2015年11月27日星期五

Amsterdam Mini Cruise - 北海日出 (2015年10月1日)

日出 Sunrise 北海 North Sea

前一日錯過咗日出,今次唔可以再錯過!
喺房窗門見到天變成深藍色,即刻彈起身換衫上甲板搵個靚位~~~~~
清晨5點幾,甲板上好少人........

2015年11月10日星期二

自製紅麴醬(紅糟)

紅麴醬 紅糟

台灣有一種叫做紅麴醬(或紅糟)既醬料,
用來煮什麼紅糟肉、紅糟排骨、紅糟雞腿、紅糟炒飯...顏色鮮艷仲好似好好味!
而且聽講紅麴好有益,一直都好想試吓,可惜從來無見過中超有紅麴醬賣......
後來發現製作紅糟既材料 + 方法原來好簡單,即刻買齊材料開工~ ^^

2015年11月9日星期一

沙茶菠菜炒羊肉

菠菜炒羊肉 沙茶菠菜炒羊肉

簡單快手,非常惹味好送飯又營養豐富既一道菜~ ^^

2015年11月3日星期二

Amsterdam Mini Cruise - 11年後舊地重遊 (2015年9月30日)

I amsterdam Amsterdam 阿姆斯特丹

喺郵輪上渡過咗大約17小時,郵輪到達到Amsterdam~ 海關超hea 過關超快,
過完關直接出去搭郵輪公司安排好既旅遊巴出Amsterdam 市中心......

2015年10月31日星期六

10月份慳家檔案 (超級...超級長!!)

又好耐無紀錄過我最近點慳家,又係時間update 一下! ^^
雖然廚房叫做樣樣都有,不過廚具無限可能性總有辦法令人花錢.........

Le Creuset
有一d shop 你日日去會空手而回,但隔耐d 去一次就會"賴野"! XDDD

2015年10月29日星期四

薑蔥白灼鮮魷

白灼鮮魷 薑蔥白灼鮮魷

原汁原味白灼原隻韓國急凍大魷魚,
只以蔥絲、薑絲、熟油 + 生抽帶出魷魚既鮮甜味! Yum~

2015年10月28日星期三

Miele 食譜: 花膠燉鮮奶

花膠燉鮮奶 鮮奶燉花膠

雖然只係10月尾,但剛過去既weekend 英國啱啱轉咗冬令時間(較慢1小時),
未夠6pm 個天已經全黑,已經開始感覺到寒意~~~~~
依個時候最啱食依個香噴噴甜品,食完成身暖笠笠,高骨膠原蛋白,滋補養顏~ ^^

2015年10月27日星期二

來自德國的香噴噴禮物 (2015年10月13日)


早排中秋節,住喺德國既blog友MJ 話已經好多年無食過月餅,
問阿V可唔可以賣d月餅比佢?
難得有人信任阿V唔嫌棄,反正都係整開,當然無問題啦! ^^
不過手作月餅都唔值錢,當然我唔會收錢啦~

2015年10月20日星期二

姬松茸雲耳紅棗炆滑雞

姬松茸雲耳紅棗炆滑雞 姬松茸食譜

好多人只會用姬松茸來煲湯,但其實帶濃郁香氣既姬松茸用來煮餸一樣有益又好味架!

2015年10月19日星期一

木樨肉

木樨肉 木須肉

早前喺Glasgow 一間中菜快餐店餐牌上睇到木須肉一菜,
見材料非常普通(餐牌上有相),好奇點解會有個咁既名? 
於是下上網查一下...原來木須肉正寫應為木樨肉,係一道山東家常菜~

木樨即係桂花,相傳依道菜傳入北京後,北京多太監,
佢地大都介意"雞蛋"二字(因為自己無咗 LOL),
所以凡以雞蛋入饌既菜式都改稱"桂花"~

而最初食譜原形材料為豬肉、 雞蛋、黑木耳 + 玉蘭片(即春筍),
但由於北京缺乏竹筍,所以後來慢慢被青瓜片取代~

美國 - 美式煙肉窩夫早餐

美式煙肉窩夫 Bacon and Maple Syrup Waffles

只要有一部窩夫機,15分鐘就可以依個地道美式早餐! ^^

2015年10月16日星期五

Amsterdam Mini Cruise - 北海日落 (2015年9月29日)

Amsterdam Mini Cruise King Seaways

邊個話去旅行一定要搭飛機架? 今次我地搭郵輪! ^^
2星期前同Mr.T 搭依隻郵輪去咗Amsterdam,
原本依個short trip 係打算9月9日拍拖週年時去既,
但餐館有位員工臨時有事要入院做手術,所以推到9月尾先出發.......

2015年10月15日星期四

台灣 - 珍珠奶茶 (附自製黑糖珍珠粉圓 + 燜燒罐煮粉圓方法)

珍珠奶茶 自製黑糖珍珠粉圓

早於阿V來英國之前,台式奶茶店喺香港已經開到成行成市,
不過以前阿V一直只飲茉香綠茶少甜走珍珠......
直至3年前倫敦台灣小食節,我先第一次飲有珍珠既珍珠奶茶~ =P
近幾年Glasgow 珍珠奶茶店越開越多,但大部份都係迎合洋人口味偏勁甜,
最啱阿V口味果間老闆係正宗台灣人,不過逢星期日休息.......
要隨時想飲都有得飲,最好就係自己沖! (廢話!!)

簡易擔擔麵

擔擔麵 Sichuan Spicy Noodle

好多食物英國未必食得到,就算食得到都未必好味 / 未必啱自己口味~
想啱自己口味當然最好自己煮,不過下下乜都自己煮,
若每種材料調味料都渣正來做,必定堆到廚房爆哂棚!
有時用方便醬料都好好味架~ ^^

2015年10月13日星期二

極光星空瓶

星空瓶 Galaxy Bottle

講起極光,好多人都只會唸起冰島、芬蘭、挪威、阿拉斯加......
但其實英國都可以睇到極光架,尤其係蘇格蘭 + 高地!
而且英國極光靚既程度,比起其他出名極光勝地有過之而無不及呢~ ^^

2015年10月6日星期二

日本 - 相撲火鍋 Chanko Nabe

相撲火鍋 Chanko Nabe

顧名思義係日本相撲手食既火鍋! ^^就咁睇相材料同普通火鍋完全無分別......
(事實上都係自己鍾意食乜就落乜,反正我又唔係相撲手! 呵呵~~~)
傳統正宗既相撲火鍋材料主要係蔬菜、豆腐 + 雞肉,
並唔會有四腿著地既肉類e.g. 豬牛,原因係相撲比賽中相撲手雙手著地就輸,
時移世易,而家唔會再拘泥依d舊傳統,所以相撲手火鍋都好常見雞以外既肉類~
而相撲火鍋有一個好重要又好好味既關鍵,少咗佢就會完全失色.......
佢就係 - 雞~~ 肉~~~ 丸~~~~~~~

2015年9月28日星期一

超級月全食 Supermoon Lunar Eclipse (2015年9月28日)

超級月全食 超級血月 Supermoon Lunar Eclipse 2015

大家尋晚有無欣賞超級血月呀?
超級月全食 = 超級月亮 + 月全食(血月)~
兩個天文現象同時發生非常難得,對上一次係33年前(1982年),
而下一次要等到2033年,今年既超級血月仲適逢中秋佳節,
就算阿V眼瞓都要頂硬上親眼一睹! ^^

2015年9月27日星期日

超級月亮中秋節2015 (附食譜)

超級月亮 Super Moon

今日係中秋節...由於時差關係,蘇格蘭仍然係9月27號呢~
而且而家只係傍晚,仍然未天黑,未見到中秋月亮........
(依張月亮相喺尋日迎月夜影架! ^^)

2015年9月25日星期五

孖T拍拖16年: 由朝玩到晚 (2015年9月9日)


2星期前(9月9日)係我同Mr.T 拍拖16週年紀念,
最近一直太忙整月餅未有時間update........ =P

2015年9月22日星期二

繼蛇蟲鼠蟻...蜂蛹蠍子和味龍...之後

昆蟲零食 Insect Snacks

好多人都知道阿V + Mr.T 鍾意試另類食物 (當然一定要合法既!)
蛇、蜂蛹(昆蟲即係蟲啦)、鼠依d一早已試過 (網誌); 
之後又試咗蠍子、和味龍、竹蟲 (網誌)......

2015年9月21日星期一

供過於求 (2015年9月21日)


上星期二(9月15日)V媽媽又寄咗個特快大包裹比我,郵費8舊水,
15號寄,今日21號先收到......真係虧你敢叫做Express 24!!!!

2015年9月19日星期六

涼拌珊瑚藻

涼拌珊瑚藻

珊瑚藻又名海燕窩或麒麟菜,含有豐富維他命、
礦物質(鈣、鐵、磷、鎂、鉀、硒、錳)、
纖維素、菸鹼酸、酵素及植物性膠原蛋白;
有清除宿便、促進新陳代謝、降膽固醇、降血壓、
強化筋骨關節、改善頭髮皮膚、補血美容和防止癌症功效~

2015年9月18日星期五

瑪卡紅棗圓肉杞子茶 (燜燒罐)

瑪卡紅棗圓肉杞子茶

近年瑪卡大行其道,我相信有咩功效都唔洗我再多介紹~
(唔知既話就click 吓依度啦! ^^)
返香港時買咗一斤秘魯瑪卡比V媽媽,返來英國時V媽媽分咗一半比我......

2015年9月14日星期一

我破了一個守了1年5個月零16日的戒!

舊年3月中買埋隻De Buyer 炒鑊後,
我就同自己講 - 我唔會再買鑊!
但...人,總係有好奇心既........

Staub
有日同Mr.T 行街見到依盒野,當時只係純粹八卦想睇吓裡面係乜,
因為知道佢d野好鬼重,加上個盒咁大隻,所以叫Mr.T 幫我打開個盒比我及及......
Mr.T 竟然話: 唔重喎! 咁我又托吓啦...咦~ 真係比我預期中輕喎!!

蘇太山珍素菇醬雜菌素雞炒烏冬

雜菌素雞炒烏冬 蘇太山珍素菇醬

全素無葷既香噴噴炒烏冬,滋味絶不遜於真雞肉炒烏冬啊! ^^

2015年9月13日星期日

帶眼識人 ‧ 後記


Blog友買霸王衫唔比錢事件後 (網誌),
我無意中搵到對方送衫既女仔朋友FB (下稱L),
於是我pm 咗L,告知L 送衫比佢既人無比錢~
我同L 並唔係FB friends,預咗L 未必睇到個pm,
殊不知2星期後竟然收到L 回覆......

2015年9月12日星期六

蘇太柑桔滿堂醬荷蘭豆炒蝦球

荷蘭豆炒蝦球

英國既中國超市並非只賣中式食品調味料,日韓星馬泰越印既產品...都有!
所以每次見到有來自香港既新貨品,阿V就會特別覺得有親切感,
仲會仆到去買來試...事關唔知件貨只係one off 定長期都有得賣.......

柚子蜜雞翼

柚子蜜雞翼

多年前去韓國旅行時第一次試飲柚子蜜,雖然阿V唔愛甜,
但一試就愛上咗佢清香潤甜既味道~
以前V媽媽間中會寄一樽比我,後來蘇格蘭既中國超市都有柚子蜜賣,
不過我唔算常買,因為太大樽 + 價錢貴.........

2015年9月11日星期五

蝦醬四季豆

蝦醬四季豆

2015年9月5日星期六

長洲平安馬卡龍

長洲平安馬卡龍

唔係Ladurée...唔係Paul Lafayet......
阿V整個童年喺長洲渡過,以前細個時只有一年一度既太平清醮,
先有機會見到依個平安字樣出現喺平安包上面~
不過近十多年,依個平安字樣已經成為咗代表長洲既標誌,
無論幾時去到長洲,都會見到大量平安紀念品.......
Cushion 公仔手機繩鎖匙扣散紙包t shirt 棉花糖...甚至係假既膠平安包(!)
喺長洲隨處可見,阿V今次返香港,就發現咗依粒......
平~ 安~~ 馬~~~ 卡~~~~ 龍~~~~~

2015年9月1日星期二

幸福滿載


每次返親香港,阿V必定滿載而歸,除咗因為我喺香港期間喪買之外,
仲有好多好鍚我既人送禮物比我幫手塞爆我個喼 XDDDD

2015年8月31日星期一

2015年5至6月煮食全紀錄 (附食譜)

二人晚餐
5月5日晚餐: 蕃茄薯仔排骨湯; 玫瑰豉油雞; 砂爆魚肚炒西芹肉碎

睇開我網誌食譜既blog友應該會發現 - 除咗麵包蛋糕食譜之外,
我其他大部份食譜都只有材料而無份量!
因為我深信一句說話 - "Cooking is an art, baking is a science!"
藝術當然唔應該有計算有限制要自由發揮啦~ ^^

2015年8月28日星期五

2015年4月煮食全紀錄 (附食譜)

返香港前後都少咗update 煮野食,但唔代表我偷懶無煮喎飯喎! ^^
時光倒流...回到4月份.......

二人晚餐
4月2日午餐: 孜然炒羊肉; 蕃茄炒蛋; 鹽麴炒春綠

由於餐館收得比較夜,所以好多時都係我自己先食晚飯,
不過而家我午餐唔會再"求其食d野",會煮豐富d同Mr.T 一齊食~ ^^

2015年8月27日星期四

China Red 中國紅 - 迴轉自助餐餐廳


迴轉壽司相信大家都食過,咁迴轉中式點心大家又食過未呢? ^^

紅菜頭紅蘿蔔粟米煲瘦肉

紅菜頭湯 紅菜頭紅蘿蔔粟米煲瘦肉 Beetroot Soup

返香港時同V媽媽去一位auntie 屋企食飯,
auntie 煲咗依個湯,又香又甜飲過翻尋味!
返到來英國正好紅菜頭當造,大大札好新鮮價錢又平,自己煲飯返夠本~ ^^

2015年8月24日星期一

提子

Candy Floss Flavour Grapes 棉花糖味提子 Tropical Flavour Grapes 熱帶生果味提子

提子係咩野味既呢? 提子...咪係提子味囉.......
錯! 係棉花糖味 + 熱帶生果味至啱! XDDDD

2015年8月21日星期五

我以後要帶眼識人!!!


有一個人曾經係我blog友 + FB友,舊年返香港時偶然喺街撞過一次,
2012年佢曾經託Mr.T 畫過兩件t shirt 寄返香港,當時完全無問題~
直到今年2月佢再託Mr.T 畫3三件t shirt 寄返香港,兩件3月寄; 另一件4月寄,
分別送比佢兩位朋友做生日禮物......

2015年8月18日星期二

My Colourful World - My 1st Secret Garden (2015年8月16日)

Secret Garden 秘密花園

我終於完成咗第一幅Secret Garden 嘞! ^^
阿V慢手慢腳,懶係慢工出細貨,一幅圖油咗4日先完成 =P
咁我當然唔係廢寢忘餐由朝到晚咁油足4日啦,
只係今日得閒時油吓...聽日得閒時又油吓...每日油少少,
我有4本填色本,我又油得咁鬼慢,真係好襟玩呢! XDDDD

2015年8月14日星期五

回歸慳家文 (超長~~~~~~)

依篇唔係香港既戰利品! (香港果d已整理得七七八八,不日發文~)
依篇先講一講我返香港前 + 後既收穫 ^^

今次返香港不停狂逛12蚊店,返到來英國行返£1店真係覺得好廢!!
當我覺得好沮喪既時候,突然有一度神聖既光芒射埋來......

我屋企附近就快開TK Maxx 嘞!!!!!!!!!!!
Mr.T 話: 以後我返到屋企唔見妳既話,我知道去邊度搵妳嘞~ XDDDD

日本 - 秋葵納豆生雞蛋拌飯

秋葵納豆生雞蛋拌飯 納豆拌飯

高木直子最新既圖文書"一個人好想吃"裡面有講納豆飯,睇完之後口水大流忍唔住整返個!

2015年8月10日星期一

My Colourful World - 熱身

Secret Garden 秘密花園

最近填色本"秘密花園"爆紅,引到多心阿V又柴娃娃埋一份! =P

2015年8月4日星期二

我回來了 ^_^

炆鮑魚

睇到依份鮑魚飛機餐,好明顯我已經返咗英國! ^^

返香港前棉花糖突發胸前生咗個大腫瘤,
做咗切割手術後忙於照顧佢 + 帶佢返去獸緊復診,都無心情update;
返到香港除咗FB都好少上網......

今次返咗香港個幾月,玩得食得買得都好開心!
尤其今次搭Emirates 有30kg 入倉行李,
Mr.T 都有返香港,好合理地佢果30kg 即係我既30kg (哇哈哈~~~~),
Mr.T 只返咗香港8日先行返英國,順便幫我將上半場戰利品帶返英國......

2015年5月30日星期六

Wild Garlic 野蒜@Linn Park (附野蒜青醬食譜2個)

Wild Garlic 野蒜 熊蔥

舊年喺愛丁堡既Farmers' Market 第一次見到wild garlic (野蒜),
好奇下買咗一包試吓 (網誌),有網友告知原來每年當造之時,
英國好多林地都有得摘野蒜! 舊年錯過咗,今年終於摘到嘞~ ^^

2015年5月29日星期五

新口味...芒果青檸利賓納

利賓納 芒果青檸利賓納

我好少飲紙包裝或樽裝即飲既利賓納,不過我就幾鍾意飲傳統溝水濃縮利賓納~
由細飲到大都係經典深紫紅色黑加侖子味.......

2015年5月23日星期六

香煎鹹魚肉餅

La Cuisine De Veronica 香煎鹹魚肉餅

肉餅...幾麻煩都好...當你試過用手剁...就算剁完手痛......

你一定會覺得值得,唔會返轉頭用現成免治肉! ^^

2015年5月19日星期二

火腿國南部Malaga 曬到燶之旅2015: Day 2 (4月21日) Part 1

Fuengirola Malaga

無論酒店張床幾大幾舒服都好,阿V總係唔習慣喺陌生地方瞓陌生既床!
是日尚未夠鐘食早餐,日出前阿V就醒咗去洗手間,
去完洗手間望出大露台見晨曦雲彩,即時立相機影返幾張~

威爾斯寄來的韓國手信 (2015年5月8日)


住喺南下威爾斯既blog 友Joanna 早前返香港順道去韓國旅行,
返來後寄咗咋手信比我~ ^^

2015年5月18日星期一

Miele 食譜: 佛跳牆

La Cuisine De Veronica 佛跳牆

同盆菜一樣...阿V未食過佛跳牆,今次自己整係第一次食~
我好細個已經知道佛跳牆係一道名菜; 後來大少少知道佛跳牆係貴野來;
再後來再大dd知道"佛跳牆"意思 - 好味到連和尚都忍唔住要翻牆討吃......
到咗今日我仲知道佛跳牆英文名叫做Buddha's Temptation,
我終於的起心肝做依道傳統閩菜名菜,雖然準備材料過程繁複,
但煮好後食第一啖...非常值得! 佛跳牆...果然無改錯名!! ^^

2015年5月11日星期一

韓國Eiffel Freshpack Pro Easy 食物抽真空機 (英版三腳插頭)

La Cuisine De Veronica 韓國Eiffel Freshpack Pro 食物抽真空機

原本對Sous-vide (真空低溫烹調)無乜興趣,
不過有Miele 可以做到Sous-vide 效果,玩 / 學多樣野無壞~
問題在於食物抽真空機 - 通常都大大部好阻訂!
做咗一輪research,依部韓國Freshpack Pro 應該係暫時最細部最唔阻訂,
一卷保鮮紙咁上下size 就已經做到抽真空效果,唔洗特登搵地方安置佢~

韓國 - 紫菜飯卷 Gimbap

La Cuisine De Veronica 韓國紫菜飯卷 Gimbap

一直都有個疑問 - 韓國紫菜飯卷同日本壽司卷究竟有乜分別呢?
疑問還疑問,但又無的起心肝去搵答案,
直至早前喺FB見到朋友食gimbap 食得津津有味,順口問吓......
主要分別在於飯既調味方面 - 壽司飯用米醋調味; 而紫菜飯卷既飯用麻油 + 鹽調味~

Related Posts Plugin for WordPress, Blogger...