從小鍾意飲茶既我勁鍾意買茶葉，
不過我其實好少用茶壺沖茶，
一來我懶洗茶葉隔，
二來斟茶後壺裡面水少咗，
茶葉浸耐咗，茶就變得太濃，
所以我多以一個茶包沖一杯代勞，乾手淨腳!
但咁就局限咗我飲茶既種類，
因為其實靚茶大都唔會出茶包........
其實早排已經買咗個心型tea infuser，依個又平又好用!
不過Mr.T知我一向好鍾意Fred既攪鬼設計廚用品~
睇吓依個Mr. Tea個樣幾疏肝! 可愛到爆~
近兩星期蘇格蘭天氣黐哂線!
氣溫由2星期前大太陽8、9度，
急降至1、2度甚至零下再加雪飄飄........
日日落濕雪，又濕又凍，只想喱喺暖笠笠屋企唔想出街!
但唔躝街我又週身唔聚財.......攪到我心情非常矛盾!!
Mr.T唯有買多幾份小禮物來安撫賢妻~
我勁鍾意玩Professor Layton系列既game!
不過我打機一向都玩得好慢(即係好咋....)，
二來我好有節制唔係宅女唔會沉迷......
所以依個game玩咗兩星期都仲未玩完!
玩既過程當中我發現自己漏咗好多小節........
我打算重新由頭開始再玩過，所以可以再玩耐d!!
雖然佢係一個Door Stop，所以佢好重，
不過佢個樣懵盛盛太可愛，
淺粉紅燈芯珊瑚絨又好舒服，
唔捨得放佢去度門........
所以佢有幸進駐我 + Mr.T張龍床，
我當佢係公仔枕頭~
Mr. Tea疏肝到好似浸緊溫泉咁喎
回覆刪除[版主回覆03/19/2013 20:31:32]佢浸緊個茶溫泉!
ha ha! 有疏肝的Mr. Tea陪伴吃早餐, 都令舍醒神又開心勒!
回覆刪除[版主回覆03/20/2013 17:13:02]Mr. Tea 令我愛到不能自拔! 早餐、午餐、tea time、晚餐....全部都要佢陪我!
Hi Chef V, how you doing? The mr tea infuser is so cute...that...I just bought one from Amazon!!!
回覆刪除[版主回覆03/20/2013 17:11:26]Hey Kevin thanks, im good!
they have an other tea infuser called "teatanic"....
MR TEA 好LIKE 浸溫泉..
回覆刪除[版主回覆03/20/2013 17:08:42]睇見佢個樣我都想浸埋一份!
Hi, Veronica, Mr. Tea 好盞得得意, 我想想買番個,嘆茶都開心d, 係咪外國先有得買?^^"
回覆刪除[Zita回覆03/25/2013 09:20:53]哈哈....我再去搜尋下先, 我之前都係去supermarket 睇咋,都唔記得有台灣食品鋪頭tim,嘻嘻, 下次去尋下寶先:-), thanks Veronica~
[版主回覆03/25/2013 08:15:00]香港咁多台灣食品，點會無紹興酒賣呀?
[Zita回覆03/22/2013 23:20:04]唔知香港有冇呢^^",聽日去睇下先, 唔該晒Veronica你呀~ 市面有好多隻牌子,我之前睇過都唔知買邊隻好,哈哈...
[版主回覆03/22/2013 22:56:32]台灣埔里出產既紹興酒好出名! 所以其實妳揀台灣既紹興酒，用來煮餸已經好夠香架嘞!
[Zita回覆03/22/2013 22:53:38]I see...Thank you very much! :-)
[版主回覆03/22/2013 22:27:21]係紹興酒~
我用既係台灣紹興酒~ 我用既唔一定係最好，只係依邊選擇比較少! 妳喺香港選擇多好多啦!
[Zita回覆03/21/2013 09:39:46]Veronica, 唔好意思, 想請問一下,我睇到你既食譜入面有時會用到紹酒, 指既係紹興酒嗎? 可以介紹牌子嗎? Thanks a lot!
[版主回覆03/20/2013 17:43:14]睇得明~ 睇得明~
[Zita回覆03/20/2013 17:14:50]Thanks Veronica! :-)哈哈..原來我個留言打錯晒d字我想講Mr. Tea好盞鬼得意,用d funny 既家具, 望住都開心d~
[版主回覆03/20/2013 17:07:28]我唔知香港有無得賣，不過妳可以試網上買! 樓下有位扑友喺Amazon 買咗~
Mr Tea 在茶杯的樣子超級 funny
回覆刪除[版主回覆03/20/2013 17:06:14]Fred and Friends d野真係好鬼可愛好過癮!
Mr. T 真是愛妻號！呢個泡茶器個樣好鬼 funny！唔泡茶都想擁有！
回覆刪除[版主回覆03/20/2013 17:05:33]Fred and Friends d野真係好鬼可愛好過癮! 而家沖茶唔單止係享受杯茶，仲變成一件好有趣既事~
Mr. Tea好過癮
回覆刪除[版主回覆03/22/2013 21:55:11]我好鬼鍾意! 收到時尖叫~
好得意呀~用得又睇得
回覆刪除[版主回覆03/22/2013 21:54:45]而家日日飲茶都係用佢!
呢個TeaFilter好似浸浴咁款,似乎佢嘆D喎.現在的款式越來越精緻.其實香港一日凍一日濕一日又熱,小心身體比較容易病的.
回覆刪除[版主回覆03/22/2013 21:54:23]我依度都係凍幾日又暖幾日.......好煩!
Mr. T 的禮物愈來愈正呢!個豬仔真係超可愛
回覆刪除[版主回覆03/22/2013 21:50:14]份份都咁正!
好得意!!
回覆刪除[版主回覆03/22/2013 21:49:54]真係好可愛!
Mr. Teav好得意呀
回覆刪除隻豬仔on on下好搞笑
[版主回覆03/22/2013 21:49:08]所以我樣樣都好鍾意!
好搞鬼
回覆刪除[版主回覆03/22/2013 21:48:48]Fred and Friends d 野一向都好搞鬼!
謝謝你的分享， 好sweet 呀
回覆刪除我也正為我的體重管理寫了blog, 给我一點意見丫 ^_@
[版主回覆03/25/2013 08:13:57]Thanks
雷頓教授英文版，真係好正，唔知點解，英文好配佢既卡通人物風格，香港淨係得日文版賣，英文版好少見!!!!!!!
回覆刪除[版主回覆04/02/2013 19:05:19]我無睇過中文版呀! 我睇既係英文版來啊~
[Kobe回覆03/31/2013 14:57:55]有，我有雷頓教授卡通片既DVD，仲要係香港粵語配音，好正，全部都係資深既無線電視台配音員，竟然有蘇基做配音，勁搞笑，不過蘇基配得好好，好自然好傳神。
[版主回覆03/25/2013 08:13:37]我係來英後先開始打機，一直都係玩英文版，未玩過日文版~
日文版淨係發聲係日文，咁d字係日文定英文?
佢地d game 故仔幾好睇! 有無睇過套卡通Professor Layton and The Eternal Diva?
cute 到極！同你個杯好襯！我馬上上網google查哪裡可以買到Fred,不過查唔到。請問Fred的東西怎樣可以買到？謝謝！（如果只限蘇格蘭就沒有辦法了。我在曼徹斯特。）
回覆刪除[版主回覆03/30/2013 02:29:55]Fred and Friends (美國品牌)喺英國好多精品店都有得賣架! 我喺Manchester Shudehill Interchange 隔離街一間精品店都見過有好多Fred 野賣 (唔知街名 + 店名!) 不過唔係所有Fred product 都齊~ Mr. Tea 係新出既，我喺Glasgow 見到幾間精品店都有得賣，好似幾紅~
Hahaha Mr T 好幽默～～個Mr Tea好正呀！一大早望到佢都會精神dXD
回覆刪除[版主回覆03/30/2013 02:17:24]而家日日飲茶都係用佢! 好方便，而且望住佢人都開心d~
好謝你的回覆！原來全稱是Fred & Friends,這次總算在網上找到，確實在曼城市中心有一間。（我本來讀時裝設計，但對這些新奇東西竟然不知，真不好意思。）
回覆刪除[版主回覆03/30/2013 04:18:04]唔洗客氣! 妳去精品店搵吓有無先啦，如果無的話，依個網可以買得到: http://www.mzube.co.uk/ 或者amazon uk 都有得賣，不過貴少少~
Mr. T is so sweet!
回覆刪除Peggy
[版主回覆04/02/2013 19:04:31]Thank you Peggy!
請問Mr.TEA是甚麼材質的??哪裡可以買的到??謝謝
回覆刪除[版主回覆07/12/2013 07:25:00]係矽膠來~
我住喺英國，英國有d精品店有得買