Orange Walk Glasgow 2009 (2009年7月11日)

來咗英國咁多年，每年一聽到街上傳來Orange Walk 既進行曲聲音，我就知道英國既夏天"真正"開始咗!

基本上我完全唔知Orange Walk 既意義，亦唔想知 - 因為真係好煩 + 好嘈!!! 只知Orange Walk 始於北愛爾蘭; 同基督教有關; 每年夏天都一定會有 - 不定期 + 一定唔止一次! 係一個有樂隊演奏既遊行活動~~~~ 我雖然並冇宗教信仰，不過我會尊重人地既宗教~ 之但係我真係覺得Orange Walk 相當擾民!!!

剛過既星期六，晨咁早8.15am 我啱啱起身沖咗杯茶......跟手就聽到由遠至近既鼓聲，一下子破壞咗依個天朗氣清早晨既寧靜!! (朝早8.15am 係咪太早得滯呀???) 一望出街見到一個小型既Orange Walk，約5分鐘進行曲既聲音開始慢慢遠去......

但我既寧靜早晨只維持咗個零鐘，因為9.30am 又來過!!!!!!

 今次仲係個大規模既Orange Walk!!!!!

規模大到係我來咗英國咁多年來，見過無數Orange Walk，最大既一次! 遊行既隊伍有成7、8隊之多，每隊樂隊所著既制服都唔同顏色~~~

 有人打鼓......

 又有人吹橫笛......

有時仲有銅管樂器 + 手風琴!!! 不過今次好似冇........

 樂隊源源不絕，一隊接一隊...

 好似永遠都唔會完咁......

 除咗遊行既樂隊 + 主辦Orange Walk 既單位"Orange Order"成員之外，仲有維持秩序既差人、一路沿途加入遊行既市民......整條街由街頭至街尾，塞滿哂人!!!

頭幾次見Orange Walk 覺得好新鮮好熱鬧; 不過當喺依度生活耐咗，每次Orange Walk 都喺無聲無息下失驚無神開始 - 尤其喺我最需要寧靜既時候!!! 晨早、下午、傍晚都有可能......真係覺得好煩厭!!!

大家睇吓有幾嘈......

今次依個大型Orange Walk 足足超過半個鐘~~~ 除咗因為遊行隊伍行得好慢之外，街頭既交通因為遊行隊伍而阻塞，樂隊一度停咗喺我屋企樓下成10分鐘之久! 期間進行曲聲音未曾間斷過!!!!

 雖然有差人維持交通秩序，但所有車輛都要停低先讓遊行隊伍經過!

曾經有一次我 + 老公去完街返緊屋企，撞正我人有三急......其實已到咗屋企街口~ 不過就係因為Orange Walk，搞到我要狼狽地落車跑返屋企!!!!!