香煎鹹魚肉餅

肉餅...幾麻煩都好...當你試過用手剁...就算剁完手痛......
你一定會覺得值得，唔會返轉頭用現成免治肉! ^^


1. 半肥瘦或梅頭肉約300g洗淨瀝乾，用手剁成用免治肉，加入麥皮2湯匙一同拌勻。


2. 用胡椒粉、糖、生抽、魚露、紹酒、薑末、清水少許和粟粉拌勻醃好，用筷子順著同一方向攪拌至出黏性成糰。


3. 梅香鹹魚1片去骨拆肉弄碎，加入免治肉內拌勻醃最少30分鐘。


4. 平底鑊下油燒熱後轉小火，鋼湯匙2枝沾濕將免治肉弄成球狀，放入平底鑊中，以鑊剷將免治肉壓薄。


5. 慢慢煎香至肉餅兩面金黃微焦即成。