而家英國上完戲院既戲，出DVD 比以前快咗好多! 以前幾乎每個星期五晚都會約埋朋友去睇新戲子夜場，而家幾乎完全冇依支歌仔唱~ 亦好耐冇同老公去戲院睇戲，有想睇既戲，都等DVD 出咗時租返屋企睇!
早排租DVD 睇到Angelina Jolie 既"Changeling" (換命謊言)預告片，雖然我並唔鍾意Angelina Jolie，不過只睇trailer 都覺得故事好吸引! weekend 去DVD shop，終於都租咗返屋企......
故事背景係1928年美國洛杉磯，改編自真人真事"Wineville Chicken Coop Murders" (懷恩威爾虐殺兒童案); 一個單親媽媽9歲既仔失蹤半年後，警方搵返佢既仔......不過並唔係佢真正既仔! 而當時警方唔肯承認過失，加上傳媒大肆報導既壓力之下，單親媽媽被迫無奈地要將"個仔"帶返屋企照顧.......單親媽媽唔肯放棄追尋親生仔既落 + 事實既真相，有牙醫証明所謂既兒子牙科紀錄唔一樣; 又有小學教師証明搵返既仔同失蹤既並唔係同一個人，但單親媽媽最終被警方以"逃避責任 + 精神錯亂"既理由收押精神病院......
當時警方做野既手法，只求方便自己，不求真相......難以想像地黑暗! 依件事真係算得上係奇聞! 除咗警方處理手法，假冒既兒子竟然會配合地認一個陌生人作母親! 事件荒謬程度匪而所思.......
全套戲拍得好緊湊! 開場10分鐘左右，單親媽媽個仔已經失蹤; 毫無疑問Angelina Jolie 既演技相當稱職，不過佢個樣始終太"現代"~ 同當時既衣著打扮格格不入!
其實成套戲最令我有驚喜既，係Clint Eastwood 既執導技巧! 之前既"Mystic River" (懸河殺機)、"Millon Dollar Baby" (擊情)，基本上全部都係唔同類型既電影，但佢既執導技巧可以令全套戲好引人入勝 - 連"Millon Dollar Baby"依類我完全唔感興趣既題材 + 演員既戲，我都睇得津津有味! 令我對佢下一套執導既"Gran Torino"好有期待~~~~
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
"Changeling"故事中真實主人翁 - Christine Collins (單親媽媽)最終都冇搵到佢既親生仔，因為當時懷恩威爾虐殺兒童案其中一個凶手，已經承認謀害咗Christine Collins 既兒子Walter Collins.......
至於Christine Collins 其後既遭遇，網上眾說紛紜~ 有人話佢40年代已去世; 有人話佢於1962年12月去世; 亦有人話佢其後改嫁過幾次，於1996年去世......不過佢真正下落其實已無從稽考~~~ 
你咁鐘意睇電影, 同你介紹一套"胡碟君", 故事又係真事, 兩個唔同國家男間碟結婚, 但個"老公"好多年之後,有埋bb先知老婆係男人,後其攪上法庭, 個"老婆"話領左老公用完個套d精去揾代母 (早幾十年邊有咁好技術),所以個b唔係野種, 問題係供同相處咁耐冇理由唔知,我冇睇過套dvd, 因近排其中一個主角死左, 件事再比人提起, 有機會書或dvd我都想睇
回覆刪除[版主回覆07/22/2009 05:53:00]我知有依套戲 + 依件事! 好似好舊下....係咪? 好似有尊龍份做?? 不過我唔多覺有DVD喎.......anyway thanks~ 等我留意下先!
故事好吸引，不過我驚我睇完會唔開心
回覆刪除[版主回覆07/22/2009 17:37:00]睇吓妳用咩角度去睇套戲 + 投入程度啦! 事件當然唔係開心既事，不過果位單親媽媽既恒心 + 不畏強權令人好感動! 戲結尾雖然唔可以叫做happy ending，不過帶出既message 好正面!
香港唔知幾時出呢?
回覆刪除[版主回覆07/23/2009 00:12:00]香港4月時已出咗DVD嘞~
我都有睇! 你話死唔死吖! 遇著個精神有問題的, 到死都唔同人地阿媽講個仔有無死, 真係殘忍到極點呀! 可能佢好心想比個希望佢阿媽! 不過傻嘅都估唔同佢諗嘜架啦!
回覆刪除[版主回覆07/23/2009 07:00:00]其實戲既情節係改篇過架! 真實既事件裡面，"懷恩威爾虐殺兒童案"除咗Gordon Northcott 係凶手之外，Gordon既媽媽Sarah 係幫凶來! (兩母子都係變態既!!!)，而Walter Collins 就係比Sarah 殺咗嘞! 當時Sarah pled 咗gulity，但坐咗12年就放返出來.......
套戲嘅故事都好吸引我喎, 點解當時啲警察咁衰架, 迫人認唔係自己親生仔, 啲傳媒仲唔幫佢仲要屈埋一份, 唔見咗自己個仔已經好慘, 仲要俾人咁屈。
回覆刪除[版主回覆07/23/2009 17:11:00]果時既警方貪污情況嚴重，而且權力好大，當時既傳媒都係受警方控制，做佢地既代言人......
we watched Gran Torino already. It was good but sad!
回覆刪除[版主回覆07/24/2009 07:03:00]ive just finished watching Gran Torino 30mins ago~ it was brilliant!! we love it~ but yes - it's sad......