死人Internet 又壞咗幾日......
不過尋晚貼咗依隻燒雞上FB後，有朋友想要食譜，
唯有打尖出咗依篇先啦!
原本依隻肥雞係打算用來做白切雞既......
Until 我喺超市見到依本雜誌封面，我就徹底改變咗主意!
食譜參考自delicious. Magazine May 2012~
1. 預熱焗爐200C; 牛油適量室溫放軟備用。
2. Baby Potatoes 800g洗淨切半; 檸檬1個切片; 蒜頭1個撕開一瓣
瓣但不用去皮，全部放在一個大和深的長形烤盆中。
3. 灑上切碎thyme (百里香)及淋上橄欖油，用黑胡椒和海鹽調味後拌勻。
4. 走地雞1隻洗淨抹乾，小心將雞胸部份雞皮和肉分離，但不要弄破雞皮。
5. 將小量牛油塞入雞胸肉和雞皮中間抹平，再用牛油塗勻整隻雞表面，灑上黑胡椒和海鹽。(P.S. 我用檸檬鹽!)
6. 將雞放在薯仔上，放入焗爐先烤50分鐘。
7. 待雞烤至開始轉金黃，蓋上鍚紙繼續烤至夠時間。
8. 露筍一札洗淨; 紅蘿蔔適量切粗條備用。
9. 50分鐘後取出雞放在碟上，烤盆中加入露筍和紅蘿蔔條。
10. 倒入白酒140ml，先將全部材料拌勻，再將雞放回蔬菜上。
11. 蓋回鍚紙，放回焗烤爐內再烤30分鐘。
12. 取出烤盆，繼續以鍚紙保溫待10分鐘先讓雞肉質放鬆。
13. 10分鐘後除去鍚紙，灑上新鮮切碎parsley，雞汁、薯仔和蔬菜全部拌勻。
14. 雞切開，薯仔和蔬菜上碟，淋上烤盆內的雞汁即成。
我 + Mr.T 每人半隻雞......
Seal of Approval from Mr.T again!
依隻雞實在太好味嘞~~~~~~
睇吓Mr.T 食得幾乾淨就知啦!
留返隻雞批比我呀,哈哈......整到好似本書一樣呀! 勁!
回覆刪除[版主回覆04/17/2012 20:15:36]Thanks 晶晶! 不過一餐食哂咯喎.......
好吸引呀 流晒口水 ^o^
回覆刪除[版主回覆04/17/2012 20:13:57]依個好易整架，而且好好味!
睇見都流口水
回覆刪除[版主回覆04/17/2012 20:11:01]依個超級易整又超級好味呀! 妳都試吓吖~
your chicken looks exactly like the magazine cover!
回覆刪除[版主回覆04/17/2012 20:09:31]NOT exactly...i added carrots!
梗係啦,老婆是他的一級私人厨師,煮出來的食物有賣相兼又引人流口水,令人看到都想食呢
回覆刪除[版主回覆04/17/2012 20:08:48]過獎嘞!
一於記低佢先
回覆刪除[版主回覆04/17/2012 20:08:03]超級易整呀! 試吓啦~
FB見到已經流口水,而家又要
回覆刪除隻肥雞真係一睇已經知好味道啦!
[版主回覆04/17/2012 20:07:39]又易整又好味呢!
等我遲d都試下整！
回覆刪除[版主回覆04/20/2012 00:21:55]依隻雞好好味，快d試吓整啦~
好好味呀! 見到都流口水, 遲d都試下整 (等我下次到超市買齊材料先).
回覆刪除[版主回覆04/20/2012 00:21:36]全部材料都好易買得到架! 依隻雞好好味，快d試吓整啦~
嘩!! 好似張 magazine 隻雞攞咗出黎食咁呀!!!! 整得好正呀 .
回覆刪除你食得哂半隻!?
[版主回覆04/20/2012 00:20:43]多謝小白讚賞!
係呀~ 我同Mr.T 每人半隻雞食哂呀!
妳好, 第一次留言給妳. 每次見到妳shopping特別係花花廚具, 我都會好開心. 香港屋子比較細, 無地方放咁多廚具, 所以謂有睇你個blog 滿足一下自己.
回覆刪除好羨慕妳不用看書都可煮一手好菜, 我就算睇住嚟書煮都會煮得不好食. 好氣餒. 有時係香港又買不到合適的材料, 特別係香料.... 睇到你呢篇燒雞好想試一下. 不過有以下問題, 可否解答一下.
1) 百里香係用乾香料, 還是新鮮?
2) 雞用急凍左嘅得唔得?
[版主回覆04/25/2012 20:32:04]妳好啊Catherina!
唔洗羨慕我，因為我煮到既，其他人都一定煮到~ 煮得多自然熟能生巧! 而且我都睇書架 + 睇電視烹飪節目架! (我屋企d烹飪書多到嚇屎人...) 不過我好少會照足書既方法來整，我鍾意用自己方法~
其實香港買食材先最好! 香港乜都有，逛多幾個地方一定會搵到食材~
百里香我都係用樽裝乾貨架! 因為我依邊都唔係時時買得到新鮮百里香~ 順帶一提用乾貨香草要留意該種香草既特性e.g. 百里香、sage 依類香味濃烈既香草，新鮮或乾貨都無問題; 但好似chives (細香蔥) 或parsley 依類香味subtle 既，乾貨幾乎完全無料到，用唔用都無乜分別!
雞用急凍無問題...我依邊全部都係雪雞來!
Happy Cooking~
我想問下係唔係檸檬鹽可以取替海鹽定取替黑胡椒和海鹽呀?thanks 黑胡椒和海鹽。(P.S. 我用檸檬鹽!)
回覆刪除[版主回覆04/25/2012 20:20:26]無錯! 其實原食譜係用黑胡椒 + 海鹽~ 不過我之前有少少檸檬鹽剩低，所以先用檸檬鹽~
我早兩日都試咗整呢隻雞，同個FRIEND兩個人清晒！！！但唔知點解啲菜好鬼苦。。。下次試吓攞走啲檸檬再整過！！
回覆刪除THANKS!!
[阮子旦回覆04/26/2012 04:42:51]原來係咁!
[版主回覆04/25/2012 20:19:00]you're welcome~
菜苦係因為檸檬皮白色既部份有檸檬苦素~ 下次整時試吓揀薄皮檸檬，白色部份少好多，而且切片時唔好切太薄，一係唔好切片改為切半，都可以減少苦素流出!
加咗檸檬去燒香好多架!
i want to try it
回覆刪除[版主回覆05/09/2012 22:54:36]try it then! it's an easy recipe~
我睇到都覺YUMMY
回覆刪除[版主回覆05/09/2012 22:57:34]Thanks Mag! 依個又易整又好味呢~
[版主回覆05/09/2012 22:56:01]Thanks Mag! 依個係又易整又好味呢~
你d食譜係信心的保証, 試過幾個都好好味, 但有d blog 的食譜都係好睇唔好食
回覆刪除e 個真係好有興趣去try
[版主回覆05/09/2012 22:58:57]多謝Karmen 誇獎! 依個又好味又超級易整，全部放哂一個tray 就搞掂，零失敗!!
其實睇左你個blog好耐,,不過每次都懶無留comment!!!今次真係比呢個食譜吸引,,我依家都整緊黎食,,個味真係好香好香!!!XD 不過唔知成唔成功!!!
回覆刪除你個blog真係好適合我地呢D international stuent,有時我都會睇下你個blog,,諗下食咩,,有時真係煮到唔知食咩好or 出去又無咩好食(我係winnipeg)!!! anyway,,你整野真係好有心機!!!
[版主回覆05/17/2012 01:58:42]妳好穎姍~ 多謝妳捧場啊! 燒雞整得成唔成功呀?
很感謝你的回覆, 我今晚終於試整左啦. 味道不錯, 就連我個麻煩老公都話'OK啦'. 很少可以跟blog友or食譜整一次就成功, 證明你寫得很詳盡. 不過還有少少問題, 就是d雞肉唔夠入味和比較'鞋'. 想請問你, 雞是否預先醃一晚會比較好呢? 同埋是否因為烤焗時間過長, 雞肉會變'鞋'身呢? 因我雞的size是同你不一樣, 所以我以自行縮短時間了.
回覆刪除[版主回覆05/21/2012 01:18:46]首先雞唔夠味...個食譜係唔需要事前醃隻雞既!其實洋人燒雞絕少會事前醃，醃過夜就更少! 除非peri peri chicken 之類.....依個燒雞味道比較subtle，味道主要唔係來自調味，而係隻雞本身! 妳下次試吓用free range 走地雞來整，雞味唔同煮出來可以分別好大架!
雞肉鞋...第一雞本身都好重要! 靚雞肉質自然好d; 第二要整到juicy 又唔鞋既燒雞，牛油一定唔慳得! 怕肥膩怕唔健康...咁就唔洗旨意整得好味嘞! e.g. step 5塞牛油入雞皮+ 雞胸中間，千其唔可以手軟，否則只會有個又乾又鞋既雞胸!
好成功呀!! 仲整幾多次下tim!!
回覆刪除[版主回覆06/15/2013 17:53:57]Good! 一直收唔到電郵通知，而家先睇到妳個msg.....