繼蛇蟲鼠蟻...蜂蛹蠍子和味龍...之後

好多人都知道阿V + Mr.T 鍾意試另類食物 (當然一定要合法既!)
蛇、蜂蛹(昆蟲即係蟲啦)、鼠依d一早已試過 (網誌); 
之後又試咗蠍子、和味龍、竹蟲 (網誌)......

長洲平安馬卡龍

唔係Ladurée...唔係Paul Lafayet......
阿V整個童年喺長洲渡過，以前細個時只有一年一度既太平清醮，
先有機會見到依個平安字樣出現喺平安包上面~
不過近十多年，依個平安字樣已經成為咗代表長洲既標誌，
無論幾時去到長洲，都會見到大量平安紀念品.......
Cushion 公仔手機繩鎖匙扣散紙包t shirt 棉花糖...甚至係假既膠平安包(!)
喺長洲隨處可見，阿V今次返香港，就發現咗依粒......
平~ 安~~ 馬~~~ 卡~~~~ 龍~~~~~

提子

提子係咩野味既呢? 提子...咪係提子味囉.......
錯! 係棉花糖味 + 熱帶生果味至啱! XDDDD

新口味...芒果青檸利賓納

我好少飲紙包裝或樽裝即飲既利賓納，不過我就幾鍾意飲傳統溝水濃縮利賓納~
由細飲到大都係經典深紫紅色黑加侖子味.......

Häagen-Dazs 限量版柑橘柚子雪糕

阿V唔好甜又唔好雪糕雪條，
基本上唔係熱得好緊要既話，我都唔會食雪糕飲凍飲!
偶一為之亦唔會話上癮 + 變到好鍾意......

買野食...食...食...

天氣凍咗，胃口似乎特別好! 幾乎每晚食完晚飯後都為食食宵夜......
咁當然要入定大咋宵夜食物啦~~~~~ ^^

Airfryer 氣炸蝦片

無意中睇到一個英文blog，發現原來Airfryer 可以用來炸蝦片!

綠色可樂 - Coca Cola Life

唔好甜既我一向好少飲汽水，連出街食飯都只會點清水，
可口可樂其他口味e.g. cherry, lemon, lime, vanilla, black cherry vanilla......
我通通都無試過! 不過唔知點解一見到依枝Coca Cola Life 就好想試吓!

依枝綠色可口可樂都唔算係新產品，
因為舊年喺阿根廷 + 智利已經有得賣; 
今年8月喺英國 + 9月喺美國、墨西哥 + 瑞典都會正式推出市場~

三條新菜

愛丁堡市中心每個星期六都有一個Farmers' Market，
規模唔算好大，不過賣既都係新鮮有機蔬果鮮肉海鮮蛋奶，
Mr.T 星期六返office 半晝，我多數會搭順風車跟埋去愛丁堡，
順便逛逛Farmers' Market 等佢放工~ 

棉花糖機 (附彩色砂糖做法)

其實唔好甜食既我，
從小到大都幾鍾意食棉花糖，
貪佢輕飄飄，甜味似一陣霧，唔會太甜~

又其實我好鍾意棉花糖果種淡淡既粉彩色，
不過弊在街賣有顏色既棉花糖多數係有flavour，
e.g. 紅色係所謂既士多啤梨口味，
但對我來講係藥水味! Yuck~
所以我從來只食純白色原味既棉花糖......

越南酸肉 Nem Chua

我小學時代V媽媽舖頭斜對面有間越南餐廳，
有一種一抽抽吊起，用油甘葉包紥成圓條狀，
外型似迷你粽，打開似豬肉腸既即食小食，
叫做Nem肉 (越南酸肉)~

山羊奶

早排睇電視，得知山羊奶比牛奶有益，
咁啱見到超市有得賣，好奇買咗一包來試吓......

經典口味 - Peanuts in Coke

早幾日我 + Mr.T睇到網上一篇article，(原文)
介紹依個我地未見過又未聽過既食法，覺得幾有趣!
好奇驅使下我地又有樣學樣要試吓........

Gressingham Duck Sausages with Apple & Honey

上次第一次整咗4隻法式油封鴨腿，
食哂後想再整，但足足3個月都見唔到超市有鴨肶賣!

神奇冬甩Krispy Kreme

Want one?

Krispy Kreme 係美國一間出名doughnut shop~

聽聞曾經喺香港開過好幾間分店，

後來好似清咗盤，而家仲有無我就唔知嘞......

蘇格蘭呢係無Krispy Kreme 既，

英國既分店全部集中哂喺南下~

好鬼難食既......

為食既我基本上好少會覺得一種食物係難食，

極其量我只會覺得唔好食既啫~
不過今次我試咗一樣我覺得超級難食既食物，
難食程度堪稱恐怖!!!!!!!!!!!


就係Jellied Eels (鱔魚凍)!
Jellied Eels 源於17世紀後期倫敦，
為當時一種營養豐富且價廉既食物，
時至今日已成為有代表性既倫敦小食~

Old Cotswold Legbar Free Range 粉藍雞蛋

上星期喺Waitrose 買依盒Old Cotswold Legbar free range 雞蛋，真係好好好好食到不得了!!!!!(* Old Cotswold Legbar 係一種英國品種既雞。)

我的心水蛋卷王

蛋卷我其中一樣我間唔中先會食一次既食物~


對於果d我間唔中先食一次既食物，

我食慣咗某一個牌子就好少會去試新野試新牌子......

因為當我一試新野，多數就係我瀨野之時!

 多年來我食親蛋卷都係買精記蛋卷王~

神秘海外版出前一丁 - 五香鴨肉麵

以前做學生時一個人住，出前一丁我係一箱箱咁抬返屋企既，而且幾乎買親都係麻油味!

令我心悅誠服既Himalayan Pink Salt (喜瑪拉雅山粉紅鹽)

我覺得自己對食野好有要求......

我所講既有要求，並非指要食好野貴野 ，而係我有一套自己既標準去介定食物好味與唔好味! 

只有自己味蕾覺得係一種享受既食物，我先會將果樣食物歸入"好味類";

簡單來講我既口味絕對唔會隨波逐流  - 即係唔會人地話好味，我就話好味!!

例如:

 人人激讚幾香脆幾好食既X仔土匪雞翼 - 我根本完全唔覺得好食!

 人人勁讚香濃幼滑既北海道3.6牛奶 - 我完全感受唔到人地口中既香濃幼滑!

咁其實係咪我既味蕾異於常人呢?

Well~ 我唔知其他人係點，不過我就形容自己係"味蕾敏感度高"!

2個實例:

(1) 有次返香港V媽媽買咗枝大號余X益辣椒醬，平時食慣細樽裝既我食咗一啖大號裝後即時覺得味道唔同咗!  但V媽媽就覺得味道一樣......

後來有次V媽媽向賣辣椒醬既雜貨店老闆提起依件事......

老闆: 妳個女真係識食嘞! 係呀~ 大樽裝交比食肆架嘛，味道係淡d無細枝咁好味架!!

(2) Mr.T 曾經因為我自誇"味蕾敏感度高"兼笑佢"味蕾遲鈍"，佢為咗剝我棚牙，特別買咗全脂奶 + 脫脂奶，仲有2個唔同牌子既蕃茄忌廉罐頭湯來向我進行測試......

結果係 - 我pass with flying colours!


全脂奶 + 脫脂奶 - 依個根本零難度; 蕃茄忌廉罐頭湯 - 我可以準確地講得出邊碗係咩牌子! Mr.T 剝牙失敗!!

 講咗咁耐，依篇既主角終於都出場嘞......

 早前好奇下買咗依枝喜瑪拉雅山粉紅鹽~

見到網上有用家大讚點點點幾幾幾咁好味.....又話可以將食物味道提鮮，仲可以降血壓 + 排毒......小小粉紅色既鹽粒都相當神乎其技喎!!

試過之後......

Well~ 係咪真係降血壓 + 排毒我就唔知 ，不過我覺得食味方面真係比我平時用緊既海鹽好味好多!

大家可能會話: 唓~ 鹽咪得個鹹字!! 可以幾好味呀? 

感覺依家野，有時用文字或說話真係好難去形容既，真係要自己親身試過先至感受得到......

唯一比較容易去形容喜瑪拉雅山粉紅鹽 - 只要用少少，味道已經好突出!


依枝仔令我心服口服既粉紅鹽其實好鬼貴 - 25HKD / 80g;

我而家用緊既餓姦力大西洋海鹽只12.5HKD / 250g......

足足貴6倍有多!!!!!!!!

其實我一向都好少用鹽，鹽多數只煲完湯後用作調味......

(醃鹹蛋 + 整燒肉依d就例外啦! )

雖然喜瑪拉雅山粉紅鹽貴，不過我會繼續買，但就只會用作煮好餸菜後調味;

煲湯依d粗用動作，繼續用返大西洋海鹽啦!