合掌瓜煲鱆魚; 自製脆皮燒肉; 蝦皮炒蛋; 蒜茸白菜 & 自製韓國泡菜
星期日見到網友整南乳豬手，我又想整埋一份~ 於是去買豬手....點知去到中英行，死人butcher 偷懶早收工! 4pm 就乜鬼都收哂咁滯~ 豬手一隻都冇! 不過咁啱見到佢地收緊豬腩，而且豬腩幾靚，咁就豬腩都照殺啦!!! 反正老公食V 記燒肉好似食上咗癮.....今次係第3次燒燒肉，已經好熟手 + 幾有把握燒到皮全脆!
不過豬腩就好似越買越大舊! 上次食飯時老公問我 - 點解碟燒肉咁少既? 妳係咪一路燒一路食??? 
原來上次買果包蝦皮真係好鬼大包! 之前用來炒咗兩次菜，尋晚又用來炒蛋....不過蝦皮好似一d都冇少到咁!!!!!
自製韓國泡菜第一次試味，結果幾滿意 + 幾似韓國餐廳食到既，最鍾意係好爽口好脆~ 好食過死八婆韓國餐廳既泡菜多多聲!!!! 不過我可能太重手 - 鹹咗少少! 下次要輕手d嘞~~~ 不過之前網友都話咗我知要整多幾次先可較啱自己口味....但老公話太辣喎! (唓~ 就算一d都唔辣...只要係菜你都唔吼架啦!!! 我覺得辣味啱啱好喎~~~
)湯本來想試吓用壓力煲來煲...不過老公話要等佢喺度陪我先好試用壓力煲! 但尋日老公又話要開OT夜少少返，咁我唸住佢一返來可以快d開飯，所以佢未返來時就用返正常煲來煲湯啦! 點知佢又正常時間返來喎.....臨時搵到人同佢調時間! 壓力煲唯有再等下次先用啦~~~~~~
合掌瓜煲鱆魚食譜click here~
自製脆皮燒肉食譜click here~
蝦皮炒蛋食譜click here~
自製韓國泡菜食譜click here~
沒有留言:
發佈留言