2008年9月30日星期二

二人世界碟頭飯 - 9月29日 (附食譜)



粟米肉粒飯

粟米蓉真係偉大發明! 方便又好味~~~ 通常懶完成個weekend,星期一狀態仲未回復...咁星期一晚就自然多整簡餐! 依個又易整又快又好味~ 尤其天氣開始涼涼地,依個飯熱辣辣好正! 食完成身暖哂~~~


粟米肉粒飯


咦~ 原來九層塔會......


原來九層塔會生花架!!!!


2008年9月29日星期一

魔鬼友人 (9月28日)

尋日食完lunch,去咗Glasgow Fort 行吓~ 本來冇乜特別想買,只係見天氣咁好唔想返屋企住! 一落車就撞到Vicki + Waikee! 好耐冇見過佢地,雞啄唔斷......因為舖頭仲有個零鐘就閊門,於是我 + Vicki; 老公 + Waikee - 男人 + 女人兵分兩路,女人去睇衫; 男人去睇games!

本來我只係唸住行吓~ 但我自己又多手...見有件長褸係自己size,就順手試吓~ 件褸一著上身我已經唔想除!!! 又暖又舒服,啱哂怕凍既我! 我超心動~~~ 但又自覺唔應該買 - 因為我有太多褸!!!! 因為太多...試過有部份只著過幾次,就送咗去charity......

後來老公 + Waikee 過來搵我地 (大概我地睇衫睇得太耐,佢地開始唔耐煩~)...Vicki + Waikee 2個正魔鬼 - 不停聳容我"買啦~ 買啦!"; 老公在旁陰陰咀奸笑 - 一副"睇死妳忍唔到手"既樣嘲笑緊我......於是我鼓起咗好大勇氣 - 放低咗件褸 + 行出咗舖頭!!!

不過離開咗舖頭行去咖啡店飲野既途中,Vicki + Waikee 2個不停引誘我...最後老公話: 係咪真係好鍾意? 我買比妳吖? 就係咁我帶咗佢返屋企嘞~~~~

 依張相好有"死神"feel......


Counting House - Pub Food (9月28日)



唔知係咪星期六去The Mint 時見到餐牌有Lamb Shank? 尋日(星期日)我好想好想食羊! 而老公就想食Mixed Grill......其實星期六lunch 時,老公已經好想食Mixed Grill,不過The Mint 竟然冇得食!!! 於是尋日就去咗又有Mixed Grill 又有羊食既Counting House~~~~~


2008年9月27日星期六

遲來既拍拖9週年禮物 (部份~)

同老公一齊9年,每逢special occassions - 乜節物節生日紀念日...我都有花、有禮物、有飯食,仲有老公親手造既咭or 小手工! 不過我就冇老公咁有創意,所以只買禮物交差......

話哂已經一齊咗9年,無論係送禮物比對方...或者老公所造既咭......都越來越難唸idea!!! 今年情人節就係因為依個原因 - 唸到頭都爆都唸唔到想要乜禮物,所以齊齊走去咗紋身......

9月9日既拍拖9週年紀念日已過咗成3個星期~ 紀念日前我同老公已約好 - 鑑於雙方暫時都冇乜想要,所以禮物有拖冇欠,留返返香港時先揀~~~~

其實當晚除咗出街食飯之外......


 我已收咗一大札我最愛既香水百合~


The Mint (9月27日)

尋晚(星期五)好夜瞓,今朝成11點先起身~ 本來唸住7am 起身去Next 大減價,不過都係can't be bothered~ 結果起身後搞吓依樣,搞吓果樣...下晝成3點幾先出門口去食lunch! 食野前順便去Next 及及~ 好彩冇早起身啫!!! 所謂大減價只係少部份,大部份野都係新貨冇得減~~~~~~~~

今日近近地去咗屋企附近既"The Mint"食lunch~ "The Mint"係trendy pub + restaurant,餐廳部份有一間細細玻璃屋,環境不俗!

 老公頭盤 - Nachos with chilli, salsa and soured cream~


二人世界的三餸一湯 - 9月26日 (附食譜)



紅蘿蔔冬菇栗子煲雞; 紅燒獅子頭; XO醬香煎琵琶豆腐 & 白灼蠔油小棠菜


XO醬香煎琵琶豆腐


紅燒獅子頭


2008年9月25日星期四

一個人雞飯 - 9月25日 (附食譜)



海南雞飯 & 灼小棠菜

老公臨時加班唔返來食飯,咁我緊係冇理由仲煮三餸一湯~ 所以就簡單地整個海南雞飯加碟油菜比自己!


二人世界豬扒飯 - 9月24日 (附食譜)



焗豬扒飯

豬扒怪老公成日都話要食豬扒~ 我唯有搞盡腦汁整多d唔同既豬扒dishes! 好耐有整過焗豬扒飯~ 尋日(9月24日)去Asda 買一向用開做焗豬扒飯汁既"金寶濃縮蕃茄忌廉湯",去到罐頭湯section 已經覺得唔對路 - 一罐金寶湯都冇!!! 雖然有Heinz + 其他牌子,但我個食譜係要用濃縮湯架嘛! 依度又好似得金寶一個牌子出濃縮湯......


2008年9月24日星期三

有型可愛V媽媽~

其實大部份時間V媽媽都係可怕多於可愛!!! 因為V媽媽係一個好勞嘈既人,我既性格應該係被溫和既V爸爸中和咗~ 不過自問自己性格仍然係偏向V媽媽果邊......
  V媽媽可怕之處係佢勞嘈; 但佢之處可愛...都係因為佢勞嘈!!!!
來咗英國十幾年,V媽媽習慣每星期打幾次長途電話比我閒話家常 + 講吓三姑六婆野~~~~ 我結婚後都一樣,不過我會主動打多咗電話返去。早幾個月同V媽媽傾緊計,佢"扮哂"不經意地問......


2008年9月22日星期一

二人世界之唔正宗既壽喜燒 - 9月22日 (附食譜)



壽喜燒 (Sukiyaki)

想整壽喜燒好耐! 因為幾個月前買咗枝汁~ 不過礙於之前一直搵唔到適合既鍋.....終於上星期比我搵到個啱用既!


日本 - 壽喜燒 (Sukiyaki)


Louis Vuitton Insolite




 好鬼靚呀~~~~~~~~

The Chaser - 追擊者 (9月21日)


一向好鍾意睇韓國既犯罪電影! 個人心水就有......

日本土鍋 + 核突蛋撻 (9月21日)


 終於都買咗嘞~~~~~

香港濃情 Hong Kong Express (9月21日)


自從Canton 執咗笠,要食好似香港茶餐廳咁既碟頭飯,就剩返Noodle Bar~ 約大半年前,Noodle Bar 對面就多咗新開既"香港濃情" - 港澳式茶餐廳~ 香港濃情之前兼賣港式麵包西餅,我地幫襯咗幾次就冇再去~ 因為有次去買餅,有個應該係老闆娘既人,原來係99個friend~ 佢夾硬唔收我地錢,仲話要執盒餅比我地攞比99食!!! 我地唔好意思之餘,亦唔想好似特登搵著數咁款,所以就少去咗好多......後來唔知點解4月有一排關門裝修,裝修完之後就冇咗麵包西餅賣嘞???


2008年9月19日星期五

The Dome - The Grill Room (9月19日)


老公今日去愛丁堡開例會,佢開親會都會早放工~ 所以佢尋日特登叫我今晚唔好煮飯,去愛丁堡行街等佢放工出去食飯! 雖然我地成日去愛丁堡,不過多數同老公一齊~ 本來唸住今日早d出門口去愛丁堡揀份小禮物比個驚喜佢......點知好衰唔衰佢今日再早d放! 我啱啱去到,佢就電話到......慳返~~~~


生活小事兩則


我有好多個email account,有d用來同朋友通訊; 有d用來上網購物; 有d用來註冊website...總之唔同email account 有唔同需要~~~~ 不過我就好懶check email! 因為香港朋友有事搵我既話,多數會越洋sms or 打電話比我......

前幾日突然醒起自己已經成兩個星期冇check 過hotmail! 於是拿拿淋去check 吓,就睇到香港朋友準時send 來...但我遲收既中秋節祝賀message~ 裡面有張懶得意可愛既Hello Kitty 月餅圖片......不過我覺得一d都唔可愛! 仲有少少恐怖!!! 一打開郵筒有成咋Hello Kitty 頭~ (淨係得個頭喎!!!) 我係郵差既話實嚇死!!!

二人世界西式一湯一粉 - 9月18日 (附食譜)



Cullen Skink & 忌廉雞肉菠菜三色意粉

暫時出街我飲過最好味既Cullen Skink,應該係Cafe Gandolfi~ 不過我出街食飯好少叫湯做頭盤,所以其實都唔係試過好多地方! 我記得Cafe Gandolfi,係因為佢地真係整得好味道!!! 但自己整就係第一次嘞~ 之前睇電視見過Rick Stein 整,佢煮野一向簡單易學,一d都唔難~~~~


忌廉雞肉菠菜三色意粉


我用既係Spaghetti Tricolore,只係貪得意! 依個食譜可用任何意大利粉~~~


Cullen Skink (蘇格蘭煙黑線鱈魚薯仔湯)


2008年9月18日星期四

二人世界的四餸一湯 - 9月17日 (附食譜)



西洋菜煲粟米無花果; 金針雲耳紅棗蒸滑雞; 蝦米瘦肉紹菜粉絲煲; 蒜茸蒸茄子 & 涼拌麻香辣青瓜

奇蹟終於都出現嘞~ 一向唔鍾意食蔬菜 + 粉絲既老公,竟然話個蒸茄子 + 粉絲煲好味喎!!! 雖然佢夾得最多既仍然係蒸滑雞...青瓜直情掂都唔掂......不過茄子 + 粉絲煲佢食咗好多啊~~~~ 其實我係想佢食多d深綠色既蔬菜! 不過比起以前只要係蔬菜佢都唔鍾意,依個係好好既第一步......


蝦米瘦肉紹菜粉絲煲


涼拌麻香辣青瓜


蒜蓉蒸茄子


金針雲耳紅棗蒸滑雞


2008年9月17日星期三

二人世界的三餸一湯 - 9月16日 (附食譜)


西洋菜煲粟米無花果; 茄汁排骨; 蠔汁火腿冬菇釀竹笙 & 香煎美極大蝦

最近我養成咗一個習慣......


蠔汁火腿冬菇釀竹笙


香煎美極大蝦


茄汁排骨


2008年9月16日星期二

二人世界綠咖喱 - 9月15日 (附食譜)



泰式綠咖喱雞飯


泰國 - 綠咖喱雞


中秋Weekend Shopping 開心小發現 (9月13日)


我太鍾意買廚具嘞! 每個星期好似唔買過唔安樂咁款......


2008年9月15日星期一

容易取出蛋撻方法

聰明既老公除咗識得食之外,仲幫我唸埋方法 - 點可以容易d由蛋撻模攞個蛋撻出來!


 話說果日我論鬼盡,搞到冇鬼咗一隻蛋撻!


二人世界的三餸一湯 - 9月13日 (附食譜)



白菜菜乾無花果煲排骨; 糖醋豬肉; 豉油皇大蝦 & 西蘭花炒帶子


糖醋豬肉


西蘭花炒帶子


豉油皇大蝦


2008年9月13日星期六

去年今日之"孖T台灣婚紗記"(2007年9月14日)

去年今日並唔係中秋節...(btw 祝各位網友"中秋節快樂啊"~ )

去年我地喺香港影完婚紗相3日後,就起程去台北"薇薇新娘"再影過! 不過我地非常勇...........

(1) 2007年9月13日朝早最早果班機去台北~ 但我地9月12日晚同朋友唱K玩到差唔多通頂! 仲要係未執行李果隻!! 清晨4am 返去執行李 + 沖涼...瞓都冇瞓過就去機場食早餐~ 不過上到機未起飛就瞓死咗.....

(2) 到酒店check 咗in,洗個面就出去食野~ 食完野老公仲去咗西門町紋身!!! 之後再直落薇薇揀衫.....

(3) 返到酒店沖涼 + 準備第二日行裝.....終於零晨2am 先上床覺覺豬! 不過第二朝晨早6點就要起程去薇薇化妝.........

簡直能人所不能!!


 依張就係我地既油畫相嘞! 不過仲喺香港V家 - 太大攞唔到返來!

Related Posts Plugin for WordPress, Blogger...