星期六晚老公從一位朋友既FB得知，
Anthony Nolan - 一個專幫助血癌病患者既慈善機構，
尋日(10月9日)會喺East Kilbride 一間酒店，
為一名年幼血癌病患者Ryan，尋找可以提供合適骨髓作移植既捐贈者~
小Ryan 其實係老公朋友既朋友既兒子...我地並唔認識小Ryan 既家人。
老公知道依件事後，戰戰兢兢咁問我: Hon~ 妳覺得我應唔應該去?
我唸都無唸: 你同我都應該去! 我相信換轉任何人，都希望會有人肯幫自己!!
不過，原來老公問我既原因係......
N年前99發現老公填咗捐贈器官卡，鬧到老公飛起!
我了解老一輩中國人既傳統思想覺得大吉利是，
而老公亦知道我某程度上好婆仔地堅持一部份既中國人傳統......
不過此事不在我"婆仔表"上之列!
隔咗一陣間......
老公: Hon~ 妳怕唔怕痛呀? 如果妳怕痛，我可以自己一個整果喎!
(我唸Mr.T 比我年頭做完果次手術嚇驚咗!!
)我: 聽日去比口水sample 之嘛，都唔洗抽血~ 就算我sample 吻合要抽骨髓都唔驚! 我手術個肚都開2個窿啦，抽骨髓開1個窿之嘛!!
我深信相比起患病者，身體健康既人肉體上既少少痛苦相當微不足道~
就係咁，我同老公決定第二日一齊去比sample!
不過現場所見...除咗我 + 老公之外，全部都係Caucasians!
我同老公即時有個疑問 - 唔知不同種族可唔可以做捐贈者既呢?
不過接待處工作人員問明我地想比sample 後，就每人比咗份表我地......
入咗Ball Room 裡面坐滿填表既人，我 + 老公都即時搵咗個地方準備填表，
不過......
朝早刷牙時磅過自己108磅(約49kg);
換句說話 - 我唔合格!!
知道自己唔符合資格有d失望......
雖然我既骨髓未必適合，但多1個人就多1個機會嘛!
就算今次幫唔到小Ryan，登記後機構會將化驗結果紀錄在案，
將來可能有機會幫其他病患~
最後老公一個登記，填完表後上樓上一間房累啖口水落個膠樽仔就搞掂走人!
希望可以早日搵到適合你既骨髓!
你要加油啊!!
Good luck Ryan . Hope him get well soon
回覆刪除[版主回覆10/10/2011 21:23:00]Let's hope for the best!
我諗捐骨髓，老人家都可能接受到，因為器官真係比左人就無，但骨髓同血液一樣可以再生~唔同既~
回覆刪除[版主回覆10/10/2011 21:20:00]其實我唸妳誤解咗填寫捐贈器官卡既用途! 填寫咗捐贈器官卡既人會將卡隨身 攜帶 ，萬一不幸意外身亡，等醫生知道填寫人有咁既意願，把握時間喺器官仲未壞死前盡快移植到有需要既病患身上 - 依個先係捐贈器官卡既用途!
所以填寫咗並唔等於遇到吻合病患就要特登做手術捐出器官! 況且如非罕有情況，醫生根本唔鼓勵活捐器官~
I think there is a new method for the 捐骨髓，not painful like before .
回覆刪除[版主回覆10/10/2011 21:39:00]are you talking abt the PBSC? i know that PBSC allows the donor to donate stem cells without having to directly donate bone marrow.
however, i believe if they found a match through this event for Ryan, they would be doing the traditional method. let's not forget it's a charity!
可以遺愛人間, 何樂而不為呢? 人死左冇靈魂, 都只係一個臭皮囊而已, 最終只會灰飛煙滅... 多一點愛心, 多一個樂人. 好耐之前, 我已經寫好捐贈CARD, 經常帶喺我身邊 :)
回覆刪除[版主回覆10/10/2011 22:12:00]老一輩既中國人傳統觀念或信仰觀念上始終比較頑固地認為"死要有全屍"，依點係絕對可以理解既! 始終老一輩教育 + 成長背景同我地唔同，我地可以堅持自己信念，但亦應該尊重，顧及 + 體諒佢地既想法~
可以幫到人係一件開心的事
回覆刪除[版主回覆10/13/2011 18:38:22]唉~ 我尋日升級前回覆咗妳架! 不過升完級後無咗個回覆.....
希望小Ryan早日搵到合適骨髓 係外國既病人已經比係係中國或者香港既病人多一分機會，中國人始終好多人都接受唔到捐骨髓或者捐器官
回覆刪除[版主回覆10/13/2011 18:40:30]無疑中國有好多傳統智慧值得流傳萬世，但同時我又覺得中國人特別多婆婆媽媽既麻煩習俗!! 不過時代唔同咗，我唸中國人都多咗接受器官捐贈~
小ryan好可愛, 0甘可愛0既小朋友應該DESERVE一個無憂無慮0既童年, 希望佢可以快D好番, God Bless Him
回覆刪除[版主回覆10/13/2011 18:44:04]每個小朋友都deserve 一個健康快樂既童年! 所以睇到小Ryan 張相咁細個，知道佢又有頑疾真係好心痛~
希望Ryan快d搵到合適骨髓~ 加油呀!
回覆刪除[版主回覆10/13/2011 18:46:32]God bless little Ryan!
加油Ryan，願你早日找到合適骨髓。
回覆刪除[版主回覆10/13/2011 18:50:29]God bless little Ryan! (Karen 妳未升級認唔到妳啊.....)
很欣賞妳們的行動及支持！
回覆刪除但願小Ryan能盡快找到合適的骨髓
[版主回覆10/13/2011 18:53:14]過獎嘞攪攪震! 除咗我地仲有好多人都好熱心支持小Ryan 呢~ God bless little Ryan! ^^
加油Ryan, 一定 搵到合適骨髓
回覆刪除[版主回覆10/13/2011 18:51:37]God bless little Ryan! ^^
最近在電視見到我認識的小朋友與她的骨髓捐者見面, 很感動. 雖然我登記左骨髓捐贈, 但若有一天收到match case, 我唔知我係咪可以勇敢的踏出這一步. 不過, 真係好appreciate你們, 很有心!
回覆刪除[版主回覆10/13/2011 18:58:29]尋日升級前回覆咗，但升級後唔見咗我個回覆.....
其實我地唔勇敢亦更唔係偉大，而且我自問都好怕痛! 不過我覺得患癌病人要長期接受治療抗病既痛苦，相比起我地身體健康既人身體上鑽個窿既痛實在相差太遠嘞! 身體上鑽個窿就可能救到其他人一命，好值得啊~ (可惜我暫時未夠資格......)
加油Ryan, 願你早日找到合適骨髓。
回覆刪除[版主回覆10/13/2011 18:51:21]God bless little Ryan!
我一夠 18 歲就填咗器官捐贈卡, 仲第一時間話俾我亞媽知, 雖然佢地都唔係咁鍾意, 但都冇阻止/鬧我...
回覆刪除希望小 Ryan 快啲好返啦~~
[版主回覆10/15/2011 10:00:12]乜要夠18歲先填得既咩? 我17歲時來英國，但我未來前已經填咗咯! 不過無話比父母知.....其實父母就算阻止出發點都係愛鍚自己仔女啫! 上一代教育同成長背景都唔同，中國人有中國人根深柢固既習俗，老一輩人既思想好難改變~
呢D其實危險性好高﹐排斥機會又大﹐我真心希望個細路一切順利呀~
回覆刪除[版主回覆10/20/2011 17:32:11]係呀~ 就算幸運地搵到合適捐贈，都要成世食抗排斥藥~ 果日見咁多有心人去捐sample 希望當中會有合適既骨髓啦!
希望位小朋友會搵到合式的骨髓啦!
回覆刪除[版主回覆10/23/2011 03:04:08]Let's hope for the best! ^^