有一年聖誕返香港，一晚到一位uncle 家中作客BBQ，唔知uncle 喺邊度整來一隻果子狸紅燒炆咗一大煲，其他人以為我會唔敢試......
但我反而食得津津有味! 舊年返香港時我好想試下牛鞭!
不過無時間去搵來試，希望今次返香港會有機會試啦!! 
有一樣野我一直好想試......
就係蟲蟲嘞!!
Weekend 行街時發現St Enoch Centre 開咗間細細Harvey Nichols 食品部......
買咗2包仔試吓......
依2包仔野真係好鬼貴 - 每包得果d屎，承惠£2.95 each!! (每包37HKD
)
試食開始......
只係平平無奇又無咩味道既脆卜卜......
店裡面其實仲有一樽炸螞蟻，不過要£26一樽
......睬佢都傻! >>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
其實我地今次唔係第一次試食蟲蟲!
(其實係唔比影相既! 不過果個人行開咗一陣~)
答案係......................
‧
‧
‧
‧
‧
‧
‧
‧
‧
‧
‧
‧
米奇!!!! (佢個樣好安詳~~~~ 
)咪以為好核突喎，其實個煲好好味架!
不過條尾d肉又少又實好難咬......
蛇蟲鼠都試過......
唔知幾時有機會試蟻呢?
.......頂你唔順喇 !.......
回覆刪除[版主回覆11/23/2010 22:30:00]有求先有供啫~ 人地開店做生意，即係有客人啦 - 我 + Mr.T 就係佢地既客人嘞!
我就一定唔敢放入口 !
回覆刪除[版主回覆11/23/2010 22:29:00]我仲有好多另類食物好想試!
嘩, 好驚呀...食米奇
回覆刪除[版主回覆11/23/2010 22:28:00]米奇其實好好食架!
妳真係好大膽,米奇都敢食~~
回覆刪除[版主回覆11/23/2010 22:27:00]其實個煲望落似雞煲之嘛! 米奇好好食架~
那種老鼠?田鼠還是坑渠老鼠...不過妳都係好夠膽,因為兩種我都唔敢食.
回覆刪除妳對這些有興趣,返hk時一定要上大陸,甚麼古怪的都有得食.
另:最頂那行符號是甚麼?
[版主回覆11/24/2010 00:00:00]我唸唔會有正常人會食坑渠老鼠吓哇!!?!? 其實無咩話唔夠膽，豬牛羊咪又係動物一樣咁食落肚! 佢地餐牌有個名唔知咩鼠，不過我唔記得咗.......
對我來講除咗屎尿、小強....總之係有害食咗會有病會死人既野之外，有人煮得出既野我都夠膽食落肚! 唔試過點知好唔好食呀?
上面果行係字來喎! 妳見到亂碼咩?
點解Mr.T夠膽食D虫虫,但就唔食內臟呢??
回覆刪除[版主回覆11/23/2010 23:53:00]佢覺得內臟核突 + 唔好食囉!
Mr. T and you have guts to try these things. For me, sorry, I will not go to these restaurants.
回覆刪除[版主回覆11/24/2010 00:50:00]heeeheee~ i dont think they are scary! actually they taste quite good!!
阿V,
回覆刪除咁如果比你係大陸見到有猴子腦,你夠唔夠膽食呀 ? 我曾經睇電視見過....用左來煲湯...
以前我見過深水埗大埔道近太子, 有個伯伯賣"和味龍"呀(小販來的),而家唔見佢 lu
[版主回覆11/24/2010 02:39:00]嗱~ 其實除咗材料之外，我仲要睇埋點煮! 如果係生既我就緊係唔夠膽啦! 不過如果用來煲湯，其實應該同豬腦差唔多啫~ (話時話我都未食過豬腦，又係好想試! )
而家好少人敢食依d野，我唸阿伯伯應該執咗笠好耐.......
死囉, 你食老鼠? 還是田鼠來傢咋?!
回覆刪除我只係食過東蟲草, 都算係蟲啊..
[版主回覆11/24/2010 02:34:00]餐牌上面有講咩鼠，不過我唔記得咗!
冬蟲草我好鍾意食架! 好鍾意爽爽脆脆既質地~
...仲以為係蛇...我太天真~哈哈~ 你同你老公食蜂蛹時你著個件tee好應景牙~ "dont be jealous", its fine我唔會jealous~哈哈~ 我其實都想試下麥皮蟲 上次睇香港新聞原來有人專養做食用蟲 聽落夠衛生~又養得肥嘟嘟~可以試下~ 不過其他...米奇...我真係嚇左跳...咪搞...~ 會令我諗起之前養既hamster~＞＜
回覆刪除[版主回覆11/24/2010 02:29:00]炸蜂蛹都不知幾好味呀! 我地連續2年去台灣都有食! 我仲有好多想試e.g. 大隻既草蜢、蠍子、蜘蛛、螞蟻、禾蟲、禾味龍.......
我以前都養過hamster，不過我覺得唔似喎! hamster 無長尾架嘛! 個米奇煲好正架!!!
你兩公婆真係勁呀
回覆刪除最後嗰煲米奇真係毛管楝呀
[版主回覆11/24/2010 02:24:00]煲米奇好好食架! 有陣好香既酒味，食落一d都唔恐怖~
你哋仲勁過啲所謂飲食節目嘅主持人!
回覆刪除[版主回覆11/24/2010 02:23:00]我覺得唔核突喎! 而且有部份真係好好食架~
呢舖你嬴左勒....Mickey真係食唔落
回覆刪除[版主回覆11/24/2010 02:18:00]米奇其實好好食架! 除咗米奇，亞兔我都啱架!
兔仔甘可愛....你竟然甘忍心 ........
回覆刪除[版主回覆11/24/2010 02:41:00]吓......如果下下都因為佢可愛就唔食，我唸我要轉食齋咯喎!
雞仔、鴨仔、豬仔、羊仔、牛仔........全部都好可愛啊~~~~
你好...我睇左你blog好耐...第一次留言...因為...你真係好勁...
回覆刪除[版主回覆11/24/2010 05:04:00]妳好荔枝冰歡迎妳! 其實都唔係勁既，要試過先知好唔好味嘛!
但係樽炸螞蟻真係好貴啵﹐ 係咪又係細細樽得幾粒架?~
回覆刪除[版主回覆11/24/2010 05:03:00]樽蟻大大地無依兩包蟲蟲咁細包! 不過個樽係白色唔透明，睇唔到有幾粒 + 幾大粒!
米奇呀
回覆刪除[版主回覆11/24/2010 05:02:00]個米奇煲好正架!
除咗 蛇羹之外~~~其它都怕怕
回覆刪除[版主回覆11/24/2010 06:33:00]上面無蛇羹喎! 得蛇湯至喎~~~
咁你會唔會試Hello Kitty 同Snoopy????
回覆刪除[版主回覆11/24/2010 06:33:00]如果喺合法既情況之下，我會試Kitty; 但Snoopy 就唔會嘞 - 因為我以前養過狗~
你真係好勇敢同好大膽吖．．．．
回覆刪除我真係無咩勇氣放呢 ｄ 嘢入口．．．．
[版主回覆11/24/2010 17:30:00]其實我真係唔覺得自己特別大膽喎! 上面果咋野對我來講只係我未試過既食物，未試過咪試吓囉~
一直有睇你個blog, 今次睇完之後真係忍唔住要留言(第一次)比你~~ 你真係好大膽呀, 我連蛇都唔敢試呀 何況d昆蟲~~ 勁勁勁
回覆刪除[版主回覆11/24/2010 17:28:00]妳好Wallace媽! 歡迎妳啊~
蛇羹 + 龜湯我喺香港時由細飲到大! 其實只要烹調得當，以上果咋食物會好好食架!
OH MY GODDDDDDDDDDDDDDDDDDDDDDDDDDDD
回覆刪除[版主回覆11/24/2010 17:21:00]heeeeheeeeeehee~~~~
好野，妳好大膽咩都敢試
回覆刪除[版主回覆11/24/2010 17:21:00]好味既食物點解唔敢試?
o...............no~~ 估唔到係鼠鼠啊~~~ 我都想試下!!! 你有冇試過雀雀啊？
回覆刪除[版主回覆11/24/2010 17:20:00]隻米奇真係好好食架! 好香酒味~~~ 若妳第日去台北都試吓吖!
雀雀我都試過呀! 我小學時V媽媽喺深水涉有檔燒臘買過燒禾花雀比我食，好好味架~
你兩公婆好適合同蔡瀾先生做節目 ^^
回覆刪除[版主回覆11/24/2010 17:17:00]蔡san 肯收我地兩公婆為徒就累飯應咯!
雖然我好鐘意食野，但你講呢d，我無一樣敢食呀
回覆刪除[版主回覆11/24/2010 17:16:00]等於每種食物有人鍾意有人唔鍾意; 或者有人敢試 + 唔敢試~ 不過要試過先知好唔好味嘛!
哇...真係勇呀!!其實見到"鼠"依個字我冇諗住入黎睇架,不過段估妳0會影生勾勾既過街老鼠比我地睇,就膽粗粗入地睇
回覆刪除果子狸真係好正架,不過自從SARS之前都未聽到有人食!!蟋蟀我應該敢試,拔!果d蟲就真係見到個樣都唔開胃 蛇湯真係好好飲架,好鬼鮮甜,之前我媽咪仲買返屋企自己燉,冬天飲一流
我最最最驚米奇但都食過...以前細個每逢假期都返大陸同我三姨住,因為佢嫌自己好少頭髮,唔知聽邊d人講話食田鼠就會生髮喎!!佢就會去買幾隻返黎煲湯飲,仲要叫我飲,呃鬼我話係雞湯!!我食完脾仔飲埋湯我阿姨先話返比我知岩岩果碗係老鼠湯....
[版主回覆11/24/2010 17:14:00]我食果子狸果次應該係SARS之前，uncle 手勢真係不得了!!!
蛇V媽媽無整過，我唸佢嫌麻煩! 不過我次次返香港就算係夏天我都會食蛇羹!
我都驚米奇架! 不過此米奇不同彼米奇嘛~ 而且除咗佢個頭 + 條尾之外，個煲其他部份都睇唔出 + 食唔出係米奇!
女中豪傑
回覆刪除甘拜下風
[版主回覆11/24/2010 18:50:00]哈哈~~~ 唔洗咁誇張吓哇!?!?
以上果咋野，最正係蜂蛹 + 米奇煲~
(頭先唔小心打多咗字! )
阿 V 真係夠胆色呀 , 妳食果 d 我全部都吾敢試呀 !!!
回覆刪除[版主回覆11/24/2010 18:51:00]蛇都唔敢??
上面依咋野其實好好食架! 人一世物一世，有機會應該試吓!
蛇羹都 OK 既 , 不過蛇片及蛇湯就吾敢食啦 !!!
回覆刪除[版主回覆11/24/2010 20:31:00]Eddy 兄你咁怪既......食蛇羹但蛇湯蛇片又唔敢食? 咪又係果d蛇......
哈哈…如果你真係想買牛鞭，一定要叫牛肉販留定先有架，如果唔係佢地多數係留嚟自己食。
回覆刪除[版主回覆11/24/2010 20:30:00]我無話要買來自己整呀! 網友話咗我知元朗 + 黃埔都有得食!
你講得啱呀！ 其實樣樣動物都好可愛，如果因為可愛就唔食，我諗所有動物都唔食得！ 食唔食某種動物or食物只係個人喜好，冇對與錯！我地眼中恐怖啫，喺人地眼中可能係美食！ 其實你上面講o既大部份嘢我都食過，除咗蟲蟲同蟋蟀反而未有機會試！我以前成日去大陸出差，啲客請食飯都會有好多另類o既嘢，盛情難郤下都試埋唔少，包括蝎子、和味龍、禾蟲、竹蟲、生o既沙蟲、蠶蛹、黃蜂蛹、野豬、果子狸、鱷魚、 貓頭鷹、田鼠、賓尼(兔) 、老鼠酒、仲有好多種不同o既雀，連熊膽、 穿山甲、kitty同snoopy都喺好耐好耐之前喺我唔知情o既情況下食過 ！不過近年因為支持保護野生動物同物種，依家只會盡量食養植o既動植物，野生o既就可免則免啦！
回覆刪除[版主回覆11/25/2010 02:41:00]咁野豬、賓尼、鱷魚我都試過!
人一世物一世，有人煮得出既我都希望有機會試吓! 唔試過點知好唔好食呢?
WOO~你好勇~
回覆刪除[版主回覆11/26/2010 00:36:00]我根本唔覺得上面果咋野核突 / 恐怖~
米奇其實係田鼠掛，只要吾係溝渠老鼠就ok啦
回覆刪除[版主回覆11/26/2010 00:36:00]佢餐牌上有個名叫唔知咩鼠，不過我唔記得咗~ 如果係田鼠咁易記我就唔會唔記得!
妳真係好勇呀
回覆刪除[版主回覆11/26/2010 00:33:00]其實上面果咋野都唔恐怖，好好食架!
麥皮蟲會唔會雀仔街嗰啲又平又新鮮啲喎 蛇OK，田鼠都OK，蟲蟲我怕怕呀
回覆刪除[版主回覆11/26/2010 01:53:00]話明雀仔街，果d緊係比雀仔食架啦! 我食果d要喺"人仔街"買就差唔多!
有網友話我知"和味館"有蟲蟲食! 我打算同Mr.T 試吓~
嘩~~~~我沒用...我怕怕...驚ing = =汗
回覆刪除嘩~~~~~~~~~你真係好勇呀,我真係好怕!!
回覆刪除咁你有冇食埋個Mickey頭?
回覆刪除[版主回覆12/09/2010 21:25:00]無~ 米奇個頭無咩肉既!
嘩, 老鼠都妳食 ~~~ ~你係我偶像la~~~ 大陸有 BB胎食你夠唔夠膽食呀 ?
回覆刪除[版主回覆12/13/2010 00:36:00]豬牛羊雞鴨都食得，點解老鼠唔食得呀?
我係好為食 + 好好奇，不過我有道德底線! BB胎唔係夠唔夠膽食既問題，而係關乎人性 + 道德既問題! 我知道有人真係會食BB胎，不過我自己唔會!
昨晚看本地新聞，有人捉了一條成15呎長的大蛇，大過上圖看門口那條，本地人不會吃蛇，不懂吃又嫌麻煩煮，所以佢地話賣去比中國人餐館，因為中國人乜都食喎！
回覆刪除Would you ever eat dogs and cats?
回覆刪除[版主回覆03/30/2012 10:55:39]i would not cos it's illegal.