2008年3月31日星期一

巴黎‧LV‧愚人節‧張國榮

霸王別姬 (1993) Farewell My Concubine (1993)


正話同一個網友傾開計,佢睇完我既"5遊花都",以為我今次去巴黎比人打咗荷包! 之後我就突然醒起,5年前 - 即2003年既3月中,老公第一次帶我去巴黎,臨走前一晚喺鐵塔下比人打咗荷包! (我估~ 其實我到依家都唔知幾時 + 喺邊度比人打荷包既......) 果時媽咪見我咁鬼慘~ 佢就話得閒時去買番個銀包送比我 (係LV來既!)


2008年3月29日星期六

終於都病發!

尋日晏晝落大雨,唔想出街~ 唸住等老公放工返來後先一齊去買餸煮飯......老公返到來見我戇居居 - 以為我either 仲有旅行後遺症or 玩blog 玩傻咗!而我自己就唔知做乜,總之周身唔舒服 - 跟手就發現原來親戚來訪~~~ 所以又冇煮飯......

點知今朝一起身,仲要加埋周身骨痛,好似比人打咗一身咁款~ 沾寒沾凍 - 發燒呀!!! 好鬼辛苦~~~ 早幾個星期已經試過一次係咁,不過及時得住冇發出來~ 可能谷咗咁耐...今朝終於都爆發出來! 最慘老公今朝要返半晝,斟水食藥較水沖涼...全部要自己來! 老公放工返來衫都未換就走入廚房煮通心粉比我,我真係好鬼慚愧......


靚靚巴黎鐵塔夜景 (Video)


2003年3月老公第一次帶我去巴黎 - 我從小到大最響往到既地方~

2008年3月28日星期五

5遊花都 - 第4日(3月27日) 朝聖 + 歸巢......


第4日: 終於來到4日旅程最後一日~ 超依依不捨!!!!! (次次去親旅行都係咁既衰樣~) E~~~~ 臨走竟然好鬼好天!!!!!!!!!

5遊花都 - 第三日(3月26日) 不一樣既凡爾賽宮......

之前來過巴黎4次...迪士尼都去過3次~ 但我地反而未去過人人讚靚既凡爾賽宮! 其實我一直都好想知Marie Antoinette - 喺人民冇麵包食既時候,會問:冇麵包...咁點解唔食蛋糕????? - 依個咁搞笑既女人,所住既地方係點既!



第三日: 天陰陰咁既衰樣~ 天氣報告又話放晴?????  好彩買火車飛時,售票員叫我地買套票 - 包來回火車飛+凡爾賽宮入場~ 如果唔係都幾大煲 - 去到排哂長龍!!!!!!!

5遊花都 - 第二日(3月25日) 食野食野食野~~~


第二日: 一早起身就去揾食~ 不過咁早既巴黎係冇我想食既野既! 只有牛角包之類既野食...所以我地走咗去食法國麥記 - "Quick"~~~~~

5遊花都 - 第一日(3月24) 出發啦~~~


已經係第5次去巴黎嘞! 雖然今次天氣唔太好,不過巴黎依然係咁靚! 地方依然咁好玩,食物依然咁好食,依然冇損我shopping 既興志!!!!!

第1日: 其實舊年4月中我地都去過巴黎~ 當時巴黎天氣超好,仲熱到要著背心! 今次去前都check 過吓天氣,但我唸 - 都3月尾啦,應該唔會同4月相差太遠啩......而且internet 話巴黎同英國相差成6、7度~~~~ 點知架飛機一land,我一望就知大鑊 - 落雪喎!!!!!! 我已經著咗件cashmere + Burberry 褸~ 但一出到去都係凍鬼死我!

令人討厭的松子的一生

山田宗樹(Muneki Yamada) 2004年出版既作品,2007年翻譯成中文版 + 漫畫~

07年9月同老公去台北,行書店時無意中見到依個故事既漫畫版~ 當時只抱住"一本過唔洗分集追來睇"既心態而買~ 根本並唔知故事講乜(本漫畫包住咗!) + 冇聽過"山田宗樹"! 當晚我喺酒店一口氣睇哂~ 覺得"哇~好好睇!" 之後幾日喺台灣,我發現原來本漫畫原本係小說來! 但喺台灣時唔記得買埋小說版,所以返到英國時先上網買咗~ 小說版分兩本上、下集; 而漫畫版就將故事濃縮咗成為一本......

故事係講述年青貌美、對未來+愛情都充滿憧憬既國中教師川尻松子既坎坷人生~ 雖然故事係虛構出來,但好真! 因為我一向都相信依個世界,真係有好多人因為當初一個錯既選擇 / 決定而誤咗自己一生!

依個絕對唔係開心既故事! 我雖然覺得好好睇,但同時又覺得好無奈......anyway 我自己覺得係好書一本~ 我咁低能(V媽媽話既!)睇完都會反思喎!

"令人討厭的松子的一生"既續集 - "黃金歲月"2006年已經喺日本出版咗! 唔知中文版幾時會有呢? 好looking forward 啊!




書精


我同老公有好多共同嗜好~ 其中一樣係睇書! 基本上我地睇既書種類好鬼雜,冇話特別唔鍾意睇乜書...上至可以學到野既工具書,下至漫畫~ 乜鬼都啱! 因為老公係竹升唔識睇中文,所以佢只可睇英文讀書,但佢成日都會叫我翻譯漫畫比佢聽; 而我就中英文書都會睇,不過都少睇英文書 - 因為我鍾意瞓喺度睇書,而英文書拮書方向唔同中文書! 好唔就手(慣咗嘛~) 所以除非topic 真係好吸引,如果唔係,我都係睇中文書多...... 

二人世界的外賣 - 3月27日

尋日返到屋企都只係下午4點零5點幾~ 如果要煮晚飯既話,絕對有足夠時間出去買餸! 不過老公見我咁既衰樣 - 去完旅行依依不捨.......佢就話唔好煮飯叫外賣!

老公話想飲冬蔭公,所以我地一人一個; 又叫咗一份炸蟹拑兩份分(好好食!); 老公食雞炒飯 + 我就食泰式綠咖喱雞襯炒飯......

好似好鬼耐冇煮過野食~ 唸吓今晚煮乜先!!!!!

2008年3月23日星期日

巴黎~ 我地又黎啦!!!!



雖然尋晚去完Allan + Debbie 銀婚後返到屋企已經好鬼攰~ 但冇辦法都要book 咗holiday 先! 唸咗好耐都唔知想去邊,又咁忟水......於是都係去番巴黎! 因為知道一定會好玩 + 一定有好野食! 星期一(24日)去,星期四先返~ 所以依幾日"V女廚房"要關門!

依個幾禮拜好鬼少煮飯~ 返來後真係要做番個認真既煮婦先得......


2008年3月21日星期五

模型屋仔

我係為食~ 但又唔係為食到對其他所有既事都冇興趣! 除咗食,我仲對好多野都好有興趣...(無聊野~~~) 依幾間係我自己一手一腳上色 + 砌出來既日式模型屋仔~ 老公冇份砌架!(咁梗係買返來而唔係自製果隻啦~)

 依間係我第一個完成既"日式茶屋"~ 我記得我砌通宵,砌好時啱啱天光!

假既V女廚房


其實依間野已經整好咗幾個月~ 一直都想放上來blog,但成日唔鬼記得! 依間係我第一間自製既公仔屋! (現時為止都係得1間~) 我咁鬼為食就梗係整個廚房啦!


二人世界的懶人餐 - 3月17日 (附食譜)


 
簡易Pasta Bake

2008年3月18日星期二

T生既搞鬼新作

老公忽發奇想(發手痕!)整咗個咁既公仔........

雖然我好鍾意~ 但我覺得有少少"餵狗feel".......
 
Photobucket

簡易Pasta Bake


此食譜可隨意用Penne (直坑紋通粉)、Farfalle (蝴蝶粉)或 Fusilli (螺絲粉)~

2008年3月17日星期一

我的好友 - M

Guidis 對我來講係一間充滿回憶既餐廳......

十多年前我剛剛認識M,大家仍未熟絡,仍未成為好友...第一次去Guidis,係同我既ex + 一大班朋友為M慶祝生日,當晚好熱鬧,大家都好開心! 經過咗一段時間,發現大家好投契,漸漸我同M成為咗好朋友,M會叫我做"阿姐"~ 當時我同M對感情事都好唔成熟,經常為感情事而煩惱 + 唔開心~ 我地會同對方講心事,陪對方笑,陪對方喊; 開心時又會一齊煮野食、BBQ+shopping......我地會買同款既衫......M好鍾意食我煮既餸......我地一齊喺香港影咗一輯唔多靚既相.......

我同ex 分手時,係我人生最倒霉既一段日子~ ex 同M係由細玩到大既好友,我亦係因為ex 而認識M~ 但M因為我既原故,同我ex 反咗面......到我認識老公之後,記得有一次M來我屋企過夜,我同M講: 而家好開心~ M回答我: 我見到妳咁開心,我都好開心呀! - M就係一個咁不可多得既好朋友!

多年後有一日,我收到M離世既消息......當時我唔想/唔肯相信係事實,我甚至嘗試打M既手提,希望M會接電話,同我講一聲"阿姐,我冇事~" 可惜接電話既係M既姐夫......我當時好嬲M! 我將我地既合照+M去加拿大讀書時寄比我既信全部揼哂! 但我保留咗僅有既一張相 - 相裡面既M + 我都笑得好開心......我仲記得最後一次見M既時候,M好開心,仲同我講將來我結婚既時候,希望做我既伴娘......我到今時今日都唔明點解M要離開我地?

當年我只到過Guidis 一次,後來已經忘記咗地址...M離世兩三年後,我同老公買咗樓,計劃我地既將來......有一日我同老公揸車喺屋企周圍揾食,無意中發現原來Guidis 就喺我地屋企附近! 唔知係咪M提醒我 - 叫我唔好忘記佢呢?

我每次去Guidis,我都會唸起第一次去既情境~ M喺我心目中永遠都係咁開心咁靚女! 我想M知道 - 我時時都會掛住佢,佢永遠都係我好朋友......

Ratatouille


星期五晚(3月14日)唔係好舒服,所以冇去睇戲留喺屋企睇Ratatouille DVD! 其實之前喺戲院都睇過,不過我+老公都超鍾意依套卡通! 

2008年3月14日星期五

菜肉雲吞 (附如何包雲吞 Video)


雞蛋蕃茄免治牛肉湯飯


2008年3月13日星期四

T生既賀禮2

Cooking

繼前晚老公送咗親手畫既"防止浪費食物記錄表"比我之後,尋晚又有新花臣! 
佢用電腦整咗一個我煮緊野食個樣~  

本來想用來做blog 大頭相...但原來yahoo blog 大頭相只可以用jpg file~

香草黑椒牛扒意大利粉


芥菜鹹蛋肉片湯


合掌瓜紅蘿蔔牛蒡湯


2008年3月12日星期三

二人世界的大大份西餐 - 3月12日 (附食譜)


香草黑椒牛扒意大利粉


T生既賀禮

話說依兩日我掛住砌砌砌"V女廚房"blog...又唔買餸又唔煮飯(前日叫外賣+尋晚出街食咖喱~)......仲要家務又唔做......老公尋晚仲竟然送上"V女廚房"開張既賀禮! (感動~) 其實係乜野黎既呢? 係咁既.......


2008年3月11日星期二

Mr.T好手勢: 火腿杯焗蘑菇蛋 (Baked Eggs & Mushrooms in Ham Crisps)


燒牛肉伴迷迭香紅酒肉汁 (Roast Beef with Rosemary & Red Wine Gravy)


洋蔥薯仔焗鹹牛肉 (Corn Beef Hash)


焗豬扒飯


為食收藏品

除咗整真+假野食之外,仲買埋一堆食物形既野......




為食手作仔

太鍾意食野~(太為食!) 連唔肚餓+唔想食野既時候都會唸住食物! 舊年開始學整袖珍黏土食物,買埋一大堆材料,但因為忙於整真既食物,所以作品暫時有限.......




忌廉大蝦意大利粉 (Linguine with Tiger Prawns & Cream)


二人世界的簡單晚餐 - 3月6日 (附食譜)



忌廉大蝦意大利粉 (Linguine with Tiger Prawns & Cream)

第一次整! 老公話好正!!!  
不過依個食譜本來應該係用linguine 既...但屋企咁啱冇哂linguine,所以用咗普通spaghetti~

忌廉大蝦意大利粉食譜click here~


瑤柱扒豆苗 / 瑤柱扒西蘭花


泰國 - 泰式檸檬鱸魚


梅菜蒸肉餅


靈芝猴頭菇淮杞湯


二人世界的三餸一湯 - 3月5日 (附食譜)


靈芝猴頭菇淮杞湯; 梅菜蒸豬肉; 泰式檸檬蒸鱸魚 & 瑤柱扒豆苗

鮮茄雜菜雞粒飯


二人世界的碟頭飯 - 3月4日 (附食譜)



鮮茄雜菜雞粒飯


豉油雞



豆角炒火腿


蕃茄薯仔粟米瘦肉/牛腱湯


依個湯可隨自己喜好,豬肉或牛肉均可!

二人世界的三餸一湯 - 2月29日 (附食譜)




蕃茄薯仔煲粟米; 豉油雞脾; 豆角炒火腿 & 炒菜芯

果棵菜芯真係把鬼! 一大包搣埋得果一碟咁大把~~~

蕃茄薯仔煲粟米食譜click here~

豉油雞脾食譜click here~

豆角炒火腿食譜click here~


二人世界的超級懶人飯 - 2月28日




粟米午餐肉飯

將煎好既午餐肉放喺白飯上,再淋上加蛋煮滾既罐頭粟米湯(太杰可加水~) 即成熱辣辣又好味既dinner! 最啱懶人~ 





Related Posts Plugin for WordPress, Blogger...