和民: 我 + 老公都好鍾意食和民! 佢地經常轉餐牌，好似我地咁每年先去到一、兩次和民，去親都覺得好有新鮮感! 果日去旺角既便所餐廳 (Modern Toilet)，見到隔離係和民~ 於是當晚行完旺角，就去咗和民食宵夜!
睇日本漫畫，成日見到佢地食一種叫做"竹筴魚"既燒半乾魚乾~ 雖然只係公仔，但我成日都覺得 - "竹筴魚"一定好好味!
不過我從來都未試過 + 冇機會試......
花園餐廳: 夜遊旺角之後，食埋宵夜先返沙田，於是去咗花園餐廳鋸扒~~~ 花園餐廳係其中一間我以前好常去既餐廳! 價錢大眾化得來...仲大大份~ 好抵食!!
P.S. 依餐宵夜之前果日，老公患腸胃炎死吓死吓咁款~ 不過第2日已經好返哂...就即刻食雜扒餐!! (死未??) 佢又好野喎 - 腸胃炎冇翻發喎~~~~
銀龍: 今次我先發現 - 原來旺角有2間銀龍果喎! 不過我覺得花園街依間好食好多~~~ 是晚宵夜......
莎莉蛋糕 & 維他錫蘭檸檬茶: 食宵夜唔一定要出街食既~
有一晚我就特登買咗盒莎莉牛油味蛋糕返去做宵夜嘞! 
>>>>>>>>>>>>>>>>>>>>>>>>>>>>>>>>>>>>>>>>>>>>>>>
太6299朝朝都晨咁早起身去飲早茶，雖然我地好眼瞓，但都會盡量起身陪佢地飲茶......
之但係...我地夜一夜先瞓，咁早起身一時間緊係一d胃口都冇啦! 而且朝朝去同一間酒樓...order 一模一樣點心!
"陪飲"完之後搞吓依樣果樣...都差唔多時候食lunch! 所以基本上我地喺香港冇乜機會食早餐.....
大家樂早餐: 有一朝我地陪飲完之後，經過大家樂，我同老公對望咗一陣...就入去食咗2個好味既早餐!
P.S. 我覺得好味係因為......我好鍾意食雞肉腸! 不過依度又係冇得賣既!!!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>
發口痕: 老公唔太鍾意蛇羹...其實佢覺得好味~ 只係唔鍾意蛇依個idea! 不過我無論咩時候返香港 + 無論幾多度...都一定必食!
街邊小食檔都係我地開餐地方! 老公鍾情雞蛋仔; 而我就愛牛雜, 釀三寶, 辣魚蛋.....(都好多吓~~~~)
P.S. 寫到依到...開始有d懷疑自己係咪嫁錯咗老公!?!?! 定係老公揀錯地方投胎??!?!? 點解英國乜鬼都冇得賣??!?!?????????
哈.......你兩公婆真係乜都食, 仲要食得咁鬼happy.......搞到靚豬好肚餓呀........
回覆刪除[版主回覆12/12/2008 19:44:00]香港係美食天堂嘛~ 喺天堂緊happy 啦!
就快到妳啦!
差唔多講得出嘅,你哋都試勻晒~勁
回覆刪除[版主回覆12/12/2008 19:46:00]未架! 我今次仲有好多野想食但冇時間食架!!!!
不過得3星期...都算係咁咯~~~
有d野食係要好掛住先覺得好食架, eg茶餐廳&大家樂, 我在香港日日都對住佢地就無幾多感情喇, 相反我好掛住韓國的辣雞鍋, 因為香港無得食~
回覆刪除[版主回覆12/12/2008 19:54:00]妳依d咪叫做身在褔中不知褔囉 (口褔)!!!
反而我覺得韓國冇乜好食喎......連街邊檔對我來講都唔係好吸引!
睇你地食得甘滋味,好似去左旅行甘既款.但身在香港既我,又無呢種mood既?真係犯賤!!
回覆刪除[版主回覆12/12/2008 19:57:00]只要妳喺英國留一星期，
包妳即時感受到我既mood!!!!
Hello Mrs T
回覆刪除All the yummy food on photos makes my mouth start to water....
Among all the food, I miss specially beef's organs, fishballs and HK style milk tea.
Mrs T, it has been a while that I visit your blog, I found that your husband has become more and more 'round'. So, I'm sure your cuisine must be excellent and he enjoys it! However, you're still as beautiful and slim as the first day of your blog! Congratulations!
Have a good weekend!
[版主回覆12/12/2008 20:05:00]Hello there~
apart from the family, the next best thing about going home is the food! do you have any plans going home?
haha~~~ you're not the 1st one saying that my husband has put on weight! im the one who eat a lot but wont put on weight, unfortunately he's not~~~~~
個人認為,去花園餐廳鋸扒好過去金鳯,純綷個人口味,不喜勿插!!
回覆刪除學整莎莉蛋糕??????唔好反啦!!
你一定冇嫁錯老公,只不過係英國嘅道地小食,餐廳街邊皆如是......毫無特色啫!!
[版主回覆12/12/2008 20:12:00]我點解會 不喜而插呀??? 妳話"去花園餐廳鋸扒好過去金鳯"...
我鍾意花園餐廳喎! 咁咪好囉~~~~ (定妳打錯野呀????)
再講各人口味都唔相同~ 冇插既需要!
我上過網搵莎莉蛋糕食譜架.....有呀! 不過果個人焗完都話唔似.......
唔好意思,我冇打錯,係我手痕打多兩句啫,因為好多人都話金鳯鋸扒可能係The best of Hong Kong,又突然諗起喺某處有好多人發表完又寫句咁嘅嘢,覺得幾搞笑,就借嚟用吓,冇咩特別意思,不過真係唔好插我手痕呀!!
回覆刪除梗係唔似啦,咁個食譜冇有話要落防腐劑/澎張劑/基因改造麵粉/大量人造色素同由實驗室高度精密科學計算研究而成嘅絕對非天然只有人工合成至有嘅化學香料吖??如果冇以上材料嘅話,就梗係唔似啦!
homemade 愛心蛋糕嘅天然美味又點可以同流水式作業嘅機械化生產嚟相比喎!!
[版主回覆12/12/2008 22:29:00]我冇去過 金鳯，搵次我都想去試吓!
我覺得莎莉蛋糕好正喎!!!!! 好味到就算裡面有乜我都唔介意~ 講真，好多時坊間流傳 - 食乜乜會點點點 / 有乜乜又會生物物...有大部份根本係傳媒誇大真實性! 早排英國報紙夠話三文魚會食到人生cancer...但事實並唔係咁~ 只係佢地習慣乜都發大來做，製造新聞話題.......
to be honest 我覺得防腐劑, 基因都係好事來! 延長食物保鮮時間，減少浪費,，增加產量whatever...咁太多就緊係唔得啦! 但其實乜野太多都係唔好架啦~
好似有人唔食煙都生lung cancer; 有人日日幾包都冇事~ 我覺得防腐劑 / 基因etc 既害處都係同樣道理~~~
哦,咁我講吓笑啫,自己用心整就算差啲啲都係好味,就好似食住家飯我冇乜要求,當初發明防腐劑或基因改造嘅人都係想造福人群,解決糧食問題,係後來有啲人,或者一啲無良商人,不斷利用嚟做啲唔係咁好嘅事啫!!
回覆刪除我覺得有時除咗人夾人綠之外,人嘅基因都可能要同食物嘅基因講夾唔夾,有啲人真係成世不健康飲食,缺乏運動,都冇咩事發生,有啲人食多隻蛋都話唔得,身體過度反應,有啲人食齋好健康,有啲人就唔食肉一定唔得,巧奇怪!
不過點都好,阿so煮嘢食雖然麻麻,不過佢有一套格言我好認同,就係如果要我乜都只係講健康,但完全食而無味嘅,就寧願死快啲好過!
[版主回覆12/13/2008 01:34:00]係呀~ 好似我有個親戚，去麥當勞order 魚柳包一定唔要汁; 有d朋友又話依樣果樣太多油/膽固醇，依樣又話唔食，果樣又話唔食...出親來食飯都食到就住就住，見到佢地咁都有少少忟架!
唔係話唔洗講健康要好放縱咁食野~ 只係唔洗太刻意囉! 食乜都只講健康，唔講求味覺享受...咁做人太冇趣味嘞~~~~
一睇你個blog又好肚餓～下次都係食飽先嚟探你！
回覆刪除細個時媽咪都好鍾意同我去花園餐廳架～好懷念～
[版主回覆12/16/2008 20:05:00]我都係呀 - 花園餐廳我由細去到大! 除咗扒之外，佢地其他野我都好鍾意食e.g. 芝士吞拿魚意粉~~~~ 唸起都流口水....
估唔到你去銀龍食woo...lee間野比我感覺係飛仔餐廳黎ga..我入過一次都怕怕可能我去個間係旺角la..
回覆刪除花園餐廳d扒餐其實都差左la..我都好耐冇食過lu...
[版主回覆12/16/2008 20:13:00]其實我覺得香港間間茶餐廳都係品流覆雜架啦! 我去食野之嘛，我又同老公一齊嘛! (佢同妳 + 妳相公一樣 - 係跆拳道中人! ) 不過最主要係 - 我不犯人，人都不會犯我~~~ 最緊要食物好味! 我今次去2間銀龍都喺旺角架，不過有一間係花園街好多小巴果頭，我覺得果間好味好多~~~~