白酒忌廉蜆肉大蝦配墨魚汁長通粉

 1. 將蜆洗淨並瀝乾。

 2. Shallot 3至4粒切碎，用牛油和少許橄欖油爆香。(每次我用親shallots，都會有網友問我係乜來? Shallot 係一種比紅蔥頭大少少既洋蔥~ 有好似相中既圓波形，亦有比較長身既! 搵唔到shallot，可以用普通洋蔥，份量自己調較~~~~~)

 3. 炒至shallot 變軟後，加入白酒150ml 煮至滾，再加入蜆拌勻，蓋上蓋煮約5分鐘，煮時間中將煲左右搖勻，讓每隻蜆溫度平均地煮熟 + 沾上白酒汁。

4. 將廚房紙鋪在筲簊內，筲簊下放碗，將煮好的蜆倒入筲簊內，廚房紙會過濾出忌廉色的蜆汁，保留蜆汁備用。

5. 棄掉仍未開口的死蜆，將煮好的一半蜆剝肉，另一半蜆則保留蜆殼。

6. 墨魚汁長通粉 (可用任何長通粉或意粉~)，根據包裝指示煮熟瀝乾備用。

7. 燒熱牛油和少許橄欖油，再爆香切碎的shallot 3至4個至軟身，加入白酒2湯匙，炒勻至酒精蒸發掉。

8. 加入新鮮檸檬汁半個，並加入大蝦和蜆炒拌。

9. 轉中火加入200ml double cream 和蜆汁，拌勻煮滾，加入已煮好的墨魚汁長通粉，用海鹽和磨碎黑胡椒調味，最後灑上新鮮切碎的parsley 即成。