南下Cheshire Oaks Outlet 快閃放血 (2016年1月14日)

早前Mr.T 休息咗2星期陪我，可惜暫時唔搭得飛機，唔可以去旅行.......
依2星期不外乎食食食，行吓街睇吓戲或者喺屋企hea 吓，好relax~ ^^

14號果日天氣好好，Glasgow Edinburgh 行到悶，即興渣車落南下shopping!
目的地係Cheshire 既Cheshire Oaks Outlet，當係遊吓車河~


由於我唔坐得太耐，渣吓停吓休息吓，比平時用多咗好多時間，
去到outlet 天已開始黑(英國冬天未夠4pm 就開始天黑......)
把握時間~~~~~~

第一站...Links of London ^^

第二站Le Creuset...一入到去就比我搵到個筍野! ^^

我本身已有一個白色陶瓷tagine (塔吉鍋)，
不過因為連個底都係陶瓷造，煮食時只可放入焗爐，
想買一個可以放爐頭煮食既cast iron tagine 好耐，
首選係LC or Chasseur，但前者價錢太貴; 後者長期無貨，
其他牌子見過實物e.g. 太大/太厚重/手工粗糙/太醜樣........

依個原價£175，outlet 減價£99! 仲要唔係second 來喎!!
雖然只得依隻Soleil Yellow 減價 (其他顏色原價!)，
不過我覺得依隻黃色幾靚，£99太吸引，唸都唔洗唸~ ^^

早前買咗2隻長碟，幾好用! 今次再買多一隻長碟 + 一隻方碟~

之前都去過Cheshire Oaks Outlet 2次，今次去感覺無記憶中咁多野賣......
雖然收穫唔算多，但每一樣都係自己想要，每一樣都好鍾意! ❤


同場加映........

繼之前既花花系列洗碗架墊 + 抹布，£1花花洗衣袋~

仲有布衣架，£1有2隻，真係抵到爛! ^^

1月尾周街仲係水尾大減價，不過減價衫大都剩返超大碼，上網買size 反而仲齊!
仲有幾日我先夠16W，不過朋友都話我個肚似5月+.......
但暫時我仲係著緊細碼衫! 只要揀d闊袍大袖款式! XDDDD