二人世界與豆蟹 - 2010年6月5日 (附食譜)

燴豬扒意粉; 芝士煙肉焗青口 & 凱撒沙律

尋日(6月5日)同老公lazy day，起身後去超市買野食 + 租DVD，跟住就返屋企無再躝街嘞，所以weekend 都要煮晚餐~

反正早幾日Asda 豬扒special offer，所以今餐又食豬扒!  不過天氣太鬼熱~~~~ 唔想煲湯煲飯......

就煮個燴豬扒意粉啦 - 煮意粉快手，又有汁撈吓~ 好好味啊!

泗和行既急凍紐西蘭青口真係幾抵食~ £3幾就有一大盒!!

早幾日用來炒咗大碟豉汁青口;

 尋晚用來整西式 - 用芝士煙肉去焗~

哈哈~~~ 不過盒青口仲未食哂喎!!

依個芝士煙肉焗青口真係好香好好食啊~~~~ 我用咗mild cheddar 去整，味道啱啱好一d都唔會漏~ 我唸用來食飯做餸都好好味!

食食吓我發現咗個"不速之客"......

 我見到青口殼中有"粒"好鬼cute 既蟹仔!

我: 咦~~~~~~~~~~~~~~~~~~~~~~~~~~~~~~~~~~~~~~

老公: 咩事?

我: 你睇吓依粒野!

老公: 粒野係我"累"出來架! ( at this point, Mr.T 仍然未發現依粒野係一隻蟹仔!)

我: 你睇清楚d!!

老公: 咦......吓!! 係蟹仔來喎!!!

我: 你累出來都唔知係蟹仔來咩?

老公: 唔知呀~ 我都無留意.......

我: 哈~ 我細個時睇課外書見過相，佢叫做"豆蟹"~ 不過未見過真野啊!

老公: 佢好肥好細隻，好得意喎!

 豆蟹(Pea Crab) 多為肉色; 只有1至2粒青豆大小，係世界上體型最細小既蟹類!

 豆蟹寄生喺雙殼貝類裡面e.g. 蠔, 蜆, 青口, 蚌，依靠所寄生既貝類維生~

一般情況下豆蟹對貝類並無大影響; 但有時被寄居既貝類會受到豆蟹創傷，會影響貝類既健康!

 雌性既豆蟹係唔識游水既! (好搞笑!!) 終生會留喺貝類體內~

而雄性既豆蟹就會趁貝類打開貝殼時，趁機走入貝類體內授精予雌性豆蟹既卵!

千其唔好問我雄性豆蟹點知貝殼裡面有隻雌性喎! 我都唔知佢點知架......

大自然一向好奇妙~~~~

 燴豬扒意大利粉食譜click here~

 芝士煙肉焗青口食譜click here~

 凱撒沙律食譜click here~