單拖回香過新年 - 禮物Part 1 蕃蜜梨篇

話說我今次返香港寄倉行李有成46kg - 2件，每件限23kg~

手提行李都有10kg，加加埋埋有56kg，真係非常之唔錯! ♥ 

不過我並無因此大買特買，

因為一來無咩時間正經行街shopping， 
二來因為我收咗好多好多禮物!  

多到我帶唔到哂上機，要V媽媽幫手打箱寄過來比我; 
多到雖然有56kg allowance，但我既行李仍然as usual 超重!! 
本來想一次過將收到既禮物來個墟冚大曬冷， 
不過一來未收到V媽媽幫我打箱既包裹，
二來真係太多相咯! 
所以都係分開Part 1 蕃蜜梨篇 + Part 2 老友鬼鬼篇啦!!

12月中一落機到香港，聖誕都未到已收到幾千蚊利是~

因為Mr.T 11月尾牛一，而我就12月尾牛一，

係V爸爸V媽媽 + 一眾長輩比我 + Mr.T 生日"買野食"既! 

(不過Mr.T 既錢即係我既錢 - Mr.T 自己講既! 所以佢既利是即係我既利是!! 哈哈~~~)



我除咗有生日利是之外，

仲有V爸爸V媽媽一齊送比我既生日禮物......

係一件金啡中褸皮草! ♥ 

依張相影到對high boots，睇得我成個look 清楚d......

不過我覺得依張相我個pose 型仔d! 

所以特登貼多張相!! 哈哈~~~~~ 

剛好我今次返香港過咗個17年來最凍既農曆新年，

初一至初三最凍依3日，依份及時生日禮物大派用場! 

依件中褸係我擁有第二件皮草~

我本身已另有一件blue iris 既短mink，

係我多年前另一份生日禮物來! (網誌)

我兩件都好鍾意呢! 


不過由香港返到來，發現蘇格蘭並無我預期中咁凍，

而且唔凍既程度係.......唔係好似冬天!

2月中已經有野兔出來食草......

以往2月中可能仲落緊大雪，兔仔無咁快冬眠完架嘛!

睇來我依份生日禮物可能要留返出年先再有機會著咯~ 

之前提過既新相機;

陶瓷刀;

同埋環保砧板~

依幾樣全部都係V媽媽送既!



今次99都返咗香港~

99送咗個5L康寧煲比我~

仲係我最鍾意既櫻花圖案! ♥

其實之前同V媽媽行工展會我已經好鍾意依個櫻花康寧煲，

不過嫌太重唔想攞所以無買到，估唔到99送正我最鍾意果款! 

做咗師奶已5年，託賴仍然年年有利是逗......

不過今年面皮特別厚逗咗皮幾野返來! 

一大咋海味........

V婆婆買比我既日月魚 + 魷魚仔乾;

同埋V媽媽買比我既靚蠔豉、唔知咩翅 + 海參~ 

禮物一直由香港收到返來蘇格蘭!  

Birmingham 一落機Mr.T 來接我，即時送我一對Armani 皮手套;

上車後再送我一件Armani 限量版毛毛領中褸! 

依件褸咳庭好好 - 著到我"好似"好高又slim~ 大愛~~~~ ♥



由Birmingham 渣車返到Glasgow........

仲有!  係6299 + 姑仔送我既聖誕禮物~

不過仲未拆.......等我安置好哂上面果咋先啦! 



感謝愛我既蕃蜜梨! love you all~