孖T@HK 2014: 港、台、英師奶開心聚 (2014年6月14日)

多年前...我地4個分別身處香港、台灣 + 英國既師奶
(Mami 阿四Shirley、林家歐巴桑Gaile、艾莉 + 小妹)喺網上認識，
之後我每次返香港，都會相約Shirley + 艾莉飯聚，
唯獨未有機會與台灣既Gaile 見面......
儘管一直未有機會4個一齊見面，但我地每日喺FB 無所不談;

2年前...我地4個師奶喺3個不同地方，
一齊買咗件一模一樣既Hello Kitty t shirt......
雖然仍然未齊腳見過面~

4月頭我 + Mr.T 計劃返香港一轉，
隨口問吓身在台灣既林家歐巴桑Gaile 可唔可以返香港走轉......
就係咁促成咗今次三地師奶開心聚!


歐巴桑6月14日超早機由台灣到香港，
先返娘家整理行李後即時趕出來見面~

喺旺角創興廣場漢陽苑自助韓燒~

雞啄唔斷掛住傾...食完先記得影相...仲要坐到人地半場收檔催我地埋單! XDDD


Gaile 今次臨時之行時間緊迫，
返來前Mami 阿四Shirley 幫Gaile 訂咗2隻De Buyer，
所以食完午餐就去上海街揹鑊!

Gaile 攞完鑊後要趕下場...雖然只短短幾粒鐘，
但多年來第一次齊腳見面，真係好開心! 期待下一次齊腳再聚啊~


Gaile 走後，剩低Shirley、艾莉 + 我，
我地3個意猶未盡，轉場深水埗........

先由艾莉帶路去買羊毛氈公仔材料工具........

再去鴨記買自拍伸縮架 + 手機自拍遙控器~

買夠再去新世紀北京樓三缺一晚飯~

多謝Shirley 老公請食飯!

傾足一日，笑足一日，食 + 買足一日! 仲要多謝各位美女送我既禮物啊~~~

橡筋哈娒太郎! 哈哈~~~~