終於都睇咗 - 葉問 (2009年4月13日)

連續幾日復活節假期都冇乜特別搞作~  正好比我瞓餐飽較返啱時差!

之前上網知道"葉問"好收得 + 好多人都話好好睇~

雖然動作片並非我杯茶，但就令我好有興趣! 後來見出咗DVD，我就問老公網上買唔買?

老公都算係"武林中人" - 曾經玩過跆拳道、Kickboxing; 而家就玩一樣叫"MMA" (Mixed Martial Arts) 既功夫，加上葉問係老公偶像李小龍個師傅...我仲以為老公超有興趣呢~~~ 點知老公原來唔多鍾意全宇宙最好打既甄子丹喎!!! (男人來講我老公都算古怪......)

 

一條冷返香港食食食2009 - 歎茶 (明閣, 潮館, 好彩 & 翠園)

雖然英國都有中式點心飲茶，不過水準同香港既酒樓完全唔可以相比~  喺依度飲茶唔難食的話......真係要偷笑架嘞!!!

今次返香港，去咗5個不同既地方飲茶~ 次序以日期先後排名......

明閣 - 3月19日

原來係一條潮鍊來喎!!!! (2009年4月10日)

尋日(4月10日)開始係老公一連4日既復活節假期，天氣非常好~  晨早老公出去買早餐，食完我地就出街拍拖!
(原來我返咗來咁多日.....尋日係第一次出街喎!!!)

  

第一站即去Princes Square 既Links of London，將老公送比我既Lucky Charm Bracelet 換大一個size~

老公送既Welcome Back Pressie~

以前我仲讀緊書時，每年暑假 + 聖誕都會返香港2次~ 假期完結時返英國，老公除咗一定會到機場迎接我，仲會送"歡迎禮物"比我!  

e.g. 聖誕假後回英感覺特別凍~~~老公就送過公仔暖水袋比我; 

有次暑假後返到屋企一打開門，見到有一set 3隻唔同大細既Swarovski 水晶箭豬，排哂喺餐枱上歡迎我!
"歡迎禮物"次次不同，充滿驚喜!

 今次一返到屋企，就見到coffee table 上有個Links of London 紙袋~ (好明顯係飾物來!)

一條冷返香港2009: 兩封利是

今次返香港我收到兩封好特別既利是~~~

嚴格來講，其中一封並唔係我既......

譚校長算係V媽媽熟客，農曆新年期間，校長比咗封利是V媽媽!

 V媽媽話當收到利是時，佢見校長用咗"左麟右李"既利是封，仲以為校長比免費演唱會飛過佢喎.......(食懵妳咩!!!!!)

一條冷返香港2009: 3個星期以來既收穫

舊年11月返完香港時，本來都打算講吓喺香港有咩收穫，不過我一直懶~~~ 影哂相遲遲都未出blog! 跟手3月頭因為V嫲嫲走咗，要突然返香港，上次既香港shopping 就更加冇機會出blog......由鬼佢咯~ 就講吓今次既收穫啦!

今次返香港唔係純探親or 玩，而且冇乜特別野要買，所以冇點行街shopping~ 但我回英時既行李照常過磅 ，因為我既收穫尚就算唔錯!  最後要攞返部份物品出來，V媽媽幫我攞返屋企後，再寄過來比我......

V媽媽送既珍珠頸鍊

某日陪V媽媽行街，V媽媽見到舖頭飾櫃中有兩串珍珠頸鍊，認為好適合我帶，於是入舖頭睇睇。

其實我結婚時，V媽媽已經送咗一套，粒粒好似龍眼咁大既珍珠頸鍊連耳環比我，不過我覺得暫時太大粒for 我，唔多襯我 ，所以我完全冇帶過，一直放喺保險箱......

 我一試帶已經愛不釋"頸"~  長度 + 珍珠大細完全perfect!

一條冷返香港2009: 談談飛機餐~

因為今次返香港主要係為咗辦V嫲嫲既身後事，所以並冇去咩野特別地方，影既相亦只集中係食既方面!

由於辦事期間有人無厘頭地將好多細節自把自為改完又改，搞到一眾由英國返港既親友(包括我在內!)，來回機票回程要作廢，要改期 + 另訂單程機票返英......所以今次我去香港 + 返英國分別搭咗2間唔同既航空公司 - KLM (荷蘭皇家航空) + 國泰~

話哂我都喺英國住咗咁多年，已經搭過無數次飛機來回香港 + 英國，但我並非只搭同一間航空公司，所以多年來對各來回香港 + 英國既航空公司既服務 + 飛機餐都略知一二，今次一於講吓飛機餐啦!

British Airways (英航)

咪以為我返香港一定會搭英航，事實上我最憎就係搭BA!!! 雖然我已經身經百戰搭過好多次長途飛機，不過我仍然係咁怕氣流~ 每次遇到氣流我都會捉緊老公隻手，就算佢瞓緊覺都會比我嚇醒!!! 而BA就係我認為遇到氣流時最震既航空公司，真係比佢震到怕哂!!!

而且個人覺得，BA既飛機餐最鬼難食! 尤其佢地個早餐 - 有果醬既齋蛋奄列......真係唸起都想嘔!!! 我永遠掂都唔掂佢地個早餐~

一條冷返香港2009: 超靚既空中日出 (2009年3月12日)

寫在前頭......

Hello everyone~ 我尋日(4月6日)晨咁早已經返咗來嘞~ 老公尋日隆重其事特別請假一天去機場接我，返到屋企我就顧住同老公"依泣"......  (唔好唸衰野呀吓!!!) 所以雖然我都好掛住大家，不過今日先有時間update!

我要向幾位原本打算喺香港約見面既網友致歉!  由於今次我返港既目的有別於平時，正經事未辦妥前，其他事我真係冇乜心情做! 我原本真係打算等V嫲嫲既身後事完滿結束後，安排時間約大家出來食野 + 見面架~ 不過當V嫲嫲身後事真正搞掂後，我既心情竟然比自己預期低落......再加上快要返英國，好唔捨得V爸爸 + V媽媽，所以我將時間用來陪V爸爸 + V媽媽，冇聯絡大家出來見面，真係非常唔好意思!

 下次我再返香港時，一定一定會約大家見面! (最多到時我請客補返數吖~~~)

>>>>>>>>>>>>>>>>>>>>>>>>>>>>>>>>>>>>>>>>>>>>>>>>

出發去香港當日(3月12日)，心情亂鬼哂大龍! 同平時返香港探屋企人既興奮心情截然不同~ 再加上當日晨早就天陰陰，雖然都有期待見到V爸爸 + V媽媽，不過始終係哀傷 + 火滾之類既負面情緒較多......

 老公送我到機場途中，喺motorway 見到天陰陰之中出現一道大彩虹! 心情頓時好返些少~

孖T牌~

唔經唔覺我已經返咗香港2個多星期嘞，雖然我 + 老公日日keep 住傾2次電話(電話費一定會好金!!!)，不過仲有1個多星期先返英國，真係好鬼掛住老公呀~~~~~

我唸老公都好掛住我......啩!!????!?!

老公email 咗個傻公仔比我 - "孖T牌"......

 哈哈~~~~ 大家認為似唔似"孖人牌"呢?

一條冷返香港2009: 買咗嘞~ 買咗嘞!!! (2009年3月25日)

終於買咗部net book 嘞!