遲咗一星期慶祝既結婚4週年dinner......
我見到餐廳名激笑~ The Blind Pig 即係Mr.T 啦! 
一，之前我都講過 - 我成日改Mr.T 好多有個
字既花名;二，Mr.T 成日問我依樣果樣放咗喺邊度
......最攞命有時佢搵緊果樣野係近在眼前喎!!The Blind Pig 仲唔係Mr.T 來!!?!? 哇哈哈~~~~
(我估Mr.T 係因為個名先揀依間餐廳!
) 
尋晚老公訂咗7.30pm 枱~ 當我地準時到餐廳dinning rooms 果邊時覺得好奇怪 - 餐廳裡面一個客人都無既! 不過門就有開喎......
推門入到去，連侍應都無個~ 我 + 老公故意大聲講野，終於引到廚房裡面既廚師注意! 廚師走出來同我地講......
廚師: 今晚我地餐廳依邊唔開喎!
老公: 但我今朝打電話來book 咗7.30pm 枱喎!
廚師叫我地等一陣，佢去隔離有開既trendy bar 部份問清楚......
廚師: 唔好意思~ 你今日訂枱時我地仲未決定唔開blah blah blah (下刪一輪咀道歉......)
Mr.T 非常唔老黎! 不過我覺得其實唔關個廚師事既，有問題既其實係我地訂枱時接電話果個人 - 我地留咗電話號碼，你地臨時決定夜晚餐廳唔做生意，係咪應該即時通知我地呀?
因為我地始終訂咗枱，所以廚師問我地介唔介意移師到trendy bar 用餐?
我 + 老公都係好易話為既人來~ 若係對方不是，只要對方態度良好誠懇道歉就可以嘞! 始終出街食飯都係想開心嘛!!
廚師一路道歉一路帶我地從後面(餐廳 + trendy bar 有條通道)過隔離trendy bar，一過到去就有個廿幾歲既女仔笑哂咁歡迎我地......
我心唸: 個電話肯定係妳接架啦!
我地過去bar 之前問廚師可唔可以仍然order 餐廳menu，廚師話我地鍾意order 咩都可以......不過果個接電話既廿幾歲既女仔無比到正經餐廳menu 我地!
唔緊要~ 反正bar menu + Sunday dinner menu 上都有我地想食既野，只係選擇少咗啫!
個女仔落緊order 時我又心唸:
妳咁既做野手法，我係妳老闆一定炒Q咗妳!! 
好香濃好好味~ 而且無配多士阻頭阻勢，啱哂我可以就咁空口食!!
依個超好味! 鵪鶉肉好滑，同紅酒汁絕配!!
雖然好鬼細隻但真係好好味!! 佢地咁鬼差既服務，但就因為依隻燒鵪鶉，我地都一定會再幫襯The Blind Pig!
雖然兜野咁鬼細兜，得果3舊guinea fowl 仲要係胸肉來......不過真係整得好好食!
我要試吓老翻依道菜!!
(我有好多菜都話要老翻但尚未有實際行動......
)
漢堡包完全無野好講
......不過老公呻話漢堡包太鬼細隻!
反而係老公唔滿意佢地服務 + bar menu 食物咁少選擇，
佢仲一路食一路同我講: Honhon~ 有無ruin 咗餐飯呀?
嘻嘻~~~~(下次一定要試吓dinning rooms menu!!
)
第一 呢間野既服務態度真係好有問題喎 - 訂左枱竟然去到無開 (咁佢個晚係因為有party呀?) + menu 可以比一d 唔比一d !! (但係點解您地唔問佢地拎gei?) Mr T. 個burger 係邊到呀? 係咪將個burger 分為二呀? 真係好鬼細個呀!!
回覆刪除[版主回覆10/18/2010 20:17:00]叻叻~
咪係! 就算係我地訂完枱後佢地先決定唔開，係咪應該打個電話比我地通知聲呀? 無喎~ 佢地開咗門但裡面完全無客人又無party 喎! Mr.T 訂枱時我都喺佢隔離，肯定佢係訂dinning rooms 果邊既!
gourmet 嘛! gourmet 就預咗懶靚 + 細份架啦~ burger 咪頂果兩舊囉，好多餐廳上菜時都係分開上下兩舊來present!
食得開心最緊要,因為係你地慶祝既日子,都睇得出你地唔受影響
回覆刪除見到d野好似好好味,不過真係細份左d,我諗dining rooms既menu會多d選擇既,到時再食餐勁d份量架咯
[版主回覆10/18/2010 20:13:00]其實都有少少影響架~ 不過個廚師沙哂冧，出街食飯要開心嘛! 嬲都無謂~
不過佢地d野真係好鬼細份!!!! 但又真係好好食，尤其係隻鵪鶉.....
如果d野唔係咁好食既話，果個企枱咁既嚇鬼服務，唸到唔洗唸我下次會再幫襯!
你地真係sweet呀!!! 食セ都唔重要啦,hehe Mr.T 的畫功好得呀!!!
回覆刪除[版主回覆10/19/2010 16:21:00]食乜都緊要架! 如果餐飯唔好食都會ruin 架~
雖然間鋪態度有問題 不過當然唔會影響到你地個sweet高興既日子啦 ^^ 結婚週年快樂 ^^
回覆刪除[版主回覆10/19/2010 16:20:00]Thanks Katie! 出街食飯最緊要d野好味 + 食得開心嘛~
妳老公真係好鍾意burger
回覆刪除[版主回覆10/19/2010 16:19:00]妳次次見到Mr.T 食burger 都係咁講!
餐 廳D服務態度真係。。。不過算啦﹐ 真係唔係個chef0既問題﹐ D野好似好好味咁﹐ 又好肚餓啦!! 起碼呢間野D野食都唔差﹐ 有次我去到一間 餐 廳﹐ 服務態度差之餘﹐ 野食又好難食﹐ 真係趕客呀! 都唔知係咪因為我地係中國人﹐ 所以對我地特別差﹐ 我見其他人好似好enjoy﹐ 真係激死我!! 發誓以後都唔去個間 餐 廳 查實你個邊食野貴唔貴? 有無london咁貴?
回覆刪除[版主回覆10/19/2010 16:18:00]見個廚師沙哂冧道哂歉都發唔出爛咋啦! (一向都唔會喺街發爛咋! ) 肯道歉咪好囉，學妳話齋 - 見到你地係中國人佢地分分鐘會好arrogant!
依邊食野貴唔貴 - 睇吓妳食咩果喎! 不過普遍來講，好多野都貴過妳果邊!
同意，出街食飯最緊要開心，所以唔好激氣啦! 你老公真係好鬼可愛，佢係唔係次次同你出街食飯都會畫你o架? 不過佢d畫功真係唔錯喎，觀察力仲好好，好多detail位同神髓佢都掌握到，讚!
回覆刪除[版主回覆10/19/2010 06:01:00]咁佢地都不停道歉，無理由發爛咋啫~ 而且餐飯好好味!
代我老公講聲多謝! 係呀~ 由5月開始到而家，佢話每次出街食飯都要畫低我個為食樣喎! 不過佢次次都畫到我唔樣，佢話要畫唔同style 既我喎!
點解幅畫要畫到你奸笑嘅?
回覆刪除等你整個老翻呀~~~
[版主回覆10/19/2010 16:12:00]佢次次都畫我唔同樣，佢話要畫我唔同style 喎!
我要研究吓個老翻點整! 不過啱架 - 妳要比少少壓力去推動我架!!
其實如果俾係我﹐我諗我會失望架~
回覆刪除[版主回覆10/19/2010 16:10:00]佢地d野好好食架! 今次去唔到餐廳咪下次去囉~ 好小事唔值得失望!
你地日日都咁SWEET, 真替你們開心~
回覆刪除[版主回覆10/19/2010 16:08:00]Thanks Nat~
睇你甜到流咁喎!
回覆刪除[版主回覆10/20/2010 03:26:00]係架~ 我對住我老公幾時都甜到漏架!
你哋每次出街食飯，你老公都會帶住本畫簿ka!
回覆刪除我個女話畫得好靚呀! 亞嬌話對眼好迷人喎!
[版主回覆10/20/2010 03:25:00]係呀~ 由5月開始佢話每次出街食飯都要畫低我個為食樣嘛! 本畫簿仔好細本架咋!
哈哈~~~~ 阿嬌好識貨喎!
食物個樣好似無乜野，但聽你講又好似好好味咁播 ，最想試果舊方形物體 ！哈哈，期待你的“老翻”作 ！
回覆刪除祝你地年年都咁sweet~sweet~~！
By the way, 你老公d畫功都好得下wow！
[版主回覆10/20/2010 03:23:00]佢地d野食真係好味! bar menu 好少有咁既水準~
方形物體? 妳指舊雞肝醬?
thank you imagery! also 代我老公多謝妳讚賞~
今日整老翻吖~~~
回覆刪除[版主回覆10/20/2010 18:15:00]今日唔整住呀! 今晚已計劃好煮乜嘞~
好彩D食物好食補番數, 隻鵪鶉睇落好滑, 好juice.
回覆刪除HAPPY ANIVERSARY!
[版主回覆10/20/2010 18:15:00]Thanks 妹頭!
隻鵪鶉真係好正~ 唸返起都流哂口水.....
祝您倆日日都係結婚週年日咁快樂
回覆刪除[版主回覆10/20/2010 23:14:00]Thank you very much Carmen!
london貴定你個度貴? 你地個度有無唐人街GA? (講到你好似係荒島咁﹐ 哈哈)
回覆刪除[版主回覆10/21/2010 06:28:00]乜野London 貴定我果度貴呀? 睇吓食乜既啫吓哇?? 任何地方乜野都有平有貴架啦!
我依度有Chinatown 但唔可以話係一條街~ 不過我覺得妳個問題問得好奇怪，好明顯妳對美國以外地方認識不多~ 英國唔係只得倫敦一個城市囉!
遲左同你講"4週年快樂"呀~~~~~~~
回覆刪除[版主回覆10/21/2010 21:22:00]唔遲~ 唔遲~ 多謝哂Kelly!