焗蠔砵

焗魚腸係另一個我好鍾意食但蘇格蘭買唔到材料既餸，
用焗魚腸既方法來炮製韓國急凍蠔，總算可以一解口癮!

1. 韓國急凍中size 蠔一包(約230g)解凍，煮滾一鍋水，下蠔灼大約10至15秒後撈起，沖洗乾淨瀝乾，先放入砵中。

2. 雞蛋4隻打勻、切碎鹹蛋黃1粒、果皮1塊浸軟切幼絲、適量剁碎芫荽、清水4湯匙、胡椒粉和雞粉各少許，全部材拌勻後倒進砵中。

3. 油炸鬼1條切件鋪在上面。

4. 放入蒸爐以100C或隔水大火蒸15分鐘。

5. 再放入已預熱焗爐200C，焗至金黃，灑上切碎芫荽即成。