明天仍要繼續

過去一個多星期，我聽得最多既說話係: 妳好堅強! 
我感恩有最愛我既父母; 我感恩我有一個唔可能再更好既老公; 
我更感恩有比搵好老公更難搵既好6299~ 

Mr.T 嫲嫲4月頭過身，近年長期留喺香港照顧兩老既6299剛辦好嫲嫲身後事， 
62本想多留香港一段時間陪吓爺爺，而99打算4月尾先會返英國， 
14號收到壞消息，62當晚想即時訂第二日機票返來， 
但因為fully booked 最早只能訂到17號機票，而隔日99 20號都返咗來~ 

其實無論身邊再多人，都唔會改變到已發生咗既事實，實在唔想佢地咁頻撲.......
但連姑仔百忙中抽時間陪我 + Mr.T 照B超，為既只係多個人多點精神上支持;
一個我覺得好煩但唔係壞人既人日日為我擔心; 仲有一班關心我既朋友......
家人朋友既關心 + 支持，我比唔到理由比自己去軟弱~

每個人deal with grief 既方法都唔同~
如果你期望見到我歇斯底里或喊苦喊忽...對唔住，因為我會令你失望;
不過咁樣你可能又會覺得我死頂/冷血/唔正常......一樣都係對唔住，
因為我唔care 你點睇我，所以你大可以慳返口水唔需要同我說教，
因為對我來講你只係一個想食花生既仆街!
另外2B一樣都係我既女兒，而家佢兩個先係我既priority，
其他野I don't give a xxxx!

To 所有真正愛我、關心我既人，
Thank you for all your love and support~


沒有去愛過 怎知它美 
沒有你愛我 問怎可脫俗
那管它 世界未原諒我
明天縱多苦痛 命運繼續來 一點不放鬆
明天冷風吹送 未動我熱情 仍自我 
明天仍要繼續

帶眼識人 ‧ 後記

Blog友買霸王衫唔比錢事件後 (網誌)，
我無意中搵到對方送衫既女仔朋友FB (下稱L)，
於是我pm 咗L，告知L 送衫比佢既人無比錢~
我同L 並唔係FB friends，預咗L 未必睇到個pm，
殊不知2星期後竟然收到L 回覆......

我以後要帶眼識人!!!

有一個人曾經係我blog友 + FB友，舊年返香港時偶然喺街撞過一次，
2012年佢曾經託Mr.T 畫過兩件t shirt 寄返香港，當時完全無問題~
直到今年2月佢再託Mr.T 畫3三件t shirt 寄返香港，兩件3月寄; 另一件4月寄，
分別送比佢兩位朋友做生日禮物......

All the best for 2015!

Happy 2015! Did you guys have a nice Xmas + New Year?
阿V今個聖誕新年認真過得麻麻........
事關我由聖誕日一直跨年病到元旦，今日2號先叫做好返8899，
加上聖誕前幾天冬至日，Glasgow 市中心發生導致6死10多人傷既垃圾車嚴重交通意外，節日歡樂氣氛大減.......

我回來了...已一星期! (2014年7月10日)

V媽媽金華火腿蠔皇炆鮑魚 + 其貌不揚但味道OK 既KLM 燉牛肉薯蓉.......
一見到依份正爆鮑魚飛機餐，就知道阿V已經返咗英國!

沒有最荒謬，只有更荒謬!

新聞睇到香港有團體要求關愛基金擴闊資助範圍，
令綜援家庭子女可以接受資助去遊學........
之前有個家住板間房既小六女生開始學鋼琴又想學中國舞，
團體又幫佢要求政府津貼.........我睇完之後除咗想講句"唔係吓化?"，仲好想講粗口!今日學鋼琴要政府資助，難保他日........
學鋼琴要買座鋼琴來練習，政府要資助我買鋼琴!
鋼琴好大座，板間房唔夠大放唔落，政府要資助我搬大屋!!

Happy Easter 2013!

最近少咗好多update，講吓自己近況先........
少咗update 佳因近排我開始幫Mr.T做吓admin 既工作，
負責篩選申請來公司見工candidate既CV，
睇完CV又要將符合資格candidate既資料加入電腦系統，
雖然工作量極少，而且我都係喺屋企整，
不過都幾time consuming 架!
所以我最近多數只update FB~

雖然同d candidate 素未謀面，
但"八卦"佢地d CV真係充滿娛樂性!
有d人由成績好到所有科目全部火箭;
有d人寫野似小朋友，串錯字連篇.....;
有d人用朋友CV做template，
不過就死蠢唔記改返自己個名 + email address;
有d人就仲攪笑 - 用網上CV template 幫手，
但攪掂份CV內容後，連自己個名都唔記得加返，
名字應該出現既地方只有一句"[Insert Name Here]".........爆!!

有事無事了去愛丁堡搵Mr.T食飯，
間中坐陣做吓receptionist!

Happy New Year of the SNAKE! (2013年2月10日)

好懷念舊年返香港喺V家渡過農曆新年......
雖然今年唔可以喺香港過農曆年，
不過我想同Mr.T過一個有氣氛既蛇年!

之前講過我今年唔開蒸糕bell......
一來6299都返咗香港過年;
二來依度蘿蔔太大條，蒸親一定唔止一兩底，不過我 + Mr.T食得唔多;
三來年糕我一向唔好~

國慶 ‧ 港殤

社交網站百態 (特長!)

上星期寫咗篇關於我 + Mr.T FB遇到既奇人異事(網誌)，
扑友們回應時都指出咗好多佢地見過既社交網"magical moments"......
大大話話多年來我地都用過唔少不同既社交網站，
會令我反白眼既事又何止咁少呢?

我 + Mr.T 仲未開FB之前，曾經玩過一個叫做bebo 既社交網，
用法同FB大同小異，不過功能比FB簡陋，
果時我英國既朋友大都用bebo 多過FB，
所以我遲遲都無開FB AC......

我們的非屎卜 (特長!)

唔知大家既FB friend list 裡面有無以下依類人?
平時日日喺FB New Feeds 撞口撞面，
但基本上你同佢係零交流，
大家唔會互like post 又唔會留言吹水，
不過對方會突然失驚無神出現喺你page，
仲會一次過like 勻哂你最近幾日所有既post!
通常依類人一出現，
我就可以肯定會係以下兩種情況其中一種......

香港人的驕傲 (2012年8月3日)

尋日我一睇到Yahoo HK 即時新聞update，
得悉李慧詩喺倫奧得到Women's Keirin 銅牌，雖然我一場奧運賽事都無睇，
不過我心情同好多香港人一樣好興奮!
拿拿林第一時間轉台，剛好趕得切睇頒獎~

無咁既必要!

 

今年3月頭我剛由香港返來時，
曾經寫過一篇叫做"朋友II"既特長blog (網誌)，
blog 裡面我所提及果位我認識咗20年既過去式朋友，
其實當我仲喺香港既時候，
我已經靜雞雞將佢從我既FB 中刪除咗~
當時我同Mr.T 傾電話時提及事件來龍去脈，
Mr.T 知道後第一個反應係好嬲，
平日溫文儒雅既佢仲即時講咗句粗口!
我發現Mr.T 之後主動刪除咗依個人既FB，
至今大大話話都有成大半年~

我發現自己近年處事有些少改變，
若依件事早幾年前發生，
我極有可能會主動搵對方理論對質!
我會兜口兜面問佢: 點解要喺其他人面前講大話中傷我?
雖然...我太清楚依個人既性格，
雖然...我亦清楚知道佢點解要咁做，
但我會想睇吓對方會點去解釋 + 用咩方法去詭辯!!

單拖回香過新年 - 禮物Part 2 老友鬼鬼篇 plus 朋友II (特長!)

禮物Part 1 講過今次返香港收禮物收到手軟 + 56kg 行李都仍然過磅!
上一回曬冷蕃蜜梨送我既禮物;
今回就講吓我收到朋友們既禮物......
(P.S. 排名以日期分先後!)

帶眼識人Part 1 + 2 合訂版

我唸咗好耐好唔好將依件事寫出來發洩......

但我由尋晚到依家都好嬲!

通常我發火頂多2粒鐘就熄火，

今次last 得咁耐，因為我真係覺得好委屈!!

而且依件事亦牵涉到Mr.T!!!

花園街四級火

上星期整整一個禮拜我都身在Birmingham 陪老公出trip，
依個時候就發生咗花園街四級大火9死34傷既慘劇，
無帶電腦去Birmingham，用PS3上網一邊睇新聞片段一邊流淚，
好心痛好震驚一個自己自小熟悉行經過無數次既地方變成地獄一樣......

My Guardian Angels

我又失蹤咗幾日......

因為我又去咗Birmingham 陪老公出trip! 

尋日朝早搭通宵巴士返到屋企~

今次去Birmingham 發生咗一段小插曲，

令我有一d感想好想記低一下......

Good Luck Ryan! (2011年10月9日)

星期六晚老公從一位朋友既FB得知，

Anthony Nolan - 一個專幫助血癌病患者既慈善機構，

尋日(10月9日)會喺East Kilbride 一間酒店，

為一名年幼血癌病患者Ryan，尋找可以提供合適骨髓作移植既捐贈者~

小Ryan 其實係老公朋友既朋友既兒子...我地並唔認識小Ryan 既家人。

朋友

過去式朋友

個多月前因為一件小事，我親手主動了斷咗一段十多年既友誼~

我唔敢話自己義蓋雲天，但每一位朋友我都同樣珍惜;

對我好或曾經對我好過既人，我會一世記住佢地對我既好~

冷靜過後，都係要接受! (2011年7月30日)

英國時間2011年7月30日3.17pm，我完成咗一項壯舉......
我一次過將過去寫咗3年多共1673篇網誌備份成功!