Afternoon Tea@Conrad Lobby Lounge + 越南菜@尖沙咀味佳居 (2014年6月28日)

是日99請我afternoon tea buffet，地點係金鐘港麗酒店Lobby Lounge~

香港素菜餐廳: 大自然素食@始創中心 + 素食一家@太子 (2014年6月27日)

是日齋期，為咗唔想V媽媽就我一日半日特登煮齋，
午餐晚餐都係素食餐廳攪掂! 是日兩餐分別去咗兩間唔同既素食餐廳........

午餐去咗位於始創中心既大自然素食...我點咗依個吉列豬扒湯麵，
吉例豬扒 + 湯麵分開上.......

湯麵係蕃茄雜菜湯底好濃非常好味!配料有磨菇、番茄 + 芹菜，
好大碗麵既份量又多，其實就咁一碗湯麵都夠飽~

滬江大飯店...全日食唔厭! (2014年6月25日)

返香港前後一直都有應不同扑友約食飯，不過我並非"約者不拒"，
基本上我只會應已認識咗一段較長日子，平日多溝通，
仲要啱咀形 + 知道對方個樣既扑友約!

返香港一頭半個月，要逐個扑友約食飯，喺安排時間上有d難度......
但我一早已應承咗部份扑友見面，只係未落實時間，
眼見回英日期越來越近，留港日子越來越短，我想留多點時間陪屋企人~
於是我提議 - 不如一次過約一齊食飯!
是日約咗3位美女扑友: Clara, Joey + Gloria 一齊食lunch，
雖然佢地本身互不相識，不過大家都係大方不拘小節又健談既人，
4個女人好快就雞啄唔斷變咗一個extra large 大墟!

長腳蟹@將軍澳海王漁港 (2014年6月21日)

是晚有位auntie 生日，喺將軍澳海王漁港訂咗隻阿拉斯加長腳蟹食飯慶祝~

和靚太Angel 撐枱腳@尖沙咀鼎泰豐 (2014年6月21日)

各位美女扑友實在太清楚阿V口味! 寫緊依篇既時候，
我發現今次返香港同第一次見面既靚太聚會，一律都係去食上海菜!
依篇唔係最後一篇......

是日同另一位第一次見面既靚太扑友Angel 食lunch，地點係尖沙咀鼎泰豐~
阿V喺台灣食過鼎泰豐，好鍾意! 
我知道香港開咗分店好耐，不過一直都無試過; 知道尖沙咀有分店，不過唔知確實位置......

我終於要承認...我的確係一個地址白痴!
尖沙咀鼎泰豐喺廣東道，我搭巴士喺清真寺落車...係啱既!
不過...我唔記得點解我落車後會懶醒一枝箭咁行去中港城!!?!?!
到咗中港城仲要上埋樓梯去搵鼎泰豐...搵唔到就去睇水牌......
終於發現 - 鼎泰豐根本唔喺中港城!!!!!!!!

和貓小玲撐枱腳@奧海城金滿庭京川滬菜館 (2014年6月19日)

今次返香港，同幾位blog 友第一次見面，靚太貓小玲就係其中一位嘞! ^^

是晚貓小玲約我喺一個我從未踏足既商場見面 - 奧海城~
唔知點解我個腦自動波將奧海城變做"奧港城"，
仲喺FB周圍問人: 由太子點去"奧港城"?
得到既回覆都係: 奧海城就知，奧港城唔知喎......

最後我懵盛盛走去搭小巴...落大雨狼狽情況下，
根本無攪清楚架小巴究竟去奧咩城就上咗車.......
直至司機停車...我見到大大隻字"奧海城"!
有dd"劣"走去問司機: 請問奧港城係咪依個站落車?
司機: 奧港城唔係依樹喎! 奧港城喺佐敦果頭喎!!
吓??????????????????????????????????????

和V媽媽撐枱腳@八月花 (2014年6月17日)

雖然我喺香港土生土長，但喺英國生活咗咁多年，
我發現自己真係頂唔順香港既夏天!
以前讀緊大學時，聖誕 + 暑假都會返香港，
聖誕多數會平安渡過，不過暑假幾乎10次著咗9次半都會腸胃炎要去浸會醫院啪針!!
自從結咗婚之後，我都未試過盛夏之時返香港，
今次偶一為之......即時瀨野!!!
早一晚(6月16日)本來訂咗位食自助餐.......

和V爸爸撐枱腳@素食一家 (2014年6月13日)

是晚V媽媽同雀友有局，過兩日就係父親節，
V媽媽話唔想正日出街同人迫食飯(無錯~ 係V媽媽話唔想.....)
趁V媽媽去咗打麻雀，是晚我請V爸爸食飯，提早同佢慶祝父親節!

Mr.T 臨別encore 大排檔 (2014年6月11日)

今次香港之行Mr.T 只留9日，佢返英前一日要求要encore 大排檔!

隆姐泰國美食館@九龍城 (2014年6月8日)

上一次同Mr.T 一齊返香港時，
帶過佢去正宗泰菜餐廳雲集既九龍城食泰國野!
今次Mr.T 主動要求舊地重遊~ Mr.T 話想去返黃珍珍(網誌)，
不過是日落狗屎! 到咗九龍城落車後，我唔記得黃珍珍喺邊個方向......
同時發現身處果條街都有好多泰菜餐廳，
喺Mr.T 唔反對既情況下，拿拿淋快手揀一間避雨兼開餐!

揀中"隆姐"，因為當日時間尚早，
隔離左右有d餐廳啱啱先開門準備中，有d甚至未開門.......
有d已開咗門，但裡面一個客人都無，反而"隆姐"已八成客滿!
簡單邏輯話我知 - 食物水準應該唔錯~

佐敦太平館 (2014年6月10日)

 
Mr.T 先行返來英國，V媽媽一直都想煮餐好既比Mr.T 食，
不過香港既夏天咁鬼熱，喺廚房煮一餐九大簋好辛苦架!
倒不如出街舒舒服服歎住冷氣等吓就有得食!! 
是晚地點係佐敦太平館~

The Lobby Afternoon Tea@The Peninsula (2014年6月10日)

是日我同Mr.T 都Earl Grey 癮起! 雖然香港天氣酷熱，
但好想好想飲一杯熱辣辣清香濃郁既Earl Grey~~~~
於是我地去咗半島酒店afternoon tea......

Mr.T 的第一次...大排檔 - 陳根記 (2014年6月9日)

事緣有一日我地搭一架平時唔會搭既巴士由沙田去九龍城，
巴士途經沙田博康村，我見到有未開檔既大排檔，
問Mr.T 佢有無試過...答案係無! 因為佢唔識.......

其實阿V都唔識! 阿V係九龍人來，對沙田完全唔熟悉，
記憶中未食過沙田既大排檔，上網做咗一輪research，
發現除咗博康村有大排檔之外，禾輋都有喎!

和民宵夜 + 夜蒲誠品 (2014年6月6日)

返香港前知道香港開咗誠品，書蟲V興奮到不得了!
去親台北，幾乎每晚都去蒲24小時誠品，
香港誠品雖然唔係24小時，
但星期五、六 + 公眾假期前一日都會開到2am，
是晚我 + Mr.T 特登過海食宵夜兼去誠品朝聖~

先去和民食咗個豐富宵夜~ ❤

吉卜力工作室場面設計手稿展 + 武 ‧ 藝 ‧ 人生 - 李小龍@香港文化博物館 (2014年6月5日 + 7日)

我 + Mr.T 都係宮崎駿粉絲~
返香港前已知香港有依個手稿展，咁當然唔可以錯過啦!
不過FB見好多人weekend 去，排隊買飛竟然超過一粒鐘......@@
反正地點喺沙田，我地緊係揀閒日去啦!!

另類牛雜之旅 - 元朗嘉麗園 (2014年6月9日)

病已好返哂...廚房大執位又攪掂哂，
不過返香港前開始既大掃除仲未攪掂，但吊頸都要抖吓氣嘛! 
趁有些少空檔update 一下香港之行先~

今次返香港還咗一個心願，
食一樣我未食過，但想食已經好幾年既野 - 牛鞭!

我回來了...已一星期! (2014年7月10日)

V媽媽金華火腿蠔皇炆鮑魚 + 其貌不揚但味道OK 既KLM 燉牛肉薯蓉.......
一見到依份正爆鮑魚飛機餐，就知道阿V已經返咗英國!

孖T@HK 2014: 港、台、英師奶開心聚 (2014年6月14日)

多年前...我地4個分別身處香港、台灣 + 英國既師奶
(Mami 阿四Shirley、林家歐巴桑Gaile、艾莉 + 小妹)喺網上認識，
之後我每次返香港，都會相約Shirley + 艾莉飯聚，
唯獨未有機會與台灣既Gaile 見面......
儘管一直未有機會4個一齊見面，但我地每日喺FB 無所不談;

2年前...我地4個師奶喺3個不同地方，
一齊買咗件一模一樣既Hello Kitty t shirt......
雖然仍然未齊腳見過面~

4月頭我 + Mr.T 計劃返香港一轉，
隨口問吓身在台灣既林家歐巴桑Gaile 可唔可以返香港走轉......
就係咁促成咗今次三地師奶開心聚!

夏日炎炎正好剪! (2014年5月31日)

十幾日無update...我要以新形象示人!