2009年7月31日星期五

二人世界三餸一湯 - 2009年7月31日 (附食譜)



蕃茄銀芽肉碎湯; 節瓜瑤柱炆肉碎; 蠔仔煎蛋 & 炒菜芯

上個星期六買咗隻好靚好大隻既節瓜唸住用來滾鹹蛋肉片,點知星期日返6299度食飯,99割咗一大札自家種芥菜仔比我地...星期二滾咗芥菜仔鹹蛋肉片湯,所以隻節瓜留到今日......

節瓜瑤柱炆肉碎


外脆內軟~ 最終成功"日本麵包2號"!


尋日(7月30日)跟住卡通片"日式麵包王"用電飯煲焗咗個"日本麵包2號",不過外表 + 質感都唔多似樣......

2009年7月30日星期四

改良咗既牛油排包 & 唔多似樣既日本麵包2號

尋日我收爐一天冇搓包......老公一放工返來即時直入廚房,跟住行返出來一臉失望地問我: Hon~ 今日冇麵包既???2.gif picture by veronica_tsim
哈哈~~~~ 睇來老公真係好鍾意食我整既麵包!!  於是今日一次過整2個唔同既麵包比佢歎 - 牛油排包 & "日本麵包2號"!

上次整既牛油排包,有網友指出覺得個皮太燶~ 雖然第二朝麵包裡面仍然好軟熟,不過我都覺得個皮真係好乾! 今日我再整排包時,就唸辦法改善~~~~

我一直都懷疑自己個焗爐太熱 - 我照住麵包書既食譜用200C焗10-15分鐘,不過焗10分鐘已經好乾好深色! 所以今次我改用180C焗15分鐘......

 出來效果果然好過之前果次好多,皮金黃得來又軟又薄!

2009年7月29日星期三

二人世界的三餸一湯 - 2009年7月28日 (附食譜)



芥菜仔鹹蛋肉片湯; 黑椒汁焗豬柳; 砵酒焗肉碎生蠔 & 蒜蓉炒蠶菜

天氣熱少咗煲老火湯,老公鍾意飲滾鹹蛋湯,不過之前來來去去都係滾芥菜,weekend 去泗和行買餸,見到節瓜好靚,於是買咗隻唸住用節瓜滾鹹蛋~ 點知星期日返6299度食飯......

砵酒焗肉碎生蠔


2009年7月28日星期二

牛油排包


我好鍾意食充滿牛油香又軟熟既排包~  今日第一次學整,結果好成功!  以後唔洗等到返香港先有得食嘞!!!!_2157.gif picture by veronica_tsim

(今次既食譜係來自我另一本麵包書 - 專業麵包甜品製作 by 周健文 & 蘇少珊~)

我的麵包蛋糕書

我除咗鍾意睇書,仲因為我鍾意煮野食,所以我都好鍾意睇食譜書~~~

就算一道我已經學識咗煮既菜,我都好有興趣睇吓其他人既煮法,比較吓同自己既煮法有乜唔同,睇吓有咩地方可以改善,所以我屋企都有幾多食譜書~ 而我最弱果環 - baking,就有6本麵包蛋糕書......

我會上網買好多書,甚至小菜食譜都有......但唯獨麵包蛋糕書我一定唔會上網買,買前我一定先要立過內容先決定買唔買~ 因為對烘焙仍然超新手既我覺得 - 自己唔熟悉烘焙方面知識,所以更加要小心選擇適合自己程度用既麵包蛋糕書; 加上我鍾意港式麵包蛋糕,所以我多數會襯返香港時先會買烘焙食譜書!


 依幾本係我用開既麵包蛋糕書......

2009年7月26日星期日

自製街邊風味 - 雞蛋仔


街邊風味~ 老公食到"lam lam"脷!_1573.gif picture by veronica_tsim

2009年7月24日星期五

Gran Torino - 驅‧逐 (2009年7月23日)

早幾日睇完Clint Eastwood 執導既"Changeling",對依位金像導演所執導既戲更有信心 + 更有期望! 於是租埋佢近期另一部自導自演既"Gran Torino" (驅‧逐),果然冇令我地失望!


自製午餐肉包


食譜來源 - "香港麵包" (邱勇靈編著)


我愛廚房之二人世界瘋牛症 - 2009年7月21-23日 (附食譜)

最近我既瘋牛症 - "狂想食"又發作!  好想食燒大舊牛,不過唔知係咪因為經濟唔好呢? 好耐都冇見過Asda 果隻Extra Special 28 days matured Beef Rib Joint......咦~~~~~ 人地燒牛肉指定要用依隻牛架嘛!!!!

唯有退而求其次改食西冷扒.......不過唔知係咪因為西冷唔夠大舊牛食得咁痛快,之前果晚先食咗西冷,但"藥力"一過,第二晚牛肉癮又來發作!!! 所以.......

 一連食咗三晚西冷扒!!!!

 星期二晚......

2009年7月23日星期四

自製腸仔包


2009年7月22日星期三

The Curious Case of Benjamin Button - 奇幻逆緣 (2009年7月22日)

剛剛睇完"The Curious Case of Benjamin Button".......David Fincher 真係令我好失望!!!

先講講點解我想睇依套戲......

(1) 最主要係David Fincher...erm.......或者應該話係"Se7en"(七宗罪) + "Fight Club" (搏擊會)先啱! 個人覺得David Fincher 所執導既戲水準都幾參差 e.g. 高水準如"Se7en" + "Fight Club"好得好緊要; 但其後既"The Game" + "Panic Room" (房不勝防)就相當麻麻 ......不過每次我聽到David Fincher 個名,都會令我唸起"Se7en"有幾咁好,從而令我有興趣睇David Fincher 既其他作品!

(2) 題材新穎 - 一向大部份有關年齡既奇幻劇情片,都係講主角突然長大變老e.g. Tom Hanks 既"Big" + 劉德華既"童夢奇緣"; 但"奇幻逆緣"剛剛相反,主角Benjamin Button一出生外表反而係老年,越長越後生,甚至變回童年~ 但只限外表,而健康心智就如正常人一樣......依個"倒過來"既題材,就如當年我地港產既"無間道" - "古惑仔混入警隊做臥底"既idea 一樣咁新鮮!


有唔錯既題材,加上對導演有一定信心("Se7en"實在太好嘞!!!_1856.gif picture by veronica_tsim),所以我覺得"奇幻逆緣"應該都會係一部好戲......好可惜 - 期望越大,失望亦越大!

越洋而來既新玩具 (2009年7月22日)

英國現時既中式超市,雖然已經比十幾年前我初來報到時進步咗好多! e.g. 以前英國買唔到既食物 / 用具,而家間中都可以喺中式超市搵得到~ 不過貨源唔穩定,而且賣得好貴......所以有時唔急用既野,唯有等到返香港時寫定張list 好似執藥咁照執!


實在有太多野喺英國買唔到嘞!!!  有時好想要一樣喺度買唔到既野,我就會轉向internet shopping; 不過因為好多時我想要既野太刁鑽,internet shopping 都買唔到,依個時候就要靠香港親朋戚友既幫忙!

2009年7月21日星期二

Changeling - 換命謊言 (2009年7月20日)

而家英國上完戲院既戲,出DVD 比以前快咗好多! 以前幾乎每個星期五晚都會約埋朋友去睇新戲子夜場,而家幾乎完全冇依支歌仔唱~ 亦好耐冇同老公去戲院睇戲,有想睇既戲,都等DVD 出咗時租返屋企睇!


早排租DVD 睇到Angelina Jolie 既"Changeling" (換命謊言)預告片,雖然我並唔鍾意Angelina Jolie,不過只睇trailer 都覺得故事好吸引! weekend 去DVD shop,終於都租咗返屋企......

自製菠蘿包


二人世界9唔搭8套餐 - 2009年7月20日 (附食譜)



巨無霸薄餅 & 蕃茄銀芽碎牛湯

點解依個組合咁古怪既呢? 因為係我個古怪老公既主意!

星期六晚整薄餅仲有些少材料用剩,而且整pizza 好好玩~~~ 所以決定趁熟手再整多次! 本來我想整海鮮pizza,不過老公話都係想要雞肉...但我又唔想整同上次一模一樣喎,於是叫老公揀多一樣有少少創意既材料......

佢竟然揀咗煙肉!! (都好~ 煙肉減價! 哈哈~~~ )

2009年7月19日星期日

又食又拎~ 泗和行蘇格蘭華人足球7人杯 (2009年7月19日)

今日係損友們大日子 - "蘇格蘭華人足球7人杯"~


除咗因為損友們有份參賽之外,仲因為損友們係搞手之一,佢地早2星期已通知我 + 老公一定要出席支持!!_1575.gif picture by veronica_tsim

二人世界終極足料薄餅 - 2009年7月18日 (附食譜)


(叫老公做一個"真心地對依個pizza 感覺既表情" - 即唔一定要比面我扮到好好食果隻! 但佢依個樣 - 十足十有人用槍指住佢逼佢食咁款.......)

2009年7月18日星期六

V記巨無霸薄餅


2009年7月17日星期五

再戰瑞士卷 - 25%失敗瑞士卷實驗 (2009年7月17日)

有錯,大家今日見到既......仍然係一個甩皮瑞士卷! 而且甩得比尋日果個更嚴重!!!!
 (至於一忽忽果部份,唔係比我搣爛咗~ 只係我為食搣咗來食......)


由於尋日既錯誤 - 我將剛出爐既蛋糕倒扣喺竹砧板上,令蛋糕嚴重甩皮; 於是今日我就將蛋糕倒扣喺牛油紙上面,結果蛋糕甩皮情況更加嚴重!!!!!

我終於明白錯喺邊度! 就係.......

蛋糕出爐後,唔應該即時反轉倒扣!!!!!!!!

2009年7月16日星期四

半失敗瑞士卷實驗 (2009年7月16日)

間中會有網友讚我煮野食叻,雖然我會好開心 ,但我會好老實咁答佢地 - 我並唔叻!

我並唔係"懶"謙虛...事實上我每次煮 / 整一樣新食物,我都係抱住做實驗既心態 - 預咗第一次唔會成功,要嘗試多幾次先可以掌握到技巧! (尤其係我最唔在行既baking......) 只係好多時"撞彩地"一次過就叫做成功~~~~_364.gif picture by veronica_tsim


就好似今日我既第一卷 - 瑞士卷......不過我唔會叫依個做失敗~  因為對我來講 - 已經成功咗一半!

Related Posts Plugin for WordPress, Blogger...