As I said 好多次 - 蘇格蘭幾乎完全無好食既日本野! 所以每次去倫敦我都會食日本野食返夠本!!!
倫敦好多日本人，所以周街都係日本餐廳，攞走外賣堂食任選，而且仲好鬼平!
今次2日內我地一連食咗3餐都係Restaurant Toku......
星期五(10月23日)朝早到達倫敦，第一餐就係等Japan Centre 中午12點開門入去食餐勁!
我點咗2個餐......
同日既晚餐......又係Toku!
包豬肉煎餃 + 白飯一碗!
)星期六去完動漫展，臨返上蘇格蘭之前，再去Toku 食咗餐early dinner!
點咗一碟兩份分~~~~ 
Toku 有積分咭優惠 - 每幫襯£5吸印1格; 吸滿12格 (£60) 就送甜品一客; 吸滿20格 (£100) 埋單時可減£5~
屋企有好多張未吸滿既Toku 積分咭 - 我地次次去親倫敦都會幫襯Toku，不過次次再去倫敦都唔記得帶埋未吸滿既積分咭......
你地真係好鍾意食日本野WOW,點解唔去日本走番轉呀,肯定食得仲開心呀~~~
回覆刪除[版主回覆10/26/2009 11:25:00]其實日本我已經去過2次! 我地唔係只鍾意食日本野，只係好食既日本野喺蘇格蘭好少......Japan Centre 係日本人開比居英既日本人，所以食物好正宗好好食!
長途旅行要等老公有假先去得到! e.g. 東南亞地方多數要返開香港先會去~
真係好擦得 ... 香港既日本菜真係有好多選擇 ~~
回覆刪除[版主回覆10/27/2009 16:36:00]香港日本菜選擇係多，但未必正宗 + 未必好食~ 正宗又好食既可能會好貴......Japan Centre 係日本人開比日本人既店，正宗好食得來，價錢喺英國來講唔算太貴!
下次返英國都要去London既Japan Centre先至得
回覆刪除[版主回覆10/27/2009 16:34:00]鍾意食日本野就一定要幫襯Japan Centre!
又正宗又好味~~~
我想問你 Beef Teriyaki 套餐 , 即係咩嚟 , 我見到好似有 D 汁之類..
回覆刪除[版主回覆10/27/2009 16:32:00]Beef Teriyaki 套餐即係照燒牛套餐~ 我都研究咗好耐佢上 面果pat 係咩汁? 初步估計可能係miso!
倫敦啲日本野真係正過蘇格蘭好多喎 真係唔抵得，妳竟然可以食到咁多野，但係又唔會肥喎
回覆刪除[版主回覆10/27/2009 16:30:00]倫敦多日本人嘛! 本來以前愛丁堡都唔錯架，都有幾多日本人~ 後來整整吓所餘冇幾.......
好奇怪 - 我大食但係只一定要食飯囉! 唔夠飯既話我連餸都食唔落......
wa.a""""又真係好好味咁唷....好過scottland 個d好多唷 =)
回覆刪除[版主回覆10/27/2009 18:08:00]倫敦多日本人嘛! 依間餐廳係日本人開，好味又正宗，真係好正架!!!!
我發覺食得飯多菜多既人返而唔會肥，以前有個女同事，lunch time可以係飯堂食三大碗飯 (我地上飯堂食飯係$10一餐有一個餸一碟青菜，不過白飯同湯都係任裝)，佢又係好slim，仲要係生咗小朋友啦喎 ~
回覆刪除[版主回覆10/28/2009 17:39:00]咁我又唔算多菜喎! 我係鍾意食菜，不過依度菜貴......妳見我三餸一湯都係肉多既.......
我覺得食乜都唔肥既人應該係瘦底! 我依度有2個fd，未生前都係好似我咁瘦~ 1個生咗2件; 另外1個生咗1件......不過佢地2個身型一d都完全冇變過! 同我十幾年前識佢地時一模一樣!!!
我都好鍾意食日本野架~
回覆刪除[版主回覆10/28/2009 17:29:00]我唸好少人唔鍾意食日本野~
睇見都流晒口水.....
回覆刪除[版主回覆11/04/2009 17:02:00]依間係我喺英國食過最正既日本野~~~~