中式點心 - 自製香滑腸粉

 1. 先預備一塊未經漂染的白洋布 (unbleached calico)作腸粉布~ 白洋布係好多點心師傅最常用既腸粉布，售價便宜，一般布店好容易買得到。

 2. 將白洋布洗淨，鋪在淺的長形金屬盆內(e.g. 我用焗爐焗盆)。

 3. 粘米粉200ml、清水600ml、粟粉2湯匙、油1茶匙和鹽半茶匙拌勻成粉漿。(粘米粉和水的比例為1:3~)

 4. 將調好的粉漿倒在白洋布上，粉漿要平均而薄薄地剛好足夠鋪上整個焗盆底部一層。

 5. 放入鑊中大火蒸約3分鐘。

 6. 將蒸好的腸粉連白洋布反轉倒在平滑的平面上。

 7. 襯熱快手撕開白洋布。(腸粉溫度越涼越難離布~ 不過快手得來要小心弄穿腸粉!)

 8. 將腸粉卷好切件上碟，淋上腸粉豉油和料即成。

9. 腸粉豉油 - 我用甜豉油加清水開勻; 或可用生抽、老抽和糖煮溶試味。

NOTE

- 我比較鍾意食乜材料都冇既齋腸! 但如要加入餡料e.g. 羅漢齋、鮮蝦、碎牛肉、豬潤、叉燒.....等材料，可在蒸腸粉一半時間後加入餡料，再蒸餘下時間;

- 食齋腸我會加腸粉豉油、芝麻醬和辣醬~

 我用既係依隻日式芝麻醬!