西洋菜煲粟米無花果; 金針雲耳紅棗蒸滑雞; 蝦米瘦肉紹菜粉絲煲; 蒜茸蒸茄子 & 涼拌麻香辣青瓜
奇蹟終於都出現嘞~ 一向唔鍾意食蔬菜 + 粉絲既老公，竟然話個蒸茄子 + 粉絲煲好味喎!!! 雖然佢夾得最多既仍然係蒸滑雞...青瓜直情掂都唔掂......不過茄子 + 粉絲煲佢食咗好多啊~~~~ 其實我係想佢食多d深綠色既蔬菜! 不過比起以前只要係蔬菜佢都唔鍾意，依個係好好既第一步......
本來尋晚唔係煮粉絲煲~ 只係前晚唸住整大蝦粉絲煲時太遲先浸粉絲，咁浸咗冇理由嘥野，唯有改餐單~
上次去昆仲軒BBQ 時，佢地有個辣辣地既涼拌青瓜好好食! 咁我就想試吓自己整...點知網上既涼拌青瓜食譜幾乎來來去去都係甜酸! 尋日見Tesco 青瓜好靚好大條又好平，於是買條來做吓實驗 - 根據我食過記得既味道......整出來幾乎一模一樣味道喎!!!
西洋菜煲粟米無花果(參考食譜)click here~
金針雲耳紅棗蒸滑雞食譜click here~
蝦米瘦肉紹菜粉絲煲食譜click here~
蒜茸蒸茄子食譜click here~
涼拌麻香辣青瓜食譜click here~
T太果然係美食廚太!!!!!!
回覆刪除[版主回覆09/18/2008 22:24:00]thanks~ 今次冇搞錯咯喎!
我最鐘意應該係青瓜,睇到流哂口水
回覆刪除[版主回覆09/19/2008 18:33:00]我尋日又買咗條青瓜再整過!
2個人食 4餸1湯 好豐富呀
回覆刪除[版主回覆09/19/2008 18:34:00]我地生大食漬嘛~
兩個人食4個送,食唔食得晒架?比禽日多左一味喎!不過青瓜好細碟,應該好易消化既.再唔係,請埋隔離x太黎食啦..............
回覆刪除[版主回覆09/19/2008 18:44:00]依餐粉絲煲有剩少少囉!
個青瓜得我一個食架咋嘛~ 不過咁細碟係因為依碟只係實驗品 - 我怕第一次整得唔好味，所以只用咗半條青瓜!
我d隔離鄰舍全部都係鬼來~ 我煮既餸菜 + 湯對佢地來講應該好奇特.......
個粉絲煲好大份喎～ 食唔食得晒呀?
回覆刪除[版主回覆09/20/2008 21:17:00]依餐就係依味食剩少少囉!
呀其實唔好意思都想問句: 你99既廚藝如何呢? 係唔係佢煮既粉絲 / 菜唔得你愛人歡心所以你愛人先養成唔鍾意食菜的壞習慣呢??
回覆刪除[版主回覆09/22/2008 17:40:00]實不相瞞~ 過時過節大喜慶時，多數係62煮~ e.g. 勁野例如龍蝦 + 翅依d全部係62煮;
至於99......由我拍拖到而家結婚咗2年，隔個星期日返去食飯，咁多次個湯都係菜乾/ 西洋菜, 粟米, 紅蘿蔔, 無花果, 豬骨 / 豬尾...一定有西蘭花炒肉片...總之來來去去10個餸左右輪流咁煮! (都唔知有冇10個?) - 佢廚藝如何? 妳自己唸嘞!
我估你老公可能鐘意食啲入晒味既菜 , 你知啦, 紹菜同茄子都好易入味架嘛
回覆刪除[版主回覆09/25/2008 16:55:00]唔鬼知佢~ 總之在我來講 - 唔食菜就衰鬼格!!!
男人通常都係食肉獸
回覆刪除[版主回覆09/26/2008 07:18:00]依點我都知~ 但我完全唔明點解會有人覺得乜野菜都唔好食? 我覺得好正喎!