魚翅瓜雜錦粒粒湯; 家鄉南乳鴨; 鮮露筍炒火腿; 玫瑰豉油雞 & 蒜茸菠菜
唔知係咪因為返完香港冇耐呢??? 最近特別掛住V媽媽手勢!!!
咁啱見Tesco 有鴨賣，就買隻返去試整V媽媽招牌菜 - 家鄉南乳鴨~~~~ 依味餸係V媽媽宴客必備，個個食過都讚好味!!!
英國超市好少有全鴨賣，我曾經嘗試過用鴨胸去煮依道菜，不過唔知點解味道完全唔對路!!?!?! 可能有骨好味d??????
尋日煮鴨前，我先同V媽媽通電話confirm 一下煮法，務求煮到有咁似得咁似! 因為V媽媽用既係皮薄少油肉嫩滑既米鴨仔; 而我喺英國只買到皮厚油超多大鴨.....
結果好成功!!!!!
買咗盒雞上脾切肉煲粥，不過太多舊! 切剩2舊又唔知做咩...所以求其放落早幾日用剩既豉油雞汁整埋佢~~~~~
魚翅瓜雜錦粒粒湯食譜click here~
家鄉南乳鴨食譜click here~
鮮露筍炒火腿(參考食譜)click here~
玫瑰豉油雞食譜click here~
又雞又鴨，洗唔洗咁豐富 (好唔抵得添 )
回覆刪除[版主回覆01/07/2009 22:07:00]哈哈~~~ 有人感冒未好返!!!
一晚有咁多餸～食得晒嗎?
回覆刪除[版主回覆01/07/2009 22:16:00]食剩幾舊鴨囉~ 老公好鬼鍾意隻鴨! 佢咁憎累骨都話正~~
可否給他一點祝福 THANKS~
回覆刪除旺旺 ~ 加油~
[版主回覆01/08/2009 23:23:00] 妳係咪send 錯message 呀????
喂傻,我想問下點解我"錄"波菜時會有d"罕"味既?點樣可以令佢無左呢陣味呀?
回覆刪除[版主回覆01/08/2009 23:22:00]旱味???? 我冇試過菠菜有怪味喎......
會唔會係泥味? 或者菠菜既草酸味呀?? 我比較少淥菠菜喎，我多數都係炒既........
炒既話,可能d味無甘強烈,如果就甘淥熟呢,真係有陣罕味架..都幾難食下.
回覆刪除[版主回覆01/09/2009 21:17:00]淥菠菜我只試過打邊爐囉! OK 喎~~
呀! 不如妳試吓唔好用清水淥，改用雞湯吖? 唔一定要清雞湯，可以加粒雞精落水度咪得囉~ 可能雞湯味會蓋過陣罕味呢!