後知後覺...Yahoo 舊Blog 文死圖!!!!

生B前荒廢咗個blog 一排........
都無留意 + 唔知幾時開始之前由Yahoo Blog 搬過來既blog 文全部死哂圖!!!!!
即係話2013年11月前既blog 文全部都死圖，真係好鬼憎Google 呀~~~~~~

好彩Yahoo Blog 摺時，我同時將舊blog 文搬咗去點煮網，果邊d舊圖無事!
不過我真係頂唔順咁多blog 文無哂相，尤其係食譜........
所以我打算一有時間就會將點煮網果邊既食譜圖，慢慢copy 返過來，
暫時我會主要修復食譜既圖，其他舊blog 文唔理住嘞，
希望可以盡快攪返掂所有舊食譜啦~

金田V......謎底終於解開了! (2015年3月14日)

其實依個情況一直間中都有出現，並唔係最近既事!
只係最近短時間內連續發生咗2次，令我的起心肝去搵原因，最終被我發現........

成功搬Blog (2014年1月10日)

今日我終於成功將YBlog 舊文連相，
全部搬哂過來Blogger 嘞! (今次係堅架嘞!!) 
真係好多謝高人blog友コーさん 既幫忙~

早兩日我沾沾自喜坐定笠六以為攪掂哂，
點知原來食詐糊!
多得コーさん 提醒我相片連結有問題，
如果唔係我到而家仲懵吓懵吓.......

之後我攪唔掂備份個新格式，
コーさん 仗義拔刀相助為我檢查 + 轉檔案，
阿V唔洗逐篇螞蟻搬竇，
先可以咁快有返哂所有舊文!

滙入舊文完結後，
見到自己喺YBlog 多年經營既心血喺Blogger 上出現，
感覺就好似一家人團圓一樣， 
好開心 + 終於可以鬆一口氣~

剩低既功夫...我仲要執執分類 + 爆圖，
不過依d通通都係小意思來，好快會攪掂!
在此衷心多謝所有提供過搬blog 或執靚blog 意見比我既blog友!
You guys are awesome~ ❤

開心得太早.....

唉...前晚以為攪掂哂搬Blog，
點知晴天霹靂有位高人告知......
原來我搬完後舊文圖片仍然連結住Yahoo!
我尋日唯有將所有已載入既舊文一口氣del 哂，
所以大家會發現我上一篇所講右邊既分類欄位唔work~

Pain in the ass!

哇哇哇~~~~~~~~
踏入咗2014年成個星期，
我一篇blog 都未寫過......
因為我終於的起心肝將Yahoo 舊文一口氣搬哂過來!! 

花咗3日時間......
先用blogtrans 轉code...OK~ 唔算太耐亦唔太複雜;
不過我既Yahoo 備份有6個檔案，
每個檔案有接近3000張相，
要通宵開住電腦，
將依6個圖片檔案逐個upload 上Google Drive，
終於upload 哂所有圖片檔案...
但又要將所有圖片集中搬哂去其中一個檔案，
先可以加入blogtrans 轉咗既code，
令人嘔血既係 - Google Drive 搬相要click 一大堆buttons，
更爆血管既係 - 每次最多只可以搬50張相.......
就係咁我坐咗喺電腦前不停重複同一動作click 咗近千下!!!!!!!

廚房通告 (2013年12月13日)

我相信大家都見到我個blog 既新look! 喜歡嗎?
Exactly 一個月零一日前我正嘔心瀝血大呻blogger 好難用;
一個月零一日之後，仍然覺得Blogger 好多功能好複雜.......

不過經好友林家歐巴桑教路後，
我個Blogger 終於似返8成Y!Blog 未升級前既舊觀!

廚房通告 (2013年11月12日)

感覺好耐無寫blog!
In fact 又的確係幾耐...
其實我好手痕，有好多野想同大家分享!
不過......

有blog 友留言問我 - 點解睇唔到新網誌?
Blogger 依個blog 實在複雜難用到黐線!
查實我上星期post 咗2篇新網誌架，
但唔知點解我一post 咗2篇新網誌後，
右邊個網誌封存消失咗!
攪咗一輪都攪唔掂，
果2篇新網誌喺我火滾之下衝動del 咗，
所以大家睇唔到果2篇新網誌...抱歉~
(冷靜下來先發現.......
原來可以將果2篇轉返做草稿...太笨了!)

La Cuisine De Veronica 新竇網址

拖拖拖唔願寫最後一篇，
只因唔想面對Yahoo Blog 執笠!
緊係唔係貪Yahoo 服務好啦，
只係人有惰性，
用開一樣野習慣咗就唔想攪咁多野搬來搬去，
不過而家講乜都無用.........

史上最長既發開口夢 (2013年9月3日)

星期二(9月3日)朝早Mr.T出門口返工前同我講......
之前一晚我先瞓著覺，Mr.T喺我旁邊上網，
佢熄咗laptop + 鍚咗我一啖後瞓低準備覺覺豬.........

老奉 (2013年5月22日)

前日我發現有人足本copy + paste盜用我一個蛋糕食譜，
無註明出處又無引用，
我唔想一下就做到咁盡檢舉佢，
所以我私人回應禮貌地請對方加返註明或引用~
不過等到第二日對方仍然無回覆，
同時我發現佢再新update另一個屬於我既甜品食譜，
又係無註明或引用! 我唯有公開回應，
直接問對方點解抄我既野唔註明又唔引用，
對方即時以9秒9高速刪除哂2篇食譜.......

不過約30分鐘後果2篇食譜重新發表，
蛋糕食譜加返註明我blog;
而甜品食譜佢就改過哂材料份量，
但依然係我既文字!
依個人將我2個回應刪除哂，
解釋、道歉、甚至狡辯都無一句，當乜事都無發生過!

唔用殺蟲水既盆栽去蚊滋方法 + 廚房通告2則

先來兩則廚房通告.......

(1) 唔知各位blog友最近有無收唔齊回應電郵通知既問題呢?
好不幸.......我有! 而且情況已經幾個星期都完全無改善過.......
加上欄位"最近的回應"顯示有限，
只要我睇到既，我都會盡量回覆大家既留言，
但亦有極高可能會漏覆你/妳果個!
請大家多多包涵啊~

(2) 為免除閒雜人等，小妹已將Facebook setting 全面轉做private!
我仍然歡迎各位blog友add 小妹吹吹水，
想add 我FB既blog友們可以喺blog 依度私回留個email 比小妹~

好! 入正題~

話說幾年前62比咗棵"發財樹"過我地，
(即Jade Plant~ 又名Money Tree、翡翠木、吸財樹、玉樹、燕子掌、八寶樹!)不過我嫌62個原裝花盆太過老土得滯，
所以我換咗個懶靚既白色花盆.......

日子耐咗，棵發財樹越生越大棵，開始太重斜埋一邊!
今年4月我已開始意識到要換一個大d既花盆.......

廚房通告(2011年12月11日)

我又失縱咗幾日，不過今次係被迫既......

寫完篇"彩虹盡頭"無耐，部電腦中招感染咗個超衰格病毒!!
私人電腦技工Mr.T 喺Birmingham，
幸好朋友唔嫌麻煩仗義來回我屋企好多次嘗試幫我修理，
雖然最後剷走唔到衰格病毒，
不過朋友幫咗我個好大忙backup 哂電腦裡面重要既相，
(Thanks again mate!)

尋日星期六(12月10日)我又來咗Birmingham~


老公接咗我後去食打邊爐拼燒烤~
食飽飽後返歸老公就幫我搞掂咗部電腦! 

Nuffnang 11月焦點Blogger (2011年11月1日)

9月左右收到Nuffnang HK 留言邀請我加入成為Nuffnang 會員......

2星期前又再收到Nuffnang email，
告知我穫選成為Nuffnang 11月份其中一位featured blogger!

廚房通告: (2011年10月11日)

Hey guys,

Internet's f****d (AGAIN! )

I'm in the library at the moment and that's why I can't type in Chinese.

Anyway, will upgrade my blog when the service's back~

Thank you all for your support!

Will see you guys on the new Yahoo Blog platform!!

廚房通告: 十九幾萬個不情願...升級! (2011年10月7日)

上星期二(9月27日)收到Yahoo Blog 團隊send 來一個email......

新Logo!

"La Cuisine De Veronica"3週年之前同Mr.T 講過 - 我想每年blog anniversary 都換一次大頭logo.....

雖然今年blog anniversary 已過咗幾個星期，不過Mr.T 總算交到貨!

Love it! Thanks Hon~

V女廚房3歲嘞! (2011年3月11日)

剛過去既星期五(3月11日)係La Cuisine De Veronica 3rd Bday!

果日老公休息陪我去GP例行檢查傷口，醫生話我傷口埋得好好;

而且同一日傷口終於開始甩線，而家只甩剩一條線;

本來我應該好開心......

禾...禾...禾...終於......(2009年12月14日)

"V女廚房"今年年頭有幸上咗Yahoo Canon Blog 人氣榜，

當時有網友們祝我早人登上Yahoo 人氣榜......
不過自己知自己事啦! Yahoo 高手雲集，幾時輪得到我吖~~~
今日(應該係尋日!?!?)，我終於都喺Yahoo 人氣榜出現嘞!

雖然位置不高 ，但自知咁既機會無乜幾可，可一不可再~
(自己知自己事啦......)
咁緊係要記低依個歷史性既一刻啦!

廚房通告 (2009年3月23日)

各位順超 / 唔順超既網友~ 大家好嗎?

我仍然未買net book，所以而家又係霸住用Pacific Coffee 既電腦!  (唔緊要啦! 而家都冇乜人......) net book 睇就睇緊，不過我師奶嘛~ 個個都心大心細，又要周圍格價......

V嫲嫲既身後事，經過一輪改來改去......終於決定喺下星期一、二辦事! 唔好問我點解正經野搞到咁遲先辦事~ 因為我條氣已經由喺Glasgow 機場起程返香港時，一路頂到而家!!!!  屋企人多，意見自然都多 + 麻鬼煩!

V家係大事上係意見一致既，因為我地係正常人! 不過世界係咩人都有，人始終都係自私既，就算大家同姓一家，都可以話之你啦~~~ 我地依d後後輩就冇乜話事權架嘞，亦希望老人家走得安安樂樂......

而家我暫定會喺辦事後既星期五(4月3日)左右返英國，依兩日會開始睇吓機票~ 等我訂咗機票落實日期後，會再話比大家知! 大家要等我啊~~~~~

廚房通告 (2009年3月16日)

Hello Everyone~ 我上星期五已安全到達香港嘞!

雖然我幾日冇update 個blog，不過多謝各位新舊blogmate 仍然keep 住入來留言，令"V女廚房"仍未比人踢出Canon 人氣榜!

我返香港前睇唔啱net book，所以暫時我都唔可以隨時上網~ (我而家喺Pacific Coffee! ) 我會喺香港留意吓，希望睇啱買到net book 的話，就可以keep 住update 個blog，因為情況有變既關係，我而家最快要4月頭先會返英國!

各位留咗言問有關煮食 / LV問題既網友，我一有機會上網，我就會盡量回覆~ 其他未回覆既，唔好意思~ 可能要大家等等或遲少少先回答到大家!

P.S. 各位香港網友~ 如果喺街上見到我的話，話聲我知啊!  妳地認得我，我唔認得妳地嘛~~~~