2008年12月30日星期二

祝君好~~~~ (12月31日)

轉吓眼又1年! 託賴2008年既我過得無憂無慮 + 開開心心~~~~

回顧2008年世界發生咗好多大事~ 但最令我印象深刻既係四川大地震 + 北京奧運...雖然一大悲一大喜,不過做人應該要向前看 + 正面~ 我慶幸無論係四川大地震或者北京奧運,都見到中國人既團結 + 進步! 而且無論是喜是悲,都令我學會更珍惜身邊所有既人、事 + 物~~~

早幾日睇新聞,知道四川大地震中失去妻子,但唔忍心留低妻子既屍體,而背妻騎電單車令全世界動容果位先生再婚~ 雖然我唔認識佢,但我好衷心祝福佢 + 新婚妻子生活幸福,白頭到老~~  

 同時希望其他大地震中失去家人或好友既受害者,都可以好似依位先生咁搵到幸福!


Two Fat Ladies City Centre - V's Happy 牛一 (12月29日)

尋日(12月29日)係我既牛一,不過老公要返工,但唔緊要啦~ 對於我依種貪心又為食既人來講,有禮物 + 有飯食就得架嘞! 反正之前4日連住係bank holiday,老公陪足我4日.......


 尋晚去咗試新餐廳 - Two Fat Ladies City Centre~ 食飯前緊係要先收禮物啦!


2008年12月26日星期五

二人世界聖誕火雞餐 - 12月25日 (附食譜)



聖誕燒火雞; 芽甘藍 + 紅蘿蔔; 周打蜆肉湯 & 香草蒜茸包

大家聖誕節過得如何呀????

英國既聖誕節同香港既聖誕節好唔同~ 香港聖誕節正日街頭會人頭湧湧,相當熱鬧,食肆坐滿食聖誕大餐慶祝既客人; 相反,英國聖誕節正日,所有店舖 + 絕大部份餐廳都唔會開,成條街好冷清,如同死城一樣! 因為聖誕節在英國來講,係一家人留喺屋企享受family time 既節日~~~~~


聖誕節 - 燒火雞 Classic Roast Turkey


2008年12月24日星期三

老公送既11份聖誕禮物 (12月24日)

今日(12月24日)老公收早,老公放工返來,同我出咗去食Christmas lunch,之後就去超市買埋聽日整聖誕火雞既材料~ 本應過咗午夜12點先拆禮物,不過我好心急想知有乜禮物,所以返到屋企就即拆!!!

禮物1: 老公親手做既聖誕咭

 今年依張係3D 立體pop up~ 主角當然係我 + 老公啦! (係咪好靚呢????)

Wham - Last Christmas


Merry Christmas Everyone!

從小到大,每年聖誕節我最愛 + 聽得最多既聖誕歌並唔係"Jingle Bells",而係Wham 1984年release 既"Last Christmas"!

2008年12月23日星期二

愛與狗同行 (This Darling Life)

今年睇過既戲,大部份都算好~ 就算唔太好既...都不至於太差! 依套<愛與狗同行>...真係一套真真正正既港"剷"片 - 完全破壞咗我今年幾乎冇睇過爛片既良好紀錄!!


套戲係返香港時買既VCD,我 + 老公都係dog person~ 見到有講狗既紀錄片,總會有d興趣! 今次老公好有先見之明 - 佢認為香港拍親依類片,大都係懶煽情想人喊; 喊唔喊我冇乜所謂,我志在睇狗仔啫!


2008年12月22日星期一

This puppy is not for life, just for Christmas! (12月21日)

老公下屬Janet 既媽媽年頭去世,剩低Janet 既爸爸 + 隻狗仔~ 於是Janet + 佢老公Sturat 帶佢爸爸去旅行過聖誕! 佢地去Florida 2星期,狗仔暫時由我地照顧......

 佢叫做Bonnie~ 係隻Cavalier King Charles Spaniel!

史上最騎呢既家居意外 (12月20日)


1粒蒜頭...1隻玉手; 1個竹鑊剷; 再加1個竹砧板......究竟佢地有乜野關係呢???

二人世界的三餸一湯 - 12月20日 (附食譜)



蛋花粟米羹; 薯仔炆豬肉; 香煎魚餅 & 蒜茸炒白菜仔

weekend 我多數都唔煮飯,加上星期六生理痛,更加唔想煮~ 不過一早解凍咗包魚漿,如果唔煮,恐防會嘥野,唯有硬飳頭皮煮多餐!


香煎魚餅


依度冇香港街市果種鯪魚肉賣,不過最近喺中國超市買到一種急凍魚肉 - 七星魚漿!

2008年12月20日星期六

二人世界的四餸一湯 - 12月17日 (附食譜)



紅蘿蔔蜜棗煲螺頭; 香蔥雞肉卷; 回鍋肉; 韭菜炒蛋 & 白菜仔炒豆腐卜

英國買餸真係麻鬼煩!!!! 想食乜都係pack 好哂,唔可以好似香港咁 - 要幾多買幾多~~~ 豆腐卜 + 韭菜都已經買最細包,不過一餐真係冇可能食得哂!  唯有唸多幾個煮法食多餐......


紅蘿蔔無花果螺頭煲瘦肉


香蔥雞肉卷


回鍋肉


韭菜炒蛋


2008年12月16日星期二

二人世界的三餸一湯 - 12月15日 (附食譜)



雪耳玉竹紅棗雞湯; 薯仔炆豬肉; 椒鹽炒鮮魷 & 韭菜炒豆腐卜

早幾日買咗個椰子唸住煲椰子雞湯,尋日洗好哂預備好哂其他所有材料,先去開個椰子~ 開椰子前,我已經覺得好奇怪 - 椰子裡面唔係應該有汁既咩?? 

薯仔炆豬肉


此食譜可用排骨、雞翼或雞件來代表豬肉~ 我用既係肥瘦相間既spare rib chops,不過我唔知中文係乜......


椒鹽炒鮮魷


依個原本係BBC Saturday Kitchen James Martin 既食譜(經我改良~),係椒鹽"炒"鮮魷,唔係炸既!

韭菜炒豆腐卜


雪耳玉竹紅棗雞湯


2008年12月15日星期一

空虛聖誕樹 (12月14日)


本來唸住weekend 去愛丁堡既German Market,不過見天氣唔多好,感冒又啱啱先好返...所以唔係好想去街,費事一陣感冒又來料就死嘞!!!


2008年12月12日星期五

會撒嬌的老婆最幸福!??!?!? (12月11日)

每逢聖誕前咁上下時間,老公都要出南下出trip 3日2夜; 不過今年經濟唔好,佢銀行要削減開支,所以依個trip 由3日2夜,變成即日去即日返! (Yeah~~~~ )


我既感冒仲未清,似吊靴鬼咁跟住我時好時壞!!! 

尋日卒之頂唔順要睇醫生~ 不過撞正老公就係尋日晨咁早出trip,車唔到我去Health Centre......不過只係10分鐘路程啫!
睇完醫生返屋企食咗藥,情況不單止冇好到...感覺仲衰咗添! 

孖T香港日食夜食2008 - 麻麻地篇

香港貴為美食天堂,不過樹大有枯枝~ 有好好食既...亦有普普通通...麻麻地...+ 完全唔掂!

我個人鍾意先甜後苦~ 咁講完好食既......而家就輪到唔係咁好食既!

>>>>>>>>>>>>>>>>>>>>>>>>>>>>>>>>>>>>>>>>>>>>>>>

越南人: 有日我 + 老公陪V爸爸喺舖頭附近食lunch,本想去隔離街一個我覺得好好食又好平既越南餐廳,點知依間餐廳已經執鬼咗......於是就去咗舖頭轉彎(即金魚街轉角果間)既越南人~

 食越南野我一定會食香茅豬扒~ 我 + 老公都係要香茅豬扒飯; 以味道來講都合格既...只係合格之喎~ 唔係好味喎! 而且豬扒又少又薄唧唧......

2008年12月11日星期四

孖T香港日食夜食2008 - 好味宵夜、口痕篇


孖T 食乜鬼宵夜......


孖T香港日食夜食2008 - 好味午餐篇


返到香港我 + 老公又點會食得咁少野呢!?!?? 不過冇理由3個星期逐日講架嘛~ 所以而家先來個總結!

雖然香港係飲食天堂,但有好食既,當然亦有唔好食既! 不過始終大部份都係好食既!!!

先講好食既~ 排名不分先後......

二人世界的三餸一湯 - 12月10日 (附食譜)



霸王花煲豬踭; 香煎南乳金針釀雞翼; 蠔仔煎蛋 & 炒菜心

尋晚老翻咗2個V媽媽既餸......

香煎南乳金針釀雞翼


蠔仔煎蛋


2008年12月10日星期三

一個人雞粥 & 二人世界的三餸一湯 - 12月9日 (附食譜)



霸王花煲豬踭; 菜薳牛肉; 雞粒火腿燴豆腐 & 清蒸黑立魚

一係懶到乜都唔鬼煮一大輪...煮開就上癮地煮個不亦樂乎!

雞粒火腿燴豆腐


依個本係"史雲生清雞湯"既廣告食譜...經我改良!

菜薳牛肉 / 翠玉瓜炒牛肉


霸王花無花果煲豬腱


生滾香菇滑雞粥


老公對粥品麻麻地...不過我就好鍾意食粥~ 尤其天寒地凍食一碗即時全身暖哂!

2008年12月8日星期一

腳仔暖笠笠過聖誕 (12月7日)

今次返香港,發現街上鞋舖賣緊既流行boots 款式,無論係高筒、中筒、ankle boots、高踭、低踭、平底、漆皮、流鬚......每個款式我都已經有1對或以上! 所以今次喺香港我破天荒地只買得1對新款Crocs 膠鞋......

雖然我已經有好多boots,但我一路都想買返對ug boots~ 其實我覺得ug boots 好醜樣!!!! 不過我又真係有咁既需要 - 因為一到冬天,我腳就超冰冷~~~

Ug boots 最出名既牌子當然係來自澳洲既"UGG"~ 好多明星都有對! 早排喺鞋舖試過上腳,真係又暖又舒服! 不過我當時冇買到...因為(1) 我真係唔多鍾意個樣; (2) 感覺鞋底好化學好易磨蝕,最平果對都要£120,以佢個咁既鞋底來講...我覺得唔值! (3) 冇我size!

我腳細又有扁平足,要著3號半至4號鞋~ 可能英國女人多數腳大,所以鞋店入得比較少細size??? 明星效應又搞到個個都買對ug boots,長期冇我size!
 不過我又真係需要1對可以keep 到我對腳暖既鞋喎.....

 尋日(12月7日)行街,比我搵到對筍野 - Bearpaw~ 

Glasgow Christmas German Market


早幾日見網友Samwei blog 介紹伯明翰既German Market,先醒起 - 係喎~ Glasgow 個German Market 應該開咗咯喎!!!! (之前完全冇咗件事......)


塞翁失馬 (12月7日)

返香港時喺金巴利道既小韓國街,買咗枝用來整泡菜既辣椒粉,所以星期六(12月6日)就去買材料,唸住再整泡菜~ 點知返到屋企先發現忘記咗買韭菜! 所以尋日星期日又再去泗和行...不過泗和行冇哂韭菜!!! 

 於是拿拿淋去中英行...都冇!!!
不過已經買咗白蘿蔔 + 大白菜...今次既泡菜唯有放棄用韭菜啦!

>>>>>>>>>>>>>>>>>>>>>>>>>>>>>>>>>>>>>>>>>>>>>>

不過此行喺中英行竟然有意外驚喜發現!!!!

我好鍾意食釀三寶、魚肉釀辣椒...依d咁既菜式~ 不過礙於依度一路都買唔到鯪魚肉,所以一路都冇得整......

早排見英國網友Samwei 話佢果頭既泗和行,有一隻急凍魚漿可以用來整魚餅,不過我去過我依頭既泗和行就搵唔到......


 尋日竟然比我喺中英行意外地搵到喎!!!!

另一隻好好味既Sainsbury&#39;s 雞肝醬 & 好鬼難飲既Jamaian 可樂

依個weekend 試咗幾樣新野~ 有好有唔好......

越來越鍾意Sainsbury's!

星期五晚特登去Sainsbury's,本來想買上次試過好好食既"野菇雞肝醬",點知去到冇咗上次果隻...但就因為臨近聖誕,多咗好多其他牌子 + 口味既雞肝醬!!!  


 今次買咗Sainsbury's 自家出品既"覆盆子紅酒雞肝醬"~ 超好味!!!! 

Related Posts Plugin for WordPress, Blogger...