新鮮熱辣高木直子 (2011年9月2日)

早前收到金石堂新書預告email，
高木直子新書"一個人暖呼呼"9月1日正式上市!

上星期連埋其他書一齊預購......

 今日(9月2日)就收到! (金石堂效率真係高!! )

我十歲，離婚 Moi Nojoud, 10 ans, divorcée (2011年2月26日)

香港買返來既書，法文原著Moi Nojoud, 10 ans, divorcée 中譯本~

書並不厚，我花咗一個早上已經睇完全書~ 睇完之後感覺真係好無奈......

書記述2008年發生喺葉門既一宗童婚事件，年僅10歲既小女孩Nojoud Ali 喺父親排之下，毫無選擇之下下嫁一個30歲既男人，婚後不斷受到丈夫性虐毒打......

小女孩不甘接受殘酷現實，獨自趁機逃走到當地法院要求離婚!

最後喺一位專攻女性權利既女律師Shada Nasser 協助下，成功獲法官宣佈離婚成立，事件暴光得到全世界傳媒關注回教國家童婚問題。

借東西的小矮人 (2011年2月25日)

聖誕當日喺香港上映既宮崎駿編劇新作"借東西の小矮人–亞莉亞蒂"，
因為老公都係宮崎駿fan，但當時老公已經返咗英國，
我想等英國上映時等埋老公先一齊睇，所以我喺香港無睇到!

 不過喺香港灣仔書展時買咗中譯本小說......

新書~ 都是因為高木直子! (2010年9月2日)

星期一(8月30日)又喺金石堂訂咗5本新書......

新書 (2010年6月21日)

前日(6月21日)收到上星期喺金石堂order 咗既3本書......

高木直子圖文系列

之前有網友叫我講吓"一個人住第9年"既內容......

其實作為高木直子既fan，我一早都想講吓點解我咁鍾意睇高木直子既書~ 目前為止高木直子作品系列總共出版咗12本中譯本 - 我已經全部有齊哂 + 睇哂!

高木直子既圖文書內容係用漫畫加文字既形式，以佢自己第一身經歷為本道出單身日常生活趣事、旅遊見聞、童年回憶...都幾似睇緊人地個blog 架! 哈哈~~~  

其實第一次接觸高木直子既書係"一個人上東京"~ 當時只係睇咗YesAsia 既新書簡介好似幾得意，所以隨意買來揭揭~

點知書到咗後一睇就即時愛上咗!

精神食糧 (2010年3月30日)

上星期五又喺金石堂order 咗幾本書......

天使遺留的筆記 (Notes Left Behind: 135 Days with Elena)

大家仲記唔記得自己5歲時係點渡過?

我5歲時完全係懵盛盛! e.g. 我會喺西曆新年期間問V媽媽: 點解今年新年無利是逗既? 當時我會為一個得唔到既玩具，或者一粒唔到口既朱古力，當成天下間最唔公平既事而悶悶不樂，甚至扭計發脾氣......

有無唸過5歲就要為自己定下一張"死前願望清單"?

我愛金石堂!!! (2009年11月13日)

金石堂對我來講真係一個大寶藏!!!!

剛剛過去星期一送來既書(網誌~)，係我第一次用金石堂網上服務 - 不過其實係我早2個多星期落既order，因為當時有部份書無現貨，所以等咗2個多星期先收到貨。

等緊第一個order 送貨既期間，我又喺金石堂睇中咗幾本書! 於是星期一收到貨後，我就急不及待星期二再落第二次order......

今次order 既所有書全部都有現貨 - 星期二下午落既單，今日星期五下午就收到貨咯喎! 快到吖!!!!
我真係愛死金石堂呀~~~~~

 依水訂咗5本書......

金石堂網路書店 (2009年11月9日)

笨呀~ 笨呀~~ 笨呀~~~

一向喺網上買衫買化妝品買書，因為好多網站都係外國website，checkout 比錢用慣哂英文layout，所以多年來買中文書都係幫襯可以自由選擇語言版面既YesAsia.......

之前又唔知台灣既網上書店如金石堂or 博客來原來都有海外郵寄...今次第一次幫襯金石堂，我先知道原來之前喺YesAsia 買書係貴咁鬼多架!!

 今次一共order 咗9本書，連埋郵費若3000台幣~

生命最後一個月的花嫁

好耐冇寫過睇咗咩野新書......

星期日(1月4日)返6299度食飯，言談間得知老公有一個cousin S患上胃癌第4期...S今年只得35歲，本來打算今年同未婚夫結婚，不過而家佢只認得自己媽媽......

老公話我知，我其實同S有數面之緣，佢亦有出席我地英國既婚宴，不過我對佢並冇印象~ 無論識唔識，我都好怕聽到睇到，原本值得高興既喜事突然其來變成不幸既事!

煙花三月

好鍾意書既英文名 - "The Red String"......

李碧華係我最鍾意既女作家~ 之前去依度既圖書館，都有借過佢既書，但只限佢既散文 - 因為依度圖書館可借得到佢既著作，就只有佢既散文......真正留意李碧華既作品，係由我睇完電影版既"霸王別姬"開始(驚為天人~)! 加上我一向比較鍾意睇長篇，於是開始揾佢既長篇作品來睇~~~~

令人討厭的松子的一生

山田宗樹(Muneki Yamada) 2004年出版既作品，2007年翻譯成中文版 + 漫畫~

07年9月同老公去台北，行書店時無意中見到依個故事既漫畫版~ 當時只抱住"一本過唔洗分集追來睇"既心態而買~ 根本並唔知故事講乜(本漫畫包住咗!) + 冇聽過"山田宗樹"! 當晚我喺酒店一口氣睇哂~ 覺得"哇~好好睇!" 之後幾日喺台灣，我發現原來本漫畫原本係小說來! 但喺台灣時唔記得買埋小說版，所以返到英國時先上網買咗~ 小說版分兩本上、下集; 而漫畫版就將故事濃縮咗成為一本......

故事係講述年青貌美、對未來+愛情都充滿憧憬既國中教師川尻松子既坎坷人生~ 雖然故事係虛構出來，但好真! 因為我一向都相信依個世界，真係有好多人因為當初一個錯既選擇 / 決定而誤咗自己一生!

依個絕對唔係開心既故事! 我雖然覺得好好睇，但同時又覺得好無奈......anyway 我自己覺得係好書一本~ 我咁低能(V媽媽話既!)睇完都會反思喎!

"令人討厭的松子的一生"既續集 - "黃金歲月"2006年已經喺日本出版咗! 唔知中文版幾時會有呢? 好looking forward 啊!

書精

我同老公有好多共同嗜好~ 其中一樣係睇書! 基本上我地睇既書種類好鬼雜，冇話特別唔鍾意睇乜書...上至可以學到野既工具書，下至漫畫~ 乜鬼都啱! 因為老公係竹升唔識睇中文，所以佢只可睇英文讀書，但佢成日都會叫我翻譯漫畫比佢聽; 而我就中英文書都會睇，不過都少睇英文書 - 因為我鍾意瞓喺度睇書，而英文書拮書方向唔同中文書! 好唔就手(慣咗嘛~) 所以除非topic 真係好吸引，如果唔係，我都係睇中文書多......