孖T返香港2008: 尖沙咀聖誕燈飾 (11月20日)

有日搭過海巴士返過九龍，見到對岸既尖東已經換上聖誕燈飾~ 我都好多年冇喺香港睇過燈飾，所以襯臨返英國前，特登去尖東影吓相......

老老實實...講靚其實我唔覺得好靚~ 而且硬係覺得構圖有少少"娘"!

 不過未到12月，尖東海旁一入黑就咁多人來睇燈飾 + 影相，真係已經好有聖誕節既歡樂氣氛!

 星光大道開咗咁耐我都未去過~ (其實係因為冇乜興趣!) 於是同老公拍拖漫步海旁行去天星碼頭~

 行行吓見到劉德華......個手印~~~~

 海港城都整到靚靚~

 以前細個返學，老師教"香港係東方之珠"...當時真係唔係好明! 唓~ 有乜咁靚啫?? 燈來之嘛...

人大咗...唔知係因為去既地方多咗睇多咗?? 定係睇野角度唔同咗????

 我發現香港依個喺世界地圖只得一點既地方，原來真係好靚~~~~~

每當聽到有外國人讚香港夜景好靚既時候，我就會覺得好自豪 + 沾沾自喜喜...感覺好似讚緊我靚一樣!!!

(Glasgow George Square 既所謂聖誕油燈飾...我來咗咁多年......咁多年都係一模一樣~~ 真係睇到想嘔!!!!

)