街邊風味~ 老公食到"lam lam"脷!
應承咗老公weekend 整雞蛋仔比佢食，於是尋日(7月25日)去買木薯粉~ 點知去勻泗和行 + 有華行......竟然冇人知道木薯粉係乜東東!!!!!
於是返屋企即管用鷹粟粉來代替木薯粉試試......erm.......點講好呢? 味道好相似，不過口感極差......
失敗令我條氣唔係好順 + 唔甘心!
於是上網查清楚"木薯粉"究竟係乜東東......但網上個個人講既野都唔同! e.g. 有人話木薯粉 = 地瓜粉 = 菱粉; 有人話木薯粉 = 薯仔粉，但同蕃薯粉唔同......大佬~ 咁即係點呀?
地瓜粉 = 蕃薯粉喎!!!!
搞到我一頭霧水~~~~ 
最好都係睇英文名! 有人話係Potato Starch; 又有人話係Tapioca Flour......(唉!) 最終今日去到泗和行見到有Potato Starch，又有Tapioca Starch......因為網上用家話應該係"Tapioca Flour"，唔係"Tapioca Starch"......
最好都係睇英文名! 有人話係Potato Starch; 又有人話係Tapioca Flour......(唉!) 最終今日去到泗和行見到有Potato Starch，又有Tapioca Starch......因為網上用家話應該係"Tapioca Flour"，唔係"Tapioca Starch"......
返到屋企急不及待即時溝粉漿，誓要做出成功既雞蛋仔，唔可以令老公失望!!!
食譜係"I Love Cake"既配方，買雞蛋仔模時會隨模附送~ 
1. 將低筋麵粉、泡打粉、木薯粉 + 吉士粉一同篩勻。
2. 雞蛋和砂糖打勻。
3. 淡奶和清水加入(2)的蛋液中打至起泡。
4. 將(3)之蛋液分幾次加入(1)的粉料中，打勻成順滑無粒的麵糊，最後加入菜油拌勻; 打好之麵糊靜置發酵1小時。
5. 雞蛋仔模內塗上一層薄油。
6. 模具2面都要先燒熱。
7. 將已發酵好(4)的麵糊倒入一面模具至9成滿，合上另一面雞蛋仔模後要馬上反轉並搖數下，讓麵糊均勻地分佈。
)Bingo~~ 成功咗!
嘩嘩嘩你呢度真係成日有驚喜！雞蛋仔好正啊！最正係用電爐都整到！不過都唔知今次返香港買唔買咁多用具好…如果搵唔到工一年後又要搬餐死既~~ PS 我好好彩呢度有真係寫住"tapioca flour"既粉賣~中文名咁多variation真係唔知點買~~~
回覆刪除[版主回覆07/27/2009 16:49:00]thanks~ 依個雞蛋仔模係迷你既，比我想像中輕!
其實我覺得用potato starch 啱d喎! 而且都會易買d~~~~
btw 妳知唔知道畢業後可以申請居留visa 留喺英國搵工架? 好似唔知2年定3年，依段時間內妳搵到工的話，就可以申請work permit~~~
哈哈!!等到啦!!我剛剛仲係到諗" 呀!!你幾時會整個雞蛋仔呢???"
回覆刪除點知一開電腦就見到啦!!嘻嘻~~我都想整吓, but 我依家個廚房唔容許我煮嘢食呀!!我諗你都會知,如果你好鍾意煮嘢, 但一段長時間都唔可以煮!!心入面條癮幾大啦!!
唔......真係過到英國嘅時候, 如果想食HK嘢都要自己動手煮啦!!
[版主回覆07/27/2009 16:45:00]點解妳而家廚房唔煮得野呀?
都係架~ 有好多香港好普遍既食物 / 材料，英國都冇得賣 / 好難買! 所以唯有自己整啦~
你個模買左幾多$? 我都想買個~我係雞蛋仔既粉 c 黎呀~~
回覆刪除[版主回覆07/27/2009 16:36:00]我依個係迷你既 - $139~ 另外有個貴d既，同街邊檔用既size 一樣!
睇見都流晒口水呀~
回覆刪除我都好鍾意食雞旦仔，見到有一定買
成功左好有滿足感尼
[版主回覆07/27/2009 16:34:00]我口痕時先會食幾粒，不過老公返親香港日日都買雞蛋仔來食!
其實我預咗一定會成功既，不過可能要練多幾次之嘛!
妳好厲害, 真係要比10個叻妳 !
回覆刪除[版主回覆07/27/2009 16:21:00]多謝! 不過唔算好厲害，只要跟足食譜 + 正確做法，燒多幾餅就得架嘞~~~
你很叻可以做到,我做豆付花也失敗.
回覆刪除[版主回覆07/27/2009 16:19:00]多謝~ 雖然我冇整過豆腐花，不過聽落都覺得豆腐花難整過雞蛋仔好多......
wa~睇見都覺得好好味丫~
回覆刪除[版主回覆07/27/2009 16:18:00]thank you~~~ 其實我對雞蛋仔只係普普通通，不過老公就好鬼鍾意!
响英國食倒香港風味~~~~ 梗係正啦
回覆刪除[版主回覆07/27/2009 17:40:00]哈哈~~~~ 真係冇唸過喺英國都可以食到同香港街邊一模一樣既雞蛋仔!
屋企包泰國生粉寫住係木薯澱粉(Tapioca Starch)
回覆刪除Potato Starch係咪=薯仔粉?
[版主回覆07/27/2009 20:02:00]唉....其實我都唔知"真正既"木薯粉應該係乜? 妳上網搵搵妳就會發現個個講既都唔同!
有人話木薯粉 = 泰國生粉，即妳果隻都啱~ 我見包Potato Starch 中文價錢牌印住"薯粉"，應該同薯仔粉一樣啩!!?!??
我唔鬼理嘞 - 反正我用Potato Starch 都整到!!!
thanks~我記我通常有雞蛋仔食既走鬼檔都會有埋pancake...正...多練奶同花生butter~~ ..等我試下用你個食譜做pancake食下, 頂住先...返hk就買個mould 黎整
回覆刪除[版主回覆07/28/2009 01:14:00]其實妳係咪講緊"格仔餅"? pancake 我冇見過喎......
雞蛋仔 + 格仔餅其實都係用依個食譜，我唸妳應該可以用依個食譜來整鬼佬版格仔餅 - waffles~ 整pancake 我就唔知得唔得嘞......
btw 賣雞蛋仔模既地方，都有格仔餅模賣，妳有興趣既話可以買埋個格仔餅模，不過我唔知幾多錢~ (老公只鍾意食雞蛋仔!)
咁又係~用啱就ok啦 ;) 其實我有British Passport架~不過我驚留係度搵工無了期咁搵…宜家都唔知應該點…有d迷妄…
回覆刪除[版主回覆07/28/2009 17:54:00]雖然我畢業後就結婚冇做過野，不過我記得老公最後一年大學，一開學冇耐就開始搵工 + 見工，畢業前已見成幾份工，所以一畢業只要決定做邊份! 既然今年係妳大學最後一年，妳都應該開始留意吓嘞~~~~
雞蛋仔檔有pancake賣架~~ 一樣好似格仔餅咁夾花生醬, 練奶, 糖黎食~ 不過pancake會軟身d, 格仔餅會硬身d咁囉~ 我個人比較鐘意pancake, 不過香港而家甚少見有得賣pancake啦~ 多數都係格仔餅~ 元朗有一檔有pancake架~ 不過唔係成日出現囉~ 好講運氣~~ 哈哈~
回覆刪除[版主回覆07/28/2009 17:57:00]原來真係有pancake 架? 妳話香港而家好少有得賣，可能因為咁所以我冇見過啦!
如果pancake 軟身d既話，我唸pancake 既食譜，同格仔餅 / 雞蛋仔既食譜會唔同喎!
haha，你又搓飽呀?
回覆刪除既然你用potato starch都整到就唔好理佢木薯定唔木薯囉
之前我都見有人話木薯粉即係蕃薯粉，我問過我媽咪佢就話木薯唔係蕃薯，但係真係好混亂，可能有啲食品，兩樣粉都整到，可能係佢既粉質出黎既效果差唔多卦 ，好似我見台灣啲粉圓，有人話用地瓜粉(蕃薯粉)整，有人又話用木薯粉整，都唔知邊個先啱
[版主回覆07/28/2009 18:06:00]係呀~ weekend 買咗包貴麵粉，急不及待要試試! 果然好好搓!!!
咪係~ 我上網搵木薯粉係咩都搞到一頭煙!!! 有人話木薯粉 = 馬鈴薯粉; 木薯粉 = 地瓜粉; 木薯粉 = 菱粉.......(不過菱粉即菱角粉喎!!! 點睇都最唔似叫做木薯......)
既然我而家用potato starch 整到雞蛋仔既味道口感，我以後都stick to potato starch 咯~~~ 費事煩!!!
我都想食雞蛋仔，咁格仔餅一定難唔到妳啦
回覆刪除嘩, 乜你咁犀利架. 連雞蛋仔個模你都有, 個模係邊一度買架? 幾錢?
回覆刪除你而家仲住係英國嗎?
[版主回覆07/29/2009 18:47:00]我仲係住英國呀! 個模係我託一位網友幫我喺香港買再寄過來架~~
個模喺上海街既I Love Cake 買既, $139~
妳都確係攪鬼喎,連雞蛋仔都玩埋
回覆刪除[版主回覆07/29/2009 18:45:00]只要係老公鍾意食既野，我都有興趣整~~~~
我第一次整時..又好似你咁....搞咗好幾次先成功見得人...你都算叻吖..第二次就搞得掂佢..你整得好靚同好成功呀....
回覆刪除[版主回覆07/30/2009 15:31:00]我覺得第一次完全唔得呀!!!! 味道雖然一樣，但淋pat pat 好難食呀~~~~~
不過我預咗係唔得 - 因為當時買唔到木薯粉，唸住摶吓用粟粉......原來粟粉唔得果喎，燒極都唔脆架!!!
好叻叻呀!!!
回覆刪除我想問下你D 菜油係用咩油呢....?
[版主回覆07/30/2009 15:37:00]多謝讚賞!
菜油即係有某d台灣版食譜書所講既"沙拉油" ( vegtable oil)~ 整烘焙糕點時應該用菜油，因為菜油屬無味油，唔會影響成品食味!
另外好似葵花籽油 + 粟米油，都屬無味油，所以都可以用; 不過好似橄欖油依類有獨特香味既油，就唔太適合用來做糕點嘞!
你真係好鬼勁 , 雞蛋仔模你都有 , 真係好抵死架 !
回覆刪除[版主回覆07/30/2009 18:54:00]多得一位blog 友幫手，幫我去上海街買野再寄過來比我咋~ 如果唔係我都冇得整雞蛋仔呀........
嘩, 你個雞蛋仔整得幾好
回覆刪除[版主回覆08/01/2009 18:02:00]多謝! 味道都幾好架~~~~
When I see those lovely 雞蛋仔, I feel so hungry as they're one of my favorites from home! Here in South France of course I can't find any 雞蛋仔 mould but I think with an electric waffle-maker + your recipe, I may temporary 'cure' my home-sick......
回覆刪除I still remember that you love 'honey egg crispy' or in Cantonese 'ma chai'. I've got a nice recipe from a kind blogmate, Siu Sam, Joey. Would you like to try? Let me know!
[版主回覆08/09/2009 06:39:00]haha~ 雞蛋仔is just my husband's favourite, i think it's just ok, but im not a big fan!
yes i would love to challenge myself! i want to try making my own 馬仔~ can you pls give me the recipes? thanks~
唔怪我整得咁肉酸啦,我燒1分鐘後又轉另一邊
回覆刪除跟住又再轉返過嚟燒一分鐘
下次放假試吓好似妳咁一次過燒2分鐘先
近排真係好攰呀,有時返到嚟連飯都唔想煮呀
點解私人回應? 原來我按錯制呀
啱啱又差d按錯喇
好彩再望清楚d先啫
不可告人嘅秘密就係...........
回覆刪除我近排非常之懶 哈哈哈
[版主回覆08/13/2009 21:18:00]又話不可告人......咁妳又話我知?
因為我當妳係 FD囉
回覆刪除[版主回覆08/14/2009 22:53:00]妳咁遲架.........我好早好早前已當妳係fd嘞!
都唔係遲架,好早都當妳FD 架,不過冇理由冇啦啦講出口嘛
回覆刪除妳知嗎,妳係我第一個識嘅網友嚟架,原來妳一早己當我係FD
好高興呀 多謝
[版主回覆08/16/2009 22:14:00]我都好高興! 而且原來我係妳第一個認識既網友~ 好鬼榮幸啊!!!!! 朋友~ 等我下次再返香港時，約出來食飯吖?
好厲害呀你，無入黎一排又bread又鶏蛋仔
回覆刪除[版主回覆08/18/2009 06:35:00]仍然係新手~ 有望各位高手指教!
請問雞蛋仔模係邊度買? 同埋幾多錢? my email : sleeperfung@hotmail.com
回覆刪除[版主回覆01/23/2010 02:40:00]雞蛋仔模喺一位網友幫我喺上海街萬記買既~ 依個係細，好似$160~ (買咗好耐，唔係好記得!)
我想問下你呢你用火燒定點ar~如果用電爐得唔得???
回覆刪除[版主回覆04/22/2010 00:09:00]我係用hotplate 爐頭既 (無火)，依個雞蛋仔模可以用明火或我依隻hotplate 無火~ 不過我唔知電磁爐用唔用得! 最好買模時問問店員~
可唔可以影你個 hotplate我睇下點樣~ 我想知我個個得唔得?
回覆刪除[版主回覆04/22/2010 21:19:00]即係依種: http://www.amazon.co.uk/NEFF-Electric-sealed-plate-T11K10N0/dp/B00293C9QY/ref=sr_1_12?ie=UTF8&s=kitchen&qid=1271942350&sr=1-12
Hi, 你好呀, 個 雞蛋仔整得好靚呀! 學校籌款我班打算整雞蛋仔
回覆刪除( 會場沒有空調 , 我想溫度大約 30 度 , 籌款活動約 8 小時 ),
想問如要 整約 400 份的雞蛋仔 ,
要於前一日的深夜開始 整雞蛋仔漿嗎 ? 雞蛋仔 漿整完後可否馬上放入雪櫃中 ? 或要置室溫一小時後先可放入雪櫃中 ?
如於雪櫃中已雪了幾小時的雞蛋仔漿 ,
要於用前一小時拿出來等到雞蛋仔漿變回室溫先可以用嗎 ? Thanks a lot!
Hi,
回覆刪除你好呀, 個 雞蛋仔整得好靚
呀! 學校籌款我班打算整雞蛋仔
( 會場沒有空調 , 我想溫度大約 30 度 , 籌款活動約 8 小時 ),
想問如要 整約 400 份的雞蛋仔 ,
要於前一日的深夜開始 整雞蛋仔漿嗎 ? 雞蛋仔 漿整完後可否馬上放入雪櫃中 ? 或要置室溫一小時後先可放入雪櫃中 ?
如
於雪櫃中已雪了幾小時的雞蛋仔漿 ,
要於用前一小時拿出來等到雞蛋仔漿變回室溫先可
以用嗎 ? Thanks a lot!
[版主回覆06/01/2010 18:14:00]你好~ 你問既問題真係考起我嘞......其實我都唔係好清楚，因為我每次都係整時先開粉漿~
不過如果我喺你的話，開好粉漿我會放一小時後先入雪櫃; 但第二日我會用旅行冰箱裝住粉漿，因為你話場地無冷氣，30度要keep 8小時真係有變壞風險~ 用時直接從冰箱攞出來應該可以架嘞，因為唔係雪到變冰嘛~
見你咁成功我都好想買個雞蛋仔模返屋企玩, 但又怕三分鐘熱度你知啦香港周街都有雞蛋仔賣
回覆刪除[版主回覆07/24/2010 06:08:00]咁買咗咪唔洗落街，隨時都可以整來食囉!
這個雖然係舊blog,但真係估唔到你連 雞蛋仔 都掂,超勁!!
回覆刪除[版主回覆11/02/2010 02:15:00]多謝cpoo2001! 其實雞蛋仔一d都唔難整架! 不過messy d 囉，但整多幾次就好快上手架嘞~
多謝你個食譜呀！我剛剛試左，成功呀！
回覆刪除[版主回覆02/27/2011 04:29:00]唔洗客氣! 成功就好啦~ 整多幾次就越來越順手架嘞~
木薯粉台灣名應該係太白粉。（我都係英國住）我用太白粉都整到個texture好似。但係仲未解決到黐底既問題。 （btw, I have been a long time lurker. Thanks so much for the awesome recipes. :))
回覆刪除[版主回覆05/16/2011 23:46:00]妳好啊雲貓!
我都聽過有種叫做太白粉，不過就未見過!
黐底? 會唔會係妳掃唔夠油或個模燒得唔夠熱呀? 我第一次整雖然唔成功，不過都無黐底喎!
什么是低筋面粉?可否用allpurpose flour 代替.如果沒有鷂蛋模,可用什么工具代替.再者你整的鷂蛋仔好靚.在toronto要cdn1.50叧加稅一塊.很貴唔坻食
回覆刪除[版主回覆08/17/2011 03:50:00]低筋麵粉 = cake flour~ all purpose flour 係中筋麵粉，妳可以用3/4杯中筋麵粉混合1/4杯粟粉(corn starch) 來代替低筋麵粉~
我唔知有咩可以代替雞蛋仔模喎! 不過多倫多有間陳枝記: http://chanchikee.com/toronto.htm 妳可以去問吓佢地有無雞蛋仔模!
多謝你 用了呢個食譜, 好成功呢!! Thanks
回覆刪除[版主回覆08/17/2011 03:39:00]you're welcome!
我好耐都未食過雞蛋仔了~
回覆刪除剛好看到呢篇野，你整得好靚呀!
我想問你呢, 你係唔係響香港買呢個雞蛋仔模? 我響悉尼好似從未見過~
有諗過用cake pop既模去整, 但又怕唔work ~
[版主回覆07/03/2013 04:02:14]Thank you Cutecutebbars~ 其實雞蛋仔我普通既啫，只係Mr.T鍾意食我先整!
我個模係託朋友幫我喺香港買架! 如果真係無雞蛋仔模，我覺得用cake pop 都可以一試無妨吖! (試吓之嘛~ )