2012年2月29日星期三

忍手 (2012年2月26日)

V女廚房徹底大掃除行動已經接近尾聲嘞!
如無意外我親愛既廚房下星期可以回復正常投入運作~
(拿拿淋出埋依篇敗文就去搞掂埋d手尾!!)

女人既購物慾的確係一個無底深潭來,
敗乜野完全唔重要,
因為女人敗物既範圍,
甚至敗物既原因......都實在太廣泛嘞!

以我為例......為咗鼓勵自己快d手搞掂個廚房,
我決定大掃除後以"去舊迎新"既方法來獎勵自己咁"乖"~
見到現時廚房被我反轉哂七國咁鬼亂,
我都同自己講: 搞掂個廚房妳先好去迎新呀吓!!

不過最後我發現自己既自我刻制能力真係低得好緊要......
我唸除非困住我喺屋企完全唔比我出街啦,
(仲要唔好比我上網喎!)
否則無論我幾忙 + 個廚房有幾亂 + 我幾忍手都好,
只要我一出街,或多或少總會有點收穫!
一齊來睇吓我"刻制忍手下"既本週精選......


(打格仔既係2個靚靚bra bra~ )

2012年2月28日星期二

Tropeiro (巴西燒烤) - 2012年2月25日

 

上星期開始徹底大掃除我個廚房,
雖然平時keep 住有清潔好乾淨,
但連日來仔細徹底地去清理係一件咁艱巨既工程來!
辛苦到開始有幻覺 - 覺得自己個廚房大咗好多...... 

2012年2月27日星期一

大榮華二世 (2012年2月23日)



2012年2月23日星期四

單拖回香過新年 - 神出鬼沒鎖匙包 & 紅髮俄羅斯女人



大家開始睇依篇之前,

你 / 妳地係咪唸緊 - 依個乜鬼野標題來架? 


2012年2月22日星期三

單拖回香過新年 - 禮物Part 1 蕃蜜梨篇



話說我今次返香港寄倉行李有成46kg - 2件,每件限23kg~
手提行李都有10kg,加加埋埋有56kg,真係非常之唔錯!  
不過我並無因此大買特買,
因為一來無咩時間正經行街shopping, 
二來因為我收咗好多好多禮物!  

多到我帶唔到哂上機,要V媽媽幫手打箱寄過來比我; 
多到雖然有56kg allowance,我既行李仍然as usual 超重!! 
本來想一次過將收到既禮物來個墟冚大曬冷, 

不過一來未收到V媽媽幫我打箱既包裹,
二來真係太多相咯! 
所以都係分開Part 1 蕃蜜梨篇 + Part 2 老友鬼鬼篇啦!!

2012年2月21日星期二

Hilton 完美燒牛肉 & IKEA 法式油封鴨 (2012年2月18 + 19日)

我以為由香港返到來會無啖好食......
但剛過去既weekend 我同Mr.T 食咗2餐好味又滿足既!


星期六(2月18日)去Hilton 食自助餐補祝情人節~
其實當晚食物選擇明顯少咗!
唔知同酒店當晚有婚宴舉行有無關係呢? 

帶眼識人Part 1 + 2 合訂版

我唸咗好耐好唔好將依件事寫出來發洩......

但我由尋晚到依家都好嬲!

通常我發火頂多2粒鐘就熄火,

今次last 得咁耐,因為我真係覺得好委屈!!

而且依件事亦牵涉到Mr.T!!!


賠償 (2012年2月19日)

前文提及過我由香港返到來發現Mr.T 反轉咗間屋,
而重災區竟然係我個廚房!
大家有無好奇 - 一個幾乎完全唔識煮野食既人,
破壞力究竟會有幾大呢?

讓我同大家報告一下V女廚房既災情......

- 煮即食麵既copper pan 有一鍋浮住片片嘔心灰綠色霉菌既即食麵湯;
- 一叠已洗乾淨既碗碟上有4個洗衣液包包;
- 孖人牌骨剪條彈弓浸咗喺洗碗盤裡面;
- 全個廚房佈滿外賣膠盒 / 紙盒 / 膠袋既屍體;
- 薄餅焗盆有大塊不沾層剝落要報銷;
- 廚房窗台種咗快3年既rosemary 正式宣佈因嚴重脫水而死亡!


查其依棵rosemary 係2年多前我一個人返香港時,
Mr.T 誤殺咗我另一棵rosemary 而賠比我既代替品~ (網誌)
估唔到佢都走唔出同一命運! 

2012年2月20日星期一

情人節的大頭蝦 (2012年2月18日) plus 情人節後感

一年一度既情人節過咗差不多已一星期, 
不過有d野原來我係啱啱先發現既!

情人節果日花店送花來時,
札花用個大紙皮箱裝住~
第二日我攞個紙皮箱去揼,
見到紙皮箱上面貼住張印咗我名 + 屋企地址既咭,
於是我搣返落來順手袋咗落袋,
之後我完全忘記咗 / 唔為意張咭既存在......

直至剛過去既星期六(2月18日)Mr.T 由Birmingham 返咗來,
我換手袋準備出街食飯時先攞返張咭出來,
唸住用筆塗咗咭上既地址 + 姓名先攞去揼......


我突然發現張咭既另一面印咗一段老公比我既情人節message! 
忍唔住"咦..."咗一聲,
Mr.T 見狀: 吓...乜原來妳無睇到架?


2012年2月18日星期六

舊既未去...新既已經陸續有來!

由香港返來已2星期,
除咗d污糟衫之外,我大部份行李仲未郁過!

之前都講過Mr.T 反轉成間屋,尤其係我個寶貝廚房......
 
一不做二不休,既然都係要執,咁就執得徹底d啦!
仲有就係......


返到來見到先醒起返香港前買返咗依咋野! 
由book 機票到返香港間短短幾日,
都未有時間寫blog 記低......

2012年2月17日星期五

翻版的三絲肉碎粥


上面果碗係A貨......


依碗先係正版 - 旺角弼街樂園牛丸大王既"三絲肉碎粥~


單拖回香過新年 - V媽媽靚正餸...龍年新年篇

大家知唔知我打緊上一篇V媽媽靚正餸2011時有幾咁煎熬? 
望住相裡面既靚餸......一路打字個肚一路咕咕叫~~~~ 
原本想停一停先寫吓其他野轉移一下視線, 
但經過我慎重考慮後都係決定"長痛不如短痛"...... 
拿拿聲post 埋2餐新年飯! 
Are you guys ready?
先同大家熱熱身.......



依餐係大年初一V媽媽就我食齋而煮既齋菜~ 


2012年2月16日星期四

單拖回香過新年 - V媽媽靚正餸2011



一見到份鮑魚飛機餐,就知道又係V媽媽靚正餸既時候嘞!

2012年2月15日星期三

一個人谷鬼氣情人節 (2012年2月14日)

尋日係一年一度既情人節,
大家係咪同另一半sweet sweet 地渡過呢?
而我呢...我就一個人過咗一個前所未有咁谷氣既情人節! 
一個人過情人節,係因為Mr.T 喺Birmingham 出trip;
至於谷鬼氣 ,係完全唔關Mr.T 事既......

星期一晚趁Mr.T 返咗Birmingham 來個徹底大掃除,

執吓依樣搞吓果樣又睇吓電視兼食埋宵夜......清晨5點先去覺覺豬~
不過瞓得個零鐘V媽媽就打長途電話來求救,
要我幫手處理屋企電話合約既問題......

情人節倒塔咁早天都未光又凍冰冰,

我屹起身第一件事唔係收花; 
講既第一句說話亦唔係"我愛你"......
而係要打長途電話去電訊盈科越洋鬧人,
要對住無賴講道理,我相信任何人都會谷鬼氣!
(事件詳情唔想講嘞,免得一路打字一路谷氣! 
總之依間所謂大公司做生意手法好有問題!!)

谷鬼氣咗2粒鐘終於搞掂,準備同周公"依泣"去,

誰不知我剛剛恰著無耐又有人拍門嘈醒我!! (天呀~~~~)
原來係送花來,面黑黑去簽收......


雖然Mr.T 陪我唔到,但佢都好識做地送我一札至愛既香水百合! ♥


2012年2月13日星期一

單拖回香過新年 - 回英篇 (2012年2月3日)


Hello everyone~ 我返咗來嘞!
hea 足1個半月既單拖香港聖誕農曆新年之旅眨吓眼就過去,
其實我上星期六(2月4日)朝早已返咗來架嘞,
不過一返到來就發現屋企比Mr.T 反轉再反轉,
而我個地盤 - 廚房更加成為重災區!

喺香港個半月不過因為V家無wi-fi 無得update blog,
返來個多星期本來一早就想update 吓,
但一方面忙於收拾Mr.T 留低既殘局;
另一方面部netbook 突然黐咗成個星期上唔到網,
搞到我寫唔到blog!
(Mr.T weekend 由Birmingham 返來篤咗兩下就搞返掂......)
積埋大堆香港之旅既相,等我容後整理一下再同大家分享啦!

Related Posts Plugin for WordPress, Blogger...