竹蒸籠的處理和保養

竹蒸籠透氣性良好，用來蒸煮食物，散熱慢可保持食物溫度，
又可以吸收過多水蒸汽，防止倒汗水，
令包點或點心皮唔會因為吸水而變淋變爛，保持最佳口感~ ^^

韓國Eiffel Freshpack Pro Easy 食物抽真空機 (英版三腳插頭)

原本對Sous-vide (真空低溫烹調)無乜興趣，
不過有Miele 可以做到Sous-vide 效果，玩 / 學多樣野無壞~
問題在於食物抽真空機 - 通常都大大部好阻訂!
做咗一輪research，依部韓國Freshpack Pro 應該係暫時最細部最唔阻訂，
一卷保鮮紙咁上下size 就已經做到抽真空效果，唔洗特登搵地方安置佢~

浸發水魷方法

水魷 - 水發魷魚，即係凍肉舖有售...打邊爐地方有供應...或車仔檔咖喱魷魚果d~
我來咗英國咁多年，縱橫各個city 大小中超亞超...完全無見過水魷!
不過要喺英國食到水魷係絶對有可能! 因為可以自己浸發~ ^^

二人世界鹽板燒 (2015年3月22日)

想買喜瑪拉雅山粉紅鹽板好耐嘞! 
不過之前喺英國唔多覺有得賣; 返香港買...塊野咁鬼重浪費行李磅數......
早排終於比我喺愛丁堡一間廚具精品店見到，
但細細塊只夠位燒幾隻蝦仔都要成£50...慳家孤寒賢妻緊係唔捨得啦!!

減少浪費! 蒜頭、薑和辣椒的存放方法

唔知大家有無遇過以下情況呢?

 

喺英國超市買蒜頭，有散裝單一個或一pack 幾個，不過散裝蒜頭通常都甩皮甩骨，
蒜瓣乾爭爭無香味兼十次著咗十一次已經標綠芽，賣相食味俱劣! 
相反pack 裝蒜頭就圓碌碌實谷谷好飽滿，搣開蒜味十足又多汁，非常新鮮~ 
所以我一定會買pack 裝蒜頭!

淮山杞子花膠粟米煲鵪鶉 (先蒸後浸發花膠方法)

鵪鶉素有"動物人參"之稱; 花膠滋陰養顏; 杞子養肝明目; 淮山健脾補肺; 再加埋清熱袪濕既粟米，一個營養豐富滋補靚湯! ^^

二人世界自家韓國燒烤 - 2015年1月11日 (無煙室內燒烤盤開箱文)

我 + Mr.T 都好鍾意食韓國燒烤! ❤ 不過......

- 喺英國有食過正宗好味既韓燒，不過喺London, Birmingham + Manchester;

- 以我所知Glasgow 都有一間有得食韓燒既韓國餐廳，Edinburgh 亦有分店~ 依間韓燒餐廳既前身都係韓國餐廳，我幫襯過，侍應態度差不特止，我仲喺石頭飯裡面好誇張地發現"埋葬"咗一大咋碎頭髮! (係一咋而唔係一條!!) 而家餐廳雖然改咗名，但我懷疑班底係同一班人，所以改名後我一直無幫襯過，亦唔打算幫襯!

有營紅米飯

我係一個無飯不歡既飯人來! 如果無飯，就算滿枱佳餚我都食唔落......
早前返香港喺素菜餐廳食過一個紅米炒飯(網誌)，原來紅米咁好食架!
上網research 一輪，發現原來紅米仲好有益， 最近我 + Mr.T 開始食紅米飯~ ^^

谷類所含有既營養素，集中分佈喺胚芽 + 谷表皮，
不過我地平日食既白米係經加工反覆打磨既精米 - 胚芽 + 表皮已被打磨除去，
因此白米提供人體既係熱量，而唔係營養，
所以要吸取米既營養素就要食保留胚芽 + 表皮既糙米! 紅米就係糙米既一種~

開箱文: Miele DG6010 獨立式蒸爐

知道Miele 依個蒸爐已經好耐......
但之前一直無見過實物，無乜興趣所以無特別留意，
當時我只係覺得: 用來蒸野...咁既價錢係咪太誇張呀?

朋友用緊台灣名產大同電鍋讚不絕口! 
據聞每個台灣煮婦都有一隻大同，
我知道香港有三腳插頭既大同電鍋賣，
所以本來打算喺香港時抬一隻大同過來~

殊不知有日我同Mr.T 入去油麻地永安避雨，
無聊逛逛家電部，見到DG6010 做緊demonstration.......
睇完之後雖未算驚為天人，不過足以引起我既興趣，連Mr.T 都覺得唔錯!

開箱文: Bella Casa Digital Food Dehydrator (風乾水果乾)

其實好多年前我已經想買食物風乾機!
當年依種機仲未好似而家咁流行，
我喺一個歐洲家電網第一次見，先知道有部咁既機，
牌子已經唔記得，只記得當時賣得好平，
大約£25左右，因為平，當時真係打算即買......
不過因為部機係2腳歐洲插頭，最終無買到!
加上普通焗爐只要調到最低溫50C，
都一樣可以風乾食物，於是買風乾機既念頭擱置咗~

近年開始流行自己風乾食物，風乾機越出越多，
唔同牌子、價錢、款式、大小、功能......花多眼亂~
除此之外，另一樣令我買風乾機念頭重生 - 就係我d鼠鼠嘞!

紅銅鍋 Copper Pot (附簡易清潔銅鍋方法)

多年前因為貪靚扮pro，擁有慾作崇買下第一個紅銅煲仔，
發現無論傳熱保溫都甚正! ❤
 
最近搵到心水完美炒鑊De Buyer，鑊已買夠，告一段落~
又輪到我條煲癮蠢蠢欲動!
考慮咗幾個星期買單柄定雙耳，終於扑咗槌......

最後買咗個雙耳...Mr.T 話雙耳煮完野直接放上飯枱靚好多，
單柄放上飯枱會好阻訂喎~

如何煎出漂亮又美味的格格牛扒

同blog友 傾開煎牛扒既問題，順便喺度分享一下~
Mr.T + 我都係牛魔皇來!
以前讀書時唔多講究廚具，一隻炒鑊走天涯，
煎乜炒乜都係用佢...煎牛扒都唔例外;
後來改用咗有坑紋既grill pan，一用即時愛上咗~ ❤
再後來轉用cast iron grill pan，
從此煎扒真係非用grill pan 不可，
因為用grill pan 煎牛扒 + 用平底鑊來煎，
分別實在太太太大!!

尋找完美炒鑊最終點 - De Buyer Mineral B Element Country Frypan

阿V入廚十多年，閱鑊無數!
由當初唔太講究既IKEA 易潔鑊，
花完一隻又一隻，剩低大咋雞肋玻璃鑊蓋......
到後來甚麼生鐵鑊、鑽石鑊、雲石鑊、陶瓷鑊...又買落一大堆，
為既只係想尋找一隻無火煮食，可煎可炒， 
堅固耐用但唔可以太重，
我幼小手腕可以承受得起，
兼最好有鑊氣既終極好鑊~
今日我要宣佈 - 我終於搵到了!! (感動~)

開箱文: 黑鼎以外的另一選擇 - 法國De Buyer Mineral B Element 無塗層永久不沾鐵鍋 (附開鍋 + 試用過程)

最近有隻叫做"黑鼎"既台灣不沾鐵鑊好紅， 
睇完網上demo 後攪到鑊痴阿V心思思，
奈何此鑊不售海外.......
經我一輪網上明尋暗訪後， 
我發現咗一個有180多年歷史既法國鍋具牌子 - De Buyer~
(法文! 發音"Dee Bou yeh"~)

De Buyer 一樣有生產鐵鑊， 而且無論外型 + 造材 + 用法都同"黑鼎"一樣，
一樣係鐵鑊，一樣全無塗層，一樣係永久不沾!
觀乎網上用家對De Buyer 一致好評後，
急不及待叫Mr.T 即日訂一隻比我!!!

棉花糖機 (附彩色砂糖做法)

其實唔好甜食既我，
從小到大都幾鍾意食棉花糖，
貪佢輕飄飄，甜味似一陣霧，唔會太甜~

又其實我好鍾意棉花糖果種淡淡既粉彩色，
不過弊在街賣有顏色既棉花糖多數係有flavour，
e.g. 紅色係所謂既士多啤梨口味，
但對我來講係藥水味! Yuck~
所以我從來只食純白色原味既棉花糖......

民間智慧

其實已經係早排既事，
不過阿V從少一直覺得好神奇，
所以想分享一下!

Philips AirFryer 用後感

Philips 依部AirFryer 其實已經出咗好耐，
阿V之前都心大心細咗無數次，
不過我一直覺得佢個設計實在太醜樣而卻步~
後來發現依部野原來有黑色，
我認為黑色好樣少少(but not much)，
但價位一直高企初出時要over £200，
後來減咗少少都要£180，
佢靚仔就話啫...佢都唔靚仔又咁貴我就唔捨得架啦!

夏日環保驅蠅法

今個夏天蘇格蘭天氣勁好~
好到整整一星期日日30C兼大太陽，
雖然蘇格蘭夏天好可愛，無香港果種潮濕翳焗，
不過因為無冷氣，好多時喺室內齋坐喺度唔郁都會標到一身汗，
所以一定要開窗!

但問題來嘞..........
任你屋企幾乾淨都好，英國夏天只要你開窗，
就一定會有討厭既烏蠅飛入來抖涼!
就算你好刻制咁只打開一條罅仔，
佢地都會搵到位爬入來......尤其廚房更加係重災區!!

不過唔開窗真係無可能!
(冬天唔開窗都唔得啦! 莫講話30C既夏天......)
唯有唸d方法趕走d烏蠅!!
網上搵到2個方法同大家分享一下..........

檸檬 + 丁香........
將檸檬切半後插滿丁香(cloves)，放喺窗前，
大概烏蠅唔鍾意依種味道，所以唔敢飛近~

鹹魚蒸肉片 (附梅頭和柳梅的分別)

新玩具 - Chocolate Melting Pot ‧ 附生日朱古力牌做法

早幾日幫99朋友整完生日蛋糕後(網誌)，
我意識到我需要一個Chocolate Melting Pot!
說時遲，那時快........

我已經買咗個返來嘞!!