囉!

(佢尋日要求真係好鬼高!! )

Overall 依餐我幾滿意既，都算抵食夾大份~

Sofia's 雖然用既都係好材料，不過佢地廚師技術真係要有待改進!

但整餐飯最需要改進既係佢地既服務!! e.g. 樓面細只有3個侍應，不過佢地成日掛住傾計......

我出街食飯好少點飲品，一向都係飲清水唔要冰~ 成餐飯我叫咗2杯水，2次order 時都講到明唔要冰，但轉個頭已經聽到個女侍應放冰入個杯度!!

真係吹脹~~~~

>>>>>>>>>>>>>>>>>>>>>>>>>>>>>>>>>

星期六(10月23日)唸咗好耐都唔知食乜，於是求其去咗Rumours......

 一人一個冬蔭雞湯~

個湯失色嘞!  個樣望落好似好正，但只得個辣字，唔係好夠香又完全唔夠酸!

 我個海南雞飯 - 今次d雞終於有返雞皮嘞!  (上次碟雞係無雞皮既!!)

 今次佢地個雞油飯好夠味又夠乾身好正喎!

 老公點既香茅豬扒另配炒飯~ 一個字 - 怪!

香茅豬扒竟然有層炸粉包住，仲有個辣辣地既汁......不過味道還過得去! 但就一定唔係香茅豬扒咁既味囉~

個炒飯仲加古怪 - 蛋 + 紅蘿蔔 + 豆角......

(所以今個weekend Mr.T 連食兩餐都唔多老黎!! 慘~~~ )