2008年7月31日星期四

2年前既今日......



2年前既7月31日,係我 + T生英國既婚禮 - 只係擺酒~ 之後喺香港正式註冊! 話就話係我地既婚禮,但實質上係老公屋企人既俾面派對! 而且我完全唔鍾意當日既髮、化妝......老外攝影師又影到我好鬼矮!!!! 果日既天氣同今日完全一樣 - 天陰陰但好彩又冇落雨喎........

二人世界的三餸一湯 - 7月30日 (附食譜)



粉葛赤小豆扁豆煲排骨; 梅子蒸雞; 蟹柳炒蛋 & 蒜茸菠菜

天氣持續熱 + 焗~~~~ 

梅子蒸雞


2008年7月30日星期三

二人世界的三餸一湯 - 7月29日 (附食譜)



粉葛赤小豆扁豆煲排骨; 梅菜瑞士汁炆腩肉; 清蒸黑線鱈 & 炒菜芯

最近天氣超級好~ 可能係我來咗英國咁耐,天氣最好既一個夏天! 最近朝朝早起同老公去拍拖食早餐~~~  不過一到晏晝就大太陽到一滴風都冇,連食都唔想食,更莫講話煮飯!!!! 連懶幾日冇煮飯...........


梅菜瑞士汁炆腩肉


清蒸龍脷魚


基本上我清蒸乜野魚,過程都係一樣~~~~~

破財

正所謂"無事出街少破財"~ 原來上網都一樣果喎!!! 我一向都有上網買衫既習慣,但最近因為經濟唔好,通街都大減價,所以已經有一排冇上網買過衫~~~~ 尋日上網搵緊對gladiator sandals,不過搵唔到,但就另外買咗d野.......


 好鍾意依條裙呀~~~~~ 

2008年7月28日星期一

新書 - 黏土的袖珍世界(2)美食篇


月頭order 既新黏土書終於都收到嘞!!!! 等足成個月係因為order 裡面有DVD 未出要預訂,所以等鬼咗咁耐.........

The Dark Knight...睇咗嘞! (7月25日)


Wow! It's the best Batman movie ever!!!! 好彩早一個星期上網book 咗飛,如果唔係星期五晚去到IMAX 唔洗旨意買到飛!!! 因為太多人,所以唔准隔位坐,咁大間IMAX 都爆滿喎! 我地早成半個鐘去排隊,都要坐最前第三行..........


2008年7月25日星期五

車厘子樹


雖然已經搬咗來依度快4年~ 但我今日先發現原來我仍然唔係好熟悉屋企附近周圍既環境!!!

二人世界的燒雞 - 7月24日 (附食譜)



V's 迷迭香檸檬蜜糖燒雞

尋晚燒咗原本打算前晚燒既雞~ 依個100%係我自己創既食譜,所以要加埋"V's"落去個大名度!!! (哈哈~ )

V 之迷迭香檸檬蜜糖燒雞 (V's Roast Chicken with Rosemary, Lemon & Honey)


2008年7月24日星期四

二人世界的簡單晚餐 - 7月23日 (附食譜)



羅宋湯螺絲意粉 & 香草蒜茸包

終於都一雪我多年既恥辱嘞!!!!!! 我唸最少有7、8年前......


一個人既超簡單lunch‧A貨烏冬廚神 - 7月23日



雞蛋湯烏冬


羅宋湯


2008年7月22日星期二

二人世界大舊牛 - 7月21日 (附食譜)



燒牛肉伴迷迭香紅酒肉汁; 約克郡布丁 (Yorkshire Puddings) & 灼西蘭花


女校生怪談

九龍塘有一間band 1女子中學 (係邊間唔洗講嘞啩!),我就係喺果度渡過咗我既中學生涯...至F4就來鬼咗英國嘞!

先略略講解一下當時校舍既地形...
學校其實係位於小斜路之上,
所以隔離既火車站比校舍低咗落去。
(講到咁白,真係唔洗講邊間嘞啩!!?)

當時校舍連埋天台總共有6層,
學校入口 - 即有操場 + 禮堂果層係第三層~ 操場+ 禮堂以上 + 以下又各有兩層~
不過我地會稱操場(入口)果層為"地下";
上面兩層為"1樓" + "2樓" - 全部都係課室;
下面兩層為"地下室"~



2008年7月21日星期一

仲未睇既"The Dark Knight"


期待已久既"The Dark Knight"(黑夜之神),24號終於上畫嘞! (尖叫:Christian Bale~~~) 同老公一早講好咗要去IMAX 既超大銀幕睇,所以上星期即時上網book 定25日既飛!


Glasgow River Festival (7月19日)


星期六係一年一度既"Glasgow River Festival"~ 喺River Clyde 既兩邊有好多活動~~~


2008年7月19日星期六

二人世界的日本餐 - 7月18日 (附食譜)


照燒雞扒湯烏冬; 雜錦壽司 & 日式涼拌青瓜

我 + 老公一向都鍾意食照燒雞~ 不過整就係第一次整! 好成功喎!!! 同街食到既一模一樣~~~ 今次係跟舊年去台灣時買既烹飪書來整,估唔到咁容易喎.......

日本 - 照燒雞扒 (Teriyaki Chicken)


2008年7月18日星期五

二人世界的一湯一粉 - 7月17日 (附食譜)



雞蛋蕃茄免治牛肉湯 & 燴豬扒意大利粉


我 + 老公都好鍾意飲依個湯~ 可湯可餸...一滾起上來仲好鬼香!!!


燴豬扒意大利粉


2008年7月16日星期三

二人世界的葡國雞 - 7月15日 (附食譜)



我對葡國雞既印象只限於喺香港快餐店食過既午餐A or B~ 但我就好懷念果隻味道! 不過老公一向唔鍾意椰汁味 (其實我都唔鍾意~ 不過少少就冇所謂!),之前又唔知邊度有黃薑粉賣...所以咁耐以來都冇整過葡國雞~ 有次我無意中發現,黃薑粉 / 薑黃粉英文係"Ground Turmeric"~ 我又記得好似喺超市見過...於是就買咗返來嘞!

2008年7月15日星期二

澳門 - 葡國雞


如果只係整比自己食,我會用有骨雞脾! 但老公嫌有骨麻鬼煩 (其實麻煩果個係老公!!),所以我唯有將雞脾去骨~~~~

二人世界的三餸一湯 - 7月14日 (附食譜)



蓮藕鱆魚排骨湯; 咖喱牛腩; 薑蔥炒鮮魷 & 椒絲腐乳通菜

I am such an idiot!!!! 明明擺咗罐花奶出來 - 唸住炆完牛腩時落少少...點知唔記得咗!!! 仲要食完飯先醒起.......
 
不過好彩都好好味~ 老公不停咁夾 - 夾哂d牛腩! 薯仔掂都唔想掂......

咖喱牛腩 (懶人Version)


叫做"懶人Version"係因為咖喱汁係用現成罐頭~

椒絲腐乳通菜


蓮藕鱆魚排骨湯


2008年7月14日星期一

一見鍾情~~~ (7月13日)


尋日7月13日(星期日),喺Fort 又見到有保護貓頭鷹既慈善機構~ 佢地不定期會喺各大商場 + 人流多既地方籌款 - 只要付出£2.50,就可以喺眾多唔同品種既貓頭鷹中,選其中一隻來合照!! 所得款項係用來支付保護貓頭鷹既經費。其實我都見過佢地幾次,不過次次都因為人多圍觀,加上我一向對雀鳥冇乜興趣...所以之前冇點留意過...........

燒肉插



為咗下次整燒肉時令豬皮更鬆脆,尋日特登去中英行買咗個燒肉插,希望下次整出來既燒肉更加好味! 不過唔知我買得啱唔啱呢?? 係咪依個呢???? 有時我覺得 - 為咗其中一個煮野食既步驟而特登買一個工具返來...而果個工具又只有一個用途的話......都幾麻鬼煩!!!

不過冇計啦~ 鬼叫自己鍾意煮 + 食咩????

2008年7月11日星期五

二人世界的意粉 - 7月10日 (附食譜)



香草黑椒牛扒意大利粉

好耐冇整過~ 尋日又突然想食牛肉,所以順便叫老公放工時買2塊牛扒返來~~~ 我一向少食british beef,我買親都係scottish beef - 完全唔關瘋牛症事~ 只係一向我既味覺比較敏感 - 我食得出british + scottish 既分別! 而我就覺得british beef 有陣除......


蜜月旅行相

06年10月結婚時,由籌備婚禮...到完成哂兩個婚禮 (英國 + 香港~),已經用哂老公果年全年既假期! 所以我地影婚紗相 + 蜜月旅行都係後補既.......

舊年差唔多依個時候 - 6月尾 + 7月頭,我地就去咗意大利 + 西班牙2個星期補渡蜜月~ 依2星期裡面,我地影咗過千張相,全部係用同一部相機 + 同一張memory card......不過其中3張喺佛羅倫斯影既相,就有少少古怪..........

07年6月28日,我地從羅馬搭火車到佛羅倫斯day trip,而果3張古怪相,就係我地參觀S. Maria Del Fiore - The Cathedral (聖母百花大教堂大圓頂) 時影到既。


 排隊比咗錢之後,我地就沿住又窄又暗通道走幾百級石級,走上教堂既頂部 - 大圓頂~ 基本上直至上到大圓頂之前所經過既地方都係咁既同樣......(因為窄而且遊客一個跟一個,所以就算攰都唔應該停落來抖...阻住人地嘛~~~)


2008年7月10日星期四

二人世界的三餸一湯 - 7月9日 (附食譜)



西洋菜羅漢果煲粟米; 自製脆皮燒肉; 午餐肉炒蛋 & 蒜茸炒莧菜

繼"自製蜜汁叉燒"之後,又一燒味之作,登登登....."脆皮燒肉"~~~~ 其實想整咗好鬼耐,不過一直都懶,尋晚終於都的起心肝!!! 食譜係來自N年前壹週刊 + 英國名廚師Rick Stein 既中國燒肉食譜結合而成! 

自製脆皮燒肉


午餐肉炒蛋


西洋菜羅漢果煲粟米


1 + 1/2次靈異經歷


 我同老公一向好鍾意睇恐怖片~ 但我其實好鬼細膽! 老公一定要喺我身邊我先夠膽睇鬼片,如果老公唔喺屋企,就算日頭我都唔敢睇!!! 早幾晚有晚瞓得唔好...成晚發惡夢~ 起身後先記得...原來果晚臨瞓前睇咗半套日本鬼片!!!

雖然我係無信仰...但我就真心相信佛教既道理~ 亦絕對相信鬼神之說!!! 我個就人有過靈異經驗,但唔多~ (好彩!!!) 不過我對依方面就好好奇 + 有興趣....所以特別開依版來講吓我親身 + 聽返來既經歷! Everybody~~~ 有料都可以報過我知架!!!

以下係我自己親身經歷........

2008年7月8日星期二

二人世界的三餸冇湯 - 7月7日 (附食譜)



泰式燒豬頸肉; 節瓜蝦米煮粉絲 & 煎荷包蛋

喺泗和行買咗包白菜仔本來想炒埋佢...但泗和行個死人頭 - 一拆袋發現包菜好多都係爛爛地!!! 

泰式燒豬頸肉


依個係N年前壹週刊搵返來既食譜~ 個人唔太鍾意小茴香既味道! 我又發現網上好多其他泰式燒豬頸肉既食譜 - 係冇用小茴香既........而原來食譜個汁完全唔掂 - 一d "泰味"都冇!!!! 所以我自己求其撈咗個汁出來 - 好味過佢果個多多聲!  不過依度比較難買到豬頸肉~ 所以我用普通梅頭肉代替! 但做法一樣......


節瓜蝦米煮粉絲


Hancock - 街頭超人 (7月5日)


我同老公差唔多個個星期五晚都去睇戲~ 如果果排冇新戲想睇,我地都會去租DVD或者睇吓我地有乜存貨 (買咗但未睇既DVD!)

2008年7月7日星期一

木瓜雪耳煲花生


Related Posts Plugin for WordPress, Blogger...