我們的哈囉喂2014: 我殺咗Mr.T! (恐怖~ 慎入!)

今個哈囉喂Mr.T 工作太忙，無時間精神準備造型，所以無同朋友夜蒲扮鬼扮馬! 
不過我 + Mr.T 過咗一個非常productive 又好味既哈囉喂......

好鍾意Mr.T 畫比我既哈囉喂鼠鼠女巫圖~ ❤ 
(都唔恐怖...就係唔想嚇親大家，先post d可愛既! XDDDD)

我們的哈囉喂2013 Part 2: 刻南瓜 (附教學)

屎就屎...唔識用都寫住先嘞!
唔通真係拖到出年哈囉喂先寫咩......

今年哈囉喂我 + Mr.T 玩咗樣新野 - 刻南瓜是也~
我來英多年都無玩過刻南瓜，
但我有點意外喺蘇格蘭出世長大既Mr.T 竟然都無玩過!
Mr.T: 好出奇咩? (不屑地......)

我們的哈囉喂2013 Part 1: Mr.T 殺咗佢老婆! (2013年10月26日)

花咗21小時42分鐘，終於將Yahoo Blog 備哂份!
但我仲未有心情將舊網誌轉檔搬過來......
Hea 咗咁耐積埋大堆野未寫，
再唔寫既話...話咁快出年哈囉喂又到咯! 呵呵~~~~~

 

依個係Mr.T 今年哈囉喂既造型......

閣樓的熊啤啤

其實幾個月前已經從老公口中得知依件事，
不過當時老公仍然喺南下工作，
我一個人喺屋企唔敢寫啊......

單拖回香過新年 - 神出鬼沒鎖匙包 & 紅髮俄羅斯女人

大家開始睇依篇之前，

你 / 妳地係咪唸緊 - 依個乜鬼野標題來架? 

2 + 1/2次靈異經歷

今日係Halloween，不過現正身處倫敦既我發現Halloween 氣氛普通......

感覺聖誕氣氛勁好多喎!

又來Halloween DIY! (2009年10月31日)

有無嚇親大家呢?

長輩靈異事2則

今次因為V嫲嫲走咗而返香港，我分別從V媽媽 + 三叔口中聽到2則靈異事......

(1) 第一則就正正係關於V嫲嫲......

V嫲嫲 + V爺爺曾經喺英國居住一段頗長既時間，近十年左右先返香港長住養老。V嫲嫲年紀雖大，不過返香港初期健康狀況仍然好好，閒時種吓花或種吓菜，生活寫意~ 3月31日朝早送完V嫲嫲上火葬場 + 一切儀式辦妥後，我地一行人就去酒家食一餐"英雄飯"~ 席間同我一樣由英國返香港出席喪禮既三叔，道出一件數年前既往事......

V嫲嫲 + V爺爺居住既三層村屋，屋隔離有一條小路，沿住小路可一直行上山坡，山坡有幾塊田地屬於V爺爺 + V嫲嫲，以前佢地就係喺果度種瓜菜。數年前，有親人突然喺屋前小空地起咗一個多鬼餘 + 完全冇作用既石屎圍欄，從此V嫲嫲既健康狀況就每況愈下! 石屎圍欄起好咗冇耐，有一晚V嫲嫲發夢......

夢境中V嫲嫲準備行上山坡去田地，突然V嫲嫲見到山坡上企咗2個同村，但都已去世一段長時間既長輩，其中一個長輩阿太(音"泰")用客家話同V嫲嫲講: 阿嬌~ 妳來依度做咩? 依度唔係妳來架~ 快d走! 之後V嫲嫲就醒咗......

老公聽返來既靈異事2則

我 + 老公都好鍾意睇鬼片 + 對靈異事好有興趣~  我地知道英國有好多古老酒店or B&B，以"有鬼魂作崇"來做賣點!  我成日都話想同老公試吓去住......

早幾日食飯時睇Sky 一個靈異節目 - 一大班人 + 2個所謂靈媒，去英國唔知邊度一間出名有鬼既古堡式酒店過夜，幾個人一間房 + 完全冇開燈，節目係用紅外線夜視功能既攝影機拍攝，形式係紀錄片 - 即係佢地話全部係真人真事! (佢地話咋~~~~ )

電視熒幕上所見，係一大班人伸手不見五指既房間度，經常失驚無神地大叫 - 佢地話感覺到突然有人摸佢地喎~~~~~ 我睇到好忟!!!!  忍唔住厭惡地"啫"咗一聲......

臨急臨忙既Halloween DIY (10月31日)

老公臨收工時收到老友伴郎Jeff 電話 - 搵老公出去飲酒~ 我地就來返香港，老公將會錯過Jeff 細佬CJ 既生日，所以決定出去! 咁即慶...老公一d準備都冇! 去到超市，幾乎所有Halloween costumes 都收鬼哂，改放聖誕節用品，所以臨時臨急求其買咗d道具DIY......

Gypsy Lee 既水晶球

好多人喺人生唔如意既時候，會傾向用比較靈異既方法，希望知道自己將來既人生會係點! 可能係一種自我安慰，希望知道自己既將來會有轉機...我亦唔例外!

大約10年前，just before 我認識老公，當時係我一生人最黑仔既時候! 果時啱啱同前男友分咗手; 又剛剛做完智慧齒手術，冇返學一段時間，功課追唔上; 當時我既好朋友M又將快離開Glasgow，去加拿大做交換生1年..........

預感

我一向都懷疑自己有少少"預知"既特異功能! 有人話女人既直覺比較準，不過多數係指老公 / 男友做衰野偷食果隻~ 我個case 睇來唔似係依種直覺......

先講咸豐時代既事...長洲太平清醮搶包山係近年先恢復舉辦既活動~ 好多年前其實已經有，但聽V媽媽講，我好細個時，有次搶包山發生好嚴重意外，之後就除消咗依項傳統，改為將包山既包拆落來派包。V媽媽話，發生搶包山意外果年(78年)，搶包山開始前，佢, V爸爸 + 朋友抱住我去北帝廟湊熱鬧，但我一去到就突然喊到好厲害，點氹都唔收聲! 於是V媽媽唯有帶我返婆婆屋企~ 返到婆婆屋企冇耐就傳來包山倒塌既消息.....(當時我2歲都未夠，我完全一d記憶都冇! 此事係V媽媽口述~~)

女校生怪談

九龍塘有一間band 1女子中學 (係邊間唔洗講嘞啩!)，我就係喺果度渡過咗我既中學生涯...至F4就來鬼咗英國嘞!

先略略講解一下當時校舍既地形...
學校其實係位於小斜路之上，
所以隔離既火車站比校舍低咗落去。
(講到咁白，真係唔洗講邊間嘞啩!!?)
當時校舍連埋天台總共有6層，
學校入口 - 即有操場 + 禮堂果層係第三層~ 操場+ 禮堂以上 + 以下又各有兩層~
不過我地會稱操場(入口)果層為"地下";
上面兩層為"1樓" + "2樓" - 全部都係課室;
下面兩層為"地下室"~

蜜月旅行相

06年10月結婚時，由籌備婚禮...到完成哂兩個婚禮 (英國 + 香港~)，已經用哂老公果年全年既假期! 所以我地影婚紗相 + 蜜月旅行都係後補既.......

舊年差唔多依個時候 - 6月尾 + 7月頭，我地就去咗意大利 + 西班牙2個星期補渡蜜月~ 依2星期裡面，我地影咗過千張相，全部係用同一部相機 + 同一張memory card......不過其中3張喺佛羅倫斯影既相，就有少少古怪..........

07年6月28日，我地從羅馬搭火車到佛羅倫斯day trip，而果3張古怪相，就係我地參觀S. Maria Del Fiore - The Cathedral (聖母百花大教堂大圓頂) 時影到既。

 排隊比咗錢之後，我地就沿住又窄又暗通道走幾百級石級，走上教堂既頂部 - 大圓頂~ 基本上直至上到大圓頂之前所經過既地方都係咁既同樣......(因為窄而且遊客一個跟一個，所以就算攰都唔應該停落來抖...阻住人地嘛~~~)

1 + 1/2次靈異經歷

 我同老公一向好鍾意睇恐怖片~ 但我其實好鬼細膽! 老公一定要喺我身邊我先夠膽睇鬼片，如果老公唔喺屋企，就算日頭我都唔敢睇!!! 早幾晚有晚瞓得唔好...成晚發惡夢~ 起身後先記得...原來果晚臨瞓前睇咗半套日本鬼片!!!

雖然我係無信仰...但我就真心相信佛教既道理~ 亦絕對相信鬼神之說!!! 我個就人有過靈異經驗，但唔多~ (好彩!!!) 不過我對依方面就好好奇 + 有興趣....所以特別開依版來講吓我親身 + 聽返來既經歷! Everybody~~~ 有料都可以報過我知架!!!

以下係我自己親身經歷........