超級月全食 Supermoon Lunar Eclipse (2015年9月28日)

大家尋晚有無欣賞超級血月呀?
超級月全食 = 超級月亮 + 月全食(血月)~
兩個天文現象同時發生非常難得，對上一次係33年前(1982年)，
而下一次要等到2033年，今年既超級血月仲適逢中秋佳節，
就算阿V眼瞓都要頂硬上親眼一睹! ^^

Winter Sky

上星期日(12月2日)Glasgow 已經落咗今年第一場雪!
整整一星期以來，氣溫介乎-3C至3C之間，
好在一晚積雪唔算厚，而且有人掃雪，
兩三日就溶得七七八八~
而且日頭天氣唔錯，經常都有藍天白雲，
只要有藍天白雲既日子，黃昏既天空都會特別靚........

不過英國冬天黃昏來得早.......未夠4pm個天已經開始暗!
(11月26日)

深秋了......(2012年10月11日)

今年夏天天氣非常唔錯，
經常都有大太陽 + 藍天白雲~
不過咁可愛既夏天眨吓眼就過咗，
話咁快蘇格蘭已經到咗深秋......

樹葉變紅變黃，落滿一地.......

Glasgow 的水尾八月十五 (2012年9月30日)

尋日中秋原本日頭天氣好好，
殊不知傍晚天黑時雲開始變厚，
厚到個遮實哂個月光，
搵咗成晚都唔見影!
以為今年中秋無月可賞.......

Sunset@Blackpool (2012年4月27日)

2星期前老公帶staff 到Blackpool 出trip，我又跟埋去......
Blackpool 係英國沿海旅遊點，
有一大片唔算好靚既沙灘~
不過當日天氣好好，
黃昏時候沙灘一遍金黃......

He is my sunshine! (2012年3月17日)

剛過去既星期四星期五連續落咗2日大風大雨，
不過星期六Mr.T 由Birmingham 返咗Glasgow 渡週末，
仲為我帶大太陽藍天白雲! 
(哈哈~~~ 其實關Mr.T 咩事呢? )

彩虹盡頭 (2011年12月3日)

雖然我好唔鍾意蘇格蘭橫風又橫雨既雨季，
不過我好鍾意彩虹! 一見到彩虹我就會好開心~

蘇格蘭冬季經常落雨;
因為樓宇密度無香港咁高，好容易見到一大片天空，
變相見到一條橫跨整片天空既彩虹機會比喺香港大好多!

星期六(12月3日)同老公一齊由Birmingham 渣車返Glasgow 既途中見到大條彩虹，
我咁鍾意彩虹，見到當然會影餐飽啦!!

影餐飽!

之前提過我屋企客廳大窗外間果教堂，間中夜晚會開哂射燈好鬼靚! (網誌)

我仍然唔知教堂幾時先會開燈，不過我就發現每次佢地開咗射燈，都係踏到正一正11pm 就熄燈!

上次發現教堂著咗燈時已經將近11pm，快手拿起部相機影咗幾張，眨吓眼已經熄鬼咗......

不過早幾日比我撞正2次教堂著咗燈，2次都係大約10點零鐘......

我終於有時間換枝長鏡慢慢影餐飽!

 (攝於2011年7月7日, 10.53pm)
之前都講過英國夏天日長夜短~ 是日快11pm 個天都唔夠暗，我覺得襯得著燈既教堂無咁靚!

農曆十五的月光 (2011年6月16日)

是晚Mr.T 夜歸......

老公渣緊車返來時打比我問: Hon~ 屋企望唔望到個月亮呀? 今晚個月亮好黃呀! 黃得好怪......

我望勻哂屋企所有既窗都見唔到個月亮，於是我好果斷地拿拿淋攞起相機換咗枝長鏡，夜媽媽一個傻婆跑出街搵個月亮來影!

 (攝於2011年6月16日11:32pm)

大又圓 (2011年4月17日)

我講緊尋晚個月亮呀......

尋晚老公喺FB見到好多friends 話個月亮好光好大好圓......

拉開睡房窗簾描一描，果然見到漆黑既天空光咗一大遍~

好有UFO feel 啊!!

孖T跨年回"香"省親2010 - 長洲黃昏

早前返香港時影既長洲黃昏景......

My Beautiful Home

What a beautiful city..........

架撐 3

回英當日(1月9日)我把握時間，
襯晏晝有空檔時間去咗旺角作"最後衝刺"!

 因為心中一早有哂目標，所以好快搵齊哂所有戰利品!

不能見度 (2011年1月22日)

真係天有不測之風雲!

返咗香港個多月，返到來見之前積雪已溶哂，間中氣溫有成10度分分鐘仲暖過香港，有時仲有藍天白雲......

心想我已經避過咗蘇格蘭今個冬季天氣最差既日子!

可惜返來唔夠幾日就病鬼咗......

 病緊既時候見到天氣咁好，特別心急想盡快好返!

大雪下的Edinburgh Castle (2010年11月28日)

喺蘇格蘭住咗10幾年，記憶中從來未試過11月就落咁鬼大雪!!

返香港前一日(11月28日)去愛丁堡走咗轉......

 渣車經過Edinburgh Castle 時拍下既雪景~

睇返張相好似好好天 + 唔係好大雪，查實當日我地由Glasgow 渣車去Edinburgh 途中險象環生!!

只係當時暴風雪仲未完全到達Edinburgh......

不過唔夠24小時之後既Edinburgh 就大雪到連機場都要關閉!!

架撐 2

今次返香港發現街上多咗好多人攞住大相機......

而且格仔店仲有好多平價又好玩既配件賣呢~

睇來香港好似越來越多人鍾意影相喎!

返香港之前見到有網友買咗部有lomo feel 既DC - Yashica EZ F521，唔洗用菲林都可以有lomo feel，而且只售$700，好鬼吸引!

本來鎖定咗目標唸住買(CitySuper 有售!)，不過我覺得自己如果真係買咗部Yashica，我一定會將老公送果部黃金眼打入十八層地獄永不超生!!!!

(係架~ 我好衰架.......)

 早排遊blog 無意中見到網友買咗依舊野!

架撐

今次返香港top of my HK shopping list 就係買鏡頭for 我部DSLR!

我依d攝影初初階人士，緊係買初初階既裝備啦......

窮人三寶是也!

黃昏靚景 - 2010年9月份

由於蘇格蘭已經踏入深秋，大部份日子天氣凍又厚雲天陰陰，黃昏靚景越來越少，兼且變得怪怪地......

黃昏靚景post 埋今期9月份，之後就要睇今個冬天撞唔撞到手神嘞!

據聞今個冬天歐洲將會係1000年以來天氣最凍既冬季! 預計出年1、2月仲會不停落雪.......咁影雪景囉!

無添加黃昏靚景要暫時告一段落 ，不過出年春天再捲土重來~~~

 9月14日

復古Feel (2010年10月3日)

99星期二晚喺Glasgow Mitchell Theatre 又有篤篤撐表演!

我依個"得獎業餘攝影師"新抱又係時候出動嘞!!  (自從我攞咗業餘攝影比賽第3名，老公成日叫我做"prize winning photographer"! 哈哈~~~ )

經過上次影影吓中途camcorder + DC 輪住來無電  (網誌); 今次我地要未雨綢繆，晨早摷哂所有架生出來 - 1部 camcorder, 2部DC, 加埋我個DSLR，一次過叉飽哂佢地!

我的第一次 - 業餘攝影比賽 (2010年9月11日)

好好好開心呀~~~~~ 
今日我去咗攞獎呀!!!!!!