連續2餐唔好味既出街食 (2013年7月19 + 20日)

上星期五(7月19日)Mr.T喺Glasgow見客，
見完客早收工一齊去食lunch~

早前渣車經過City Centre開咗間叫做Nippon Kitchen既日本餐廳，
於是我suggest去試吓!
星期五下午剛過食晏時間，但又未到晚飯時間，
全間餐廳係空既，有另一枱3大2小同我地同一時間入座~

Mr.T只點咗個辣既鴨肉拉麵;
我就點咗照燒雞定食 + 辣三文手卷，
個定食包味噌湯 + 3件炸雞卷壽司，
唔知因為天氣熱定點，依餐真係食到我忟忟地!

我食過咁多間日本餐廳，定食都係一次過成套餐上既，
不過依間.........

先同我上碗味噌湯......只係得碗味噌湯!

我飲完個湯再上果3塊1分鐘內可以食哂既炸雞卷壽司........

等我食完果幾舊壽司先來份餐!
我飲湯食壽司期間Mr.T完全無野食.........
咁我當然有同Mr.T一齊分甘同味~
不過大家睇碗湯 + 3舊卷就知得d屎咁多啦!!

而家唔係食西餐，唔洗分頭盆正餐咁來上菜，
咁斬件來食日本定食我真係第一次 + 食到我好忟!
要開日本餐廳就好心依返正確飲食習慣啦!!

終於捱到上"正餐"..........

Mr.T終於有野食 - 鴨肉辣湯拉麵~
睇個樣好地獄feel，其實中辣都無，只係小小辣!

其實我覺得個小小辣既湯太鹹，不過尚可接受;
鴨係中式燒鴨，用懶方法炸熱，但鴨啖啖肉且份量不少;
拉麵份量都唔少，overall依碗麵都叫做合格好食~

我個辣三文魚手卷~
(初時來錯咗三文魚小卷，後來換過........)
好足料，都可以叫做好味，不過紫菜明顯已經潮咗，
又韌又黐牙，扣分扣到唔合格!

我份定食.......咁既組合我又真係第一次見 - 全肉無菜!
Well~ 你可以話中間果執黃色毛(醃漬蘿蔔絲)係菜來既.......

左上角果2舊雞肉餃子叫做最好味!
不過食得多YO!Sushi就知道係一大包既急凍現成野來;

依份明明係Chicken Teriyaki Bento (照燒雞定食)，
唔知點解右上角會有串Yakitori (雞串燒)?
依串野個汁好鹹，一定要用大量白飯去送口!
不過還好份餐有依串野，因為..........

右下角有芝麻果塊雞扒非常難食!!!!!!!!!!!!!!!
我點既係照燒雞.......不過份餐一塊照燒雞都無!
右下角既雞扒竟然係沾咗粉漿來炸，
仲要炸到又乾又硬，最攞命係個汁 - 甜到喊~~~~

食到七七八八有位女侍應過來問Mr.T碗麵個湯會唔會太辣，
佢話餐廳新開想gather多d意見，
反映返比廚房知有咩地方要改善~

要意見吖嘛............得! 我比妳!!
我就把握機會話比佢知右下角個汁太太太太太太太太甜!!!!!!!
我已經留口無提其他野，只講右下角果個勁難食甜到苦既汁.......
但我得到一個好吹脹既回覆: 果個係teriyaki sauce來架!

阿姐~ 係我自己點"Chicken Teriyaki Bento"，
雖然我份餐一塊chicken teriyaki都無，
取而代之係廚房用呃洋人方法乜Q都攞去炸.......不過以我既common sense估到，
果個好難食既汁supposed to be teriyaki sauce!

所以我答阿姐: 我知係teriyaki sauce，我只係話比妳知個汁甜到苦!
阿姐再同我講: d鬼佬鍾意咁甜啊! (真實對白)

咁唔洗講野啦! 既然洋人鍾意咁甜，
咁你地以後做洋人生意得啦~
我 + Mr.T就唔會再去幫襯!
反正講到尾只係一間中國人開既"所謂日本餐廳".........

7月20日星期六，因為要準備第二日同朋友BBQ既食物........

所以近近地去屋企附近既pub食晏!

Mr.T點返之前食過好好味既一呎長墨西哥辣肉醬熱狗，
熱辣辣好好味~~~~

我都係點返之前點過好好味既piri piri燒雞.........
不過今次依半隻雞真係唔掂!
竟然有本事燒到連雞肶都似柴皮!!

連續食咗2餐都咁鬼難食，真係想講粗口........