2009年1月30日星期五

Mr.T 既中文水平

早兩日有網友問我 - Mr.T 係咪竹升?

其實喺廚房打躉得比較耐既網友,都應該知道Mr.T 係竹升來~ 正確d來講,應該話老公係一個識講廣東話,但完全唔識睇 + 唔識寫中文既"假鬼佬" - 會更加貼切!

記得同老公拍拖頭3個星期,我地係全英語對答! 我當時都問過老公識唔識講中文,佢話唔識......直至一次老公同我一齊既時候,99打電話比佢,我聽到老公用半鹹淡廣東話同99對話! (我99英文唔好~)

 於是我問老公: 你究竟識唔識中文架?

 老公: 識講少少.....唔識睇 + 唔識寫,不過講得唔好!

喺我發現老公原來都識講廣東話既時候,我地既對話就開始變成半中半英,直到而家都係......咁究竟我老公既中文有幾唔好呢? 除咗佢自己 + 我既中文名之外,其他中文字一律唔識睇 + 唔識寫! 而且睇見佢寫中文字真係想暈低~~~ 

我都上咗人氣榜呀! (2009年1月30日)

早幾日見blogmate "Mami 阿四"話佢上咗Yahoo Canon Blog 人氣榜......

尋日我無聊又八卦,於是走去Yahoo Canon Blog 及及~  我心唸: Yahoo Blog 相簿咁鬼咋,不過Canon Blog 話可以無限上載 + 有好多功能喎!
 (但我睇完指引仲未知點用......!!!) 咁我又登記埋一份啦~~~~ 不過登記完之後,我發現blog 主頁大頭相背景顏色自動波變咗深灰色!!! 唔靚喎...... 

頭先入去Canon Blog 睇吓有冇解救~
見到自己個blog 喺人氣blog 果欄喎!


 入去睇睇...原來Canon Blog 人氣榜 剛剛update 咗! 我尋日先登記,今日就去咗第43位啦!

2009年1月29日星期四

花開富貴

我個廚房本來種咗幾棵香草......

有棵迷迭香(Rosemary)種咗2年幾,每次燒牛肉我都會剪少少落來調味 + 煮gravy~ 幾個月前見佢不停落葉,以為佢九C一生......不過我一路冇理佢,照平時咁幾日淋一次水,慢慢又回復正常喎!

後來我又喺廚房整多盤辣椒仔 + 九層塔(Basil)~ 不過盤辣椒仔種到開花冇耐就生芽蟲,好核突~~~  我揼都揼唔切 ; 盤九層塔就種到出花,不過我返香港後返到來就乾哂 ~ 所以而家又打回原形 - 得返盤迷迭香!

上次盤九層塔開咗d白色花,網友們話我知要剪咗d花,因為開咗花既九層塔好快會枯!

 早2、3個星期,我見到棵迷迭香有幾處生咗d花蕾,不過我又冇理佢......隔咗1個星期,花蕾開咗d好靚既粉紫色花喎!


2009年1月28日星期三

二人世界六六無窮開年飯 - 2009年1月27日 (附食譜)



鮑魚淮杞圓肉湯; 白切雞; 發財好事; 西蘭花炒帶子; 年年有餘蒸鱸魚; 蟹肉扒豆苗

因為感冒未清所以年三十冇煮團年飯; 大年初一又要返62度逗利是順便食飯...
(冇錯~ 逗利是先係首要任務!!!!
今年6299利是加咗碼喎~ 返去食餐飯銀包多咗幾百鎊! 正唸到頭痕 - 究竟應該洗咗d錢佢...定係儲埋佢呢????  哇哈哈~~~~)

農曆新年 - 發財好事 (冬菇髮菜蠔豉)


鮑魚淮杞圓肉湯


白切雞做法2種 (附薑蔥油做法)


蟹肉扒豆苗


1. 豆苗洗淨瀝乾; 水浸罐頭蟹肉1罐瀝乾水,用叉壓成絲狀; 蛋白2個打勻備用。


2. 預備芡汁: 生粉水內加入胡椒粉少許、雞粉和糖拌勻備用。


3. 燒熱油鑊爆香蒜茸,下豆苗用鹽調味炒熟,上碟隔去水份。


4. 再燒熱油鑊,下蟹肉略炒,加入芡汁和蛋白炒熟,淋上豆苗上即成。


 


 


2009年1月26日星期一

我們的平淡新年

恭喜發財! 祝大家牛年行大運~ 身體強壯如牛~ 事事如意想果樣有果樣!!!

我同老公過咗一個超平淡既年廿九 + 年三十。由於感冒未清,2個都有咳,所以星期六年廿九出咗去泗和行買餸之後,依2日都係留喺屋企休息,睇吓書睇吓DVD打吓機咁~~ 好奇怪 - 唔知點今個星期六泗和行特別多鬼佬????
多過中國人好多!!!

因為咳連團年飯都冇煮...反正唔食得鮑魚又唔食得雞,但年飯冇雞冇鮑魚點似樣呢?? 所以索性唔煮!!!

今日咳已好返好多! 不過今日係年初一,雖然99去咗加拿大過年,但今晚照樣要去62度食年飯~ 如無意外聽日初二我會補煮年飯 - 開年飯~

雖然我冇煮年飯,依度過農曆新年亦冇乜氣氛~ 不過唔代表我地一d野"新年野"都冇做過! 除咗整咗2底蘿蔔糕之外......

我地換咗新枕頭床單被單!  

枕頭係早前買既,不過特別等到新年先用~~~~

 依2個搞笑枕袋有段故仔既......

2009年1月23日星期五

身體好返好過年 (2009年1月23日)

同感冒菌抗戰抗足5日,終於都好返哂嘞!
不過可能依幾日計計埋埋只食過2碗飯咁大把,其餘就只食通粉麵包...所以仲有少少軟手軟腳~~~

 而家d感冒菌都唔知係咩野來架???? 識得玩野果喎 - 早果幾日朝朝起身時情況好轉,就算未退燒都會幾好精神 > 下午開始慢慢退燒 > 傍晚完全退哂燒......不過一到半夜又發冷又發熱,仲晚晚燒返39C!  晚晚如是! 吹脹~~~~

尋日(1月22日)全日都冇再燒 + 有返d精神,於是拿拿淋煲咗煲龍脷葉湯! 老公雖然一早已經冇燒,不過就咳到飛起,佢話鹹柑桔唔好飲喎~~~ 不過龍脷葉佢就話好飲!

煲完湯見仲OK,順便整埋底蘿蔔糕!  weekend 一早買哂材料,擺咗咁耐再唔整既話,就會嘥哂架嘞!!! 不過病咗咁多日,又食咁多成藥,身體覺得好虛,所以我都係整一陣,抖一陣咁啦~~~~ 

龍脷葉無花果煲瘦肉


2009年1月19日星期一

又打敗仗...

我真係好討厭好討厭好討厭英國既天氣!!!!!!!!! 著得多又唔係,著得少又唔得......  

星期六(1月17日)一起身,見到陽光普照,雖然超凍,但我見到太陽心情即時靚靚~ 本來同老公約咗朋友一齊去食YO! Sushi,但朋友們臨時有事唔去得~ 不過靚靚天氣 + 靚靚心情,冇損我 + 老公食壽司既興志!

 天氣實在太凍,壽司又係生冷食物...所以今次戰績冇上次咁彪炳 - 得17碟~ 上次食咗20碟......

2009年1月16日星期五

二人世界天寒地凍臘味飯 - 2009年1月16日


天寒地凍唔多想煮飯! 不過唔煮又唔知食乜好......


既然V媽媽寄咗咁多臘味來,就整大砵臘味飯啦!

不過我屋企冇煲仔~ 就算有我都冇咁好氣用煲仔慢慢煲熟d飯.....不過我又唔鍾意放臘味入電飯煲同飯一齊煲喎 - 我覺得水會煲到臘味好淡味!

所以我就先煲熟飯,再鋪臘味喺飯上面,然後成砵攞去蒸15分鐘~ 蒸臘味既汁會流入飯裡面,香噴噴!!!!

我冇煲仔飯豉油,所以唯有用甜味既雞飯老抽 + 少少頭抽代替~ 一樣好好味架!


 臘味飯內容大解構~~~
再整碟油菜...又快又方便又好味,咁又搞掂一餐!

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

尋日收到YO! Sushi 既email - 原本只做到19號既6拆壽司優惠,

而家延長做到31號! (睇來經濟真係唔係好掂.....)
一早都唸住依個聽日星期六再去食過,不過今次約埋Vicki + Waikee 佢地一齊去~~~



2009年1月14日星期三

V家愛心禮物包 (2009年1月14日)

 每年農曆新年前,我都一定會收到V家寄來既郵包,內容都不外乎係野食! 因為有某d我好鍾意既食品,只係農曆新年期間先有得賣~~~~~


2009年1月13日星期二

有血有汗既蘿蔔糕 + 二人世界碟頭飯 - 2009年1月13日 (附食譜)

依排我身體既右邊"血光之災"好旺盛! 只係右邊之喎~~~~

繼"蒜頭插傷右掌心"、"柔順劑右邊兜頭淋"...2個騎呢意外後,一向煮野食時好少整親既我,今日再來個"刨手指公" - 都係右手喎!!!

今日第一次嘗試整蘿蔔糕......

 刨蘿蔔絲時連自己隻手指公一齊刨埋......

香煎雞扒糙米飯配蒜茸洋蔥汁


農曆新年 - 蘿蔔糕

La Cuisine De Veronica,V女廚房,賀年糕點,蘿蔔糕,Steamed Mooli Cake

孖T白痴對話 - "我好憎我自己!"

老公渣車途中......


 老公: Honhon~ 我愛妳!

 我: 我都好愛你~~~

 老公: 我最愛係妳!

 我: 我愛你多過愛我自己!!


2009年1月12日星期一

Stock Pot...Out Of Stock?!?!!!

我真係好討厭英國既冬天!!!!!

頂~~~ 上星期雖然成個星期又凍又毛毛雨,但有一兩日間中都出過吓陽光; 點知到咗weekend 仲衰 - 星期六、日連續兩日出面都係橫風橫雨! 樹被吹到左搖右擺......但今日一早又陽光普照喎!!! 真係吹脹~~~~

大佬呀...weekend 一個星期先得一次咋~ 要落雨唔該留返weekdays 啦!!!

 我係非常怕凍既人~ 一出街就要包到成隻粽咁!!!

不過英國好多室內既公眾場所,一到冬天就開行哂暖氣,包到咁既款,入到室內行一陣...就會好似焗桑拿咁!!!! 一出一入,一冷一熱...咁就好易領野感冒~~~

YO!Sushi + Frankie & Benny's (2009年1月10日 + 11日)



星期六(1月10日)去咗Silverburn 行街,順便去食YO! Sushi  既6拆壽司!  


2009年1月9日星期五

Blue Iris Mink

好耐冇講過靚野收藏~  咁啱見到Forum 有人問 - 今年d fur 出籠未?  

我最早既"皮草記憶",當然係因為V媽媽啦! 記得以前細個同V婆婆 + V阿姨住喺長洲,香港果時既冬天真係凍好多好多~~~~ 而V媽媽一到冬天就會著一件黑色 + 腰有綁帶既mink,襯埋裙 + 高踭鞋,個look 好高貴!  

V媽媽每次返去探我,我都好鍾意瞓喺佢件mink 上面,好舒服~~~  我仲記得有次......


 我: 啊~~~~~ 媽咪妳頭先食蝦片!!!!

 V媽媽: 妳點知我頭先食過蝦片架??

 我: 我聞到妳件mink 有蝦片味!

 V媽媽: 咁犀利~~~~~

 我: 蝦片呢???? 蝦片呢?????????? (期待ing~~~)

 V媽媽: 我搭船來時食哂嘞......

 我: 唓~~~~~~~ 妳食蝦片唔預我!!!!!!!

>>>>>>>>>>>>>>>>>>>>>>>>>>>>>>>>>>>>>>>>>>>>>>

V爸爸以前做時裝,所以我有好多同V爸爸相交咗幾十年既行家uncle + auntie~ e.g. 婚紗, 皮草...都有~  V媽媽而家有唔知6件定8件唔同款 + 顏色既皮草,全部都係喺V爸爸老朋友既店買既!

不過我相信香港咁既天氣,V媽媽應該會越來越少機會著......

至於我自己......


 我都有1件Blue Iris mink (鐵灰貂皮)~


Related Posts Plugin for WordPress, Blogger...