腳

關於我地對腳......


我對腳經常令我好鬼感動 - 感動因為Mr.T 好鍚我~

我對腳好鬼巴閉架!!

佢地抽筋時，Mr.T 會幫佢地按摩，按到唔再抽筋為止;

佢地凍冰冰時，Mr.T 會自告奮勇掀起自己件衫，讓佢地可以用Mr.T 個肚腩取暖;

去親旅行都會行好多路，每次我都會磨到兩腳腳踭後面甩皮流血，Mr.T 會喺鬧市大街大巷踎低，幫我腳上既傷口貼上藥水膠布~

前晚食食吓飯老公對腳喺枱底feel 到我對腳好凍......

老公: 哇Honhon~ 妳對腳咁凍既!

我: 係呀~ 頭先喺廚房煮飯嘛 ，而家飲咗兩啖湯開始慢慢暖返嘞!

老公突然放低碗筷，捐落枱底幫我著返我對毛毛靴拖鞋!
腳未暖，我個心已經先暖~~~~~~

有次同老公一齊睇"The Girl Who Leapt Through Time"(超越時空的少女)......

 故事中既少女可以隨意重返過去!

我 + 老公一路睇路傾閒計......

老公: Honhon~ 如果妳可以好似佢咁返去past，妳會唔會change anything?

我: 會~ 我會將以前對你做過 + 講過所有衰野收返囉.......

老公: 傻妹~ 如果我地以前唔係一齊experience 過咁多野，可能我地而家唔會咁strong 呢!

聽到老公咁講我好鬼感動!   氣氛即時變到好浪漫好sweet~~~ 柔情蜜意一下子湧上來......

我: Honhon~ 咁你下個life 仲想唔想同我一齊呀?

老公: 緊係想啦!

我: Even 我好似今世咁折磨完你一大輪然後先鍚返你，你都想?

老公伸出手指尾同我打勾勾，約定下一世都要喺埋一齊......

  老公: 就算下一世好似今世咁 - 我 + 妳喺唔同地方出世，都一定要搵返對方!

依一刻我真係冧到暈咗咁滯~~~~

老公: 不過我唸妳搵我會容易好多!

我: 點解呀??

老公: 妳成日叫我做"大臭腳"，咁妳可以跟住我d腳味去搵我嘛!

就係咁...一個原本好浪漫既moment，比Mr.T 依個爛gag 皇徹底破壞咗!!!!!!