2008年11月28日星期五

孖T返香港2008: 預早慶祝既生日 & 早收既禮物 (11月18日)


返英國當日(11月21日)適逢老公生日,而我既生日係12月尾~ 所以V媽媽 + 2位auntie 特別秘密地提早為我地慶祝生日~~~~

孖T澳門為食一日遊2008: 澳門扑友 (11月17日)


11月17日我地去咗澳門一日遊~ 我 + 老公都唔賭錢,亦唔好賽車...澳門對我地來講 - 其實冇野玩! 不過講到食野,就真係我地既天堂!!!! 所以今次去澳門,最主要係食野 + 同網友Samchi 媽見面~~~~~

2008年11月27日星期四

孖T返香港2008: "屎"上最強餐廳 - Modern Toilet (11月16日)


06年10月第一次去台北,知道台灣有一間以"廁所"做主題既餐廳 - Modern Toilet (便所餐廳)~ 已經好想去試吓!! 不過當時只喺台南有分店; 舊年07年9月再到台北影婚紗相,知道台北西門町附近,都開咗一間所餐廳,即時去試~ 仲帶咗個用來裝飲品既塑膠尿壺返來.....

孖T返香港2008: 長洲偉記魚蛋粉 & 太古城市川日本料理 (11月15日)


之前果晚同損友們夜蒲,第二日(11月15日)遲咗起身~ 但一早計劃好入長洲探V婆婆......

孖T返香港2008: 損友飯局 - 唔多好食既潮州打冷 (11月14日)


去蒲之前緊係要食飽飽啦!

我已經好多年冇食過打冷~~~ 非常掛念"炒黃沙蜆仔肉"!!!  所以我提議去尖沙咀既"正仁利潮州菜館"打冷......

孖T返香港2008: 豐富既翠華早餐、山頂蠟像館 & 阿甘蝦餐廳 (11月13日)


有日無意中喺天星碼頭既遊客中心,攞到一張山頂阿甘蝦餐廳既廣告小冊子,成間餐廳係用電影"Forrest Gump" (阿甘正傳)做主題~ "Forrest Gump" 係我 + 老公非常鍾意既一套戲! 雖然我地已有DVD,但每次電視重播,我地都會照睇~~~ 所以我地特登搵日上山頂去試依間餐廳......

2008年11月26日星期三

孖T返香港2008: 帝京自助餐既"蛇姦" (11月11日)


11月11日~ 去完大佛食完齋...我地就即刻趕返旺角帝京酒店食自助餐~

孖T返香港2008: 一償老公心願既MOS Burger + 寶蓮寺齋菜 (11月11日)


返親香港我 + 老公都會盡量抽時間去寶蓮寺食齋!

不過並唔係因為我虔誠.....我會還神,但基本上我連佛教徒都唔算~ 因為我慾望 + 雜念都太多!
 不過我相信佛教既道理~~~

孖T去香港2008: 元氣、韓國燒烤、茶餐廳...老公話我好恐怖! (11月10日)


V媽媽習慣唔食lunch,所以陪佢食飯,就要食晚飯~ V媽媽超鍾意食韓國燒烤~ 鍾意食既程度 - 去親邊間都會變熟客! (咁你地唸吓佢食得幾密!!!) 所以依晚就同佢去佢至鍾意既銅鑼灣"金羅寶"食飯!

2008年11月25日星期二

孖T返香港2008: 扑友聚會 (11月8日)

今次返香港時間安排上比較忟水,所以唔可以同所有原本約好咗既網友見面~ 請見諒!  下次一定補返數~~ 應該唔會太耐...因為老公同我講 - 我已經攞咗居留,所以我而家幾時想返香港 + 返幾耐都可以!!!!

今次我都有同幾位喺網上認識得比較耐既網友出來見面......

11月8日我就同扑友"卡通精" + "凍檸茶"出來食飯~ 佢地都係我喺網上認識得比較耐既網友! 耐既意思係 - 我今年3月開blog 前,已喺網上認識佢地~~~

 佢地想我替佢地保持"神秘感"......

孖T返香港2008: V媽媽美食 & 鮑魚飛機餐


依盒就係我地今次返英國時,V媽媽煮比我地既飛機餐嘞! 話就話叫我同老公兩份,不過其實V媽媽都知道老公唔好鮑魚既~ 所以6隻都係我依個鮑魚精食哂!!!!! 哇哈哈~~~~~

孖T返香港2008: 老公腸胃炎 & 半夜4點既7仔宵夜 (11月5日 - 6日)

頭幾日返到香港,需要時間適應jet lag,所以除咗食之外,並冇安排任何特別活動~

11月5日: 返到香港我做既第一件事 - 剪頭髮!

一落機我已急不及待叫V媽媽call 我既"御用髮型師" - Eddy~ 事關我已整整一年冇剪過頭髮......喺英國生活多年,我仍未搵到合心水既髮型師; 加上我個人比較麻煩奄尖...除咗Eddy 之外,基本上我係唔會比其他人剪我個頭既!!! 所以我唯有實行"返香港先剪"既制度~~~

返到香港我地會stay 喺太6299既沙田村屋~ 不過我地就第一時間返太子V家放低行李後,就飛車落尖沙咀剪返個靚頭! 剪完頭髮先返沙田報到......

喺沙田係咁二食過晚飯之後,我同老公就返去V家再食過! 本來話同V媽媽出街食,不過V媽媽話唔知想食乜,所以就買咗深井出名既"陳記"燒鵝脾 + 燒肉返屋企比我地食~ (隻燒鵝脾好鬼巨型...不過我唔記得影相! )

 V爸爸買咗幾隻迷你西瓜返來~ 我地未見過依種西瓜仔,覺得好得意! 雖然咁細隻,估唔到原來咁甜喎~~~~~

Louis Vuitton Christmas Shopping Night Cocktail


3個星期唔喺屋企,返到來一開門成地都係信~ 爭d仆鬼死我!!!!!!

2008年11月24日星期一

孖T返香港2008: 超肉赤既Heathrow Terminal 5 (11月4日)

我地已經返咗英國嘞!!!! 今次短短唔夠3星期既旅程,我同老公都玩得好開心~~~~ 雖然一開始有少少"出師不利"......

不利(1): 好多網友奇怪點解我攞返passport 後,咁快就可以返到香港? 其實係因為我攞返passport 前,老公已一早請咗3星期假 - 11月3日至21日,加埋頭尾既星期六、日,足足3星期有凸! (不過我事前完全唔知老公已請咗假!) 就算我趕唔切攞返passport,依3星期假老公會照請,唸住叫V媽媽過來,可以陪佢周圍玩~~~~~~

10月30日(星期四)我一收到passport,就即打電話話比正在返工既老公知! 不過一向去親旅行,我都係慣性地坐享其成! 上至book 乜book 物,下至執行李...我都係一概不理! 我唯一會參與比意見既就係 - 去邊度旅行!  

第二日10月31日(星期五)老公放工後就上網book 機票~ 搞掂哂之後老公先話我知佢一早已請咗假...我先知原來咁快就返香港!!!!! 



2008年11月13日星期四

廚房通告 (11月13日)


哈哈~~~ 原來有網友仲未知道 / 估到我 + 老公已經身在香港喎!!!   真係唔好意思~ 因為由攞返passport...book 機票...執行李...到我地返到香港......都只係短短幾日既事! 而且老公唔想事先張揚我地會返香港......所以我並無提起!  (sorry~~~~  )

2008年11月2日星期日

唔該有冇人可以話我知......

請大家幫幫手!  請問大家知唔知......
(1) 香港邊度可以食到"牛鞭"???? 最好有詳細地址~~~ (大家唔好誤會!!!!查實係好奇既我想試~ 我唸住帶埋老公去,喺佢唔知情既情況吓氹佢落答......嘿嘿~~~~)

(2) 香港有冇乜野菜館可以食到"昆蟲菜式"e.g. 炸草蜢、炸蠍子、焗禾蟲...之類???
(3) 有冇正既上海菜館?? (最好係老字號果隻~ 新潮既大多都唔好食......)
知情者唔該麻煩報料~ Thank you!!!


2008年11月1日星期六

BBC Good Food Show Scotland 2008 (11月1日)


由尋日(10月31日)開始一連3日,喺SECC 又有一年一度既"BBC Good Food Show Scotland"~ 我地早幾年都去過BBC Good Food Show,但就唔係年年都去! 因為唔係年年都記得幾時......

Related Posts Plugin for WordPress, Blogger...