蛋花粟米湯; 京都豬扒 & 黑椒汁茄子牛肉粒
星期五晚本來無咩心機煮飯 - 因為第二日係weekend 嘛! 懶蟲提早周身爬~
不過星期三晚果餐只煮咗半盒豬扒，仲有半盒放咗喺雪櫃就快到期; 加上屋企又有2隻明明未到期，但其中1隻已爛鬼咗既茄子!
而且星期四晚已經偷懶去咗Hilton 食自助餐......唔想連續2日都咁鬼懶~ 更加唔想浪費食物!
於是提起精神的起心肝煮埋d剩餘物資! 
不過懶開就唔多想用腦~ 反正之前果晚老公咁鍾意京都豬扒，佢又話要encore.......咁唔洗唸再來多次京都豬扒啦!
得幾塊豬扒 + 1個茄子只煮到2個餸~ 唔想咁單調
，所以叫老公放工時順便買盒牛肉返來煮茄子~ 再拿拿淋喺櫃度摷咗罐粟米湯出來，加隻蛋超快手滾個蛋花粟米羹......
唔洗點用腦又快手咁搞掂咗一餐!
京都豬扒食譜click here~ 黑椒汁茄子牛肉粒食譜click here~
仲唔俾我威返次....
回覆刪除NO 1111111111111111
[版主回覆08/09/2010 22:01:00]至叻係妳咯!
快手快腳一餐都可以好好餸好好味呀 !!!!!!!!!
回覆刪除k
[版主回覆08/09/2010 22:01:00]係呀~ 仲可以清埋d剩餘物資呢!
黑椒茄子呢碟我鍾意呀..送飯一流呢..惹味
回覆刪除[版主回覆08/09/2010 22:00:00]係架~ 有菜又有肉，用來做碟頭都好啱架!
有時簡簡單單 都唔錯架~ 而且你呢餐都唔簡單呀~
回覆刪除[版主回覆08/10/2010 06:30:00]今餐最主要係剷除剩餘物資!
粟米羹我真係白食不厭架~
回覆刪除[版主回覆08/10/2010 06:30:00]粟米羹又方便又好味，我家中常備!