老公對粥品麻麻地...不過我就好鍾意食粥~ 尤其天寒地凍食一碗即時全身暖哂!
1. 雞脾肉去皮切塊，用胡椒粉、雞粉、生抽、糖、薑末少許和豆粉醃好。
2. 冬菇數隻浸軟後，搾乾水及切絲，和雞塊撈勻同醃過夜。
3. 煲好瑤柱白粥 - 米 + 水比例為1:6~
4.
如用有骨雞脾拆肉的話，可留起雞脾骨，煲粥時放入粥內同煲，增加粥既鮮味! 待粥煲好後才取出雞骨。5. 待粥煲好後，加入雞塊和冬菇絲滾數分鐘至雞塊全熟，灑上薑絲和蔥花即成。
快速煲粥法
早排睇到一個video 教人用好快既方法煲粥~ 今次第一次試，真係好得!!
- 先洗好米並隔去水份，用碗盛好放入冰格;
- 到煮粥時，將已雪成冰既米倒入滾水之中煮;
- 米經過一暴冷一暴熱，米粒既組織被破壞，約10至15分鐘就可以煮出一鍋平時要2小時先煮到，而且好綿既粥架嘞!
多口一問:
回覆刪除那, 米的營養會不會被破壞?
[版主回覆12/10/2008 21:32:00]依個我就唔知嘞......
不過米本身最有營養既胚芽部份，喺加工時已磨鬼走咗...白米營養一早已冇得7788啦! 反正都冇乜...不如慳返d能源~~~
我都睇過依段片，不過我未試過！等我又試下先^^
回覆刪除[版主回覆12/12/2008 06:59:00]果段片快到3分鐘都唔洗~ 不過我果日煮時，點都要最少15 - 20分鐘!!
如果又雪d米又用高速煲會點呢?會唔會快過煮一個公仔麵呢?
回覆刪除[版主回覆12/12/2008 20:35:00]高速煲!!?!? 唔洗嘞啩......
唔好意思 , 你可否比條 link 我睇下 ( 快速煲粥 )…
回覆刪除[版主回覆07/16/2009 15:48:00]妳唔明我寫乜咩? 原本台灣個video 冇咗嘞，不過我搵到開心大發現個版本~ (班人好嘈好鬼煩!!!!)
http://www.youtube.com/watch?v=JB7zo3U2nHk
嘩...依個我一定要學,因為我好易煲燶d粥,等我試下先!
回覆刪除[版主回覆07/16/2009 21:33:00]依個方法係零失敗包成功! 我而家煲親粥都一定會用依個方法，慳水慳電~~~
真係冇聽過呀~ 勁! 慳好多時間! 又要記低試吓先~
回覆刪除[版主回覆02/09/2010 22:09:00]我都係上網睇返來架咋! 咁我試過又真係好得喎~ 除咗慳時間，仲慳能源呢!
D米有無話要雪幾耐ar?
回覆刪除[版主回覆02/12/2010 19:33:00]雪到變冰為止~
我頭先雪咗半個鐘, 但好似唔係幾WORK
回覆刪除[版主回覆02/15/2010 03:42:00]半個鐘根本唔會雪到變冰! 咁緊係唔work 啦.......妳試吓雪過夜啦!
I just started reading your blogs last week and found this great idea.
回覆刪除Thank you so much for your post. I am a working mom with 2 kids, 3 yr 8mths and 8 mths. It is so helpful. It's shortened so much my time.
[版主回覆01/21/2011 18:57:00]hello and welcome wong mo!
you're welcome~ yes this is a very effective way to cook congee.
good呀!好實用, 睇你個blog真係學到唔少野~ thanks!
回覆刪除[版主回覆01/21/2011 18:54:00]唔洗客氣! 我都係將我自己學到既同大家分享啫~
你好，你的分享好實用，我可以把你的link分享到我的blog嗎？ 我的blog site: http://irisyuen.pixnet.net/blog/post/26750670 如果不方便，我就把連結刪除，謝謝！:)
回覆刪除[版主回覆02/11/2011 00:47:00]無問題~ 隨便用啦!
你可以試吓加腐竹煲，呢個方法係我係樓下粥鋪見到嫁，會綿D嫁
回覆刪除[版主回覆05/02/2011 09:58:00]我都知加腐竹來煲白粥會綿d~ 不過唔知點解我依度買既腐竹好難煲得爛......