好多網友都以為蘇格蘭會冇咁熱，其實都唔係架，熱起上來隨時都有成廿幾三十度架!
只係往年就算點熱，都會有少少風; 不過近排除咗熱 + 焗，連風都唔多滴!!!
尋晚8點零鐘突然落好大雨! 我當時仲心唸落完雨天氣應該會冇咁焗......點知原來只係一場大驟雨來~ 落咗10分鐘左右就停咗，而氣溫依然係咁熱 + 焗......
今日晏晝煲完豆漿，熄咗火等豆漿攤凍~ 個幾鐘頭後再入廚房......一打開廚房門，就感受到有一陣熱風吹埋來!!! 我初時仲以為自己唔記得熄爐 (我用hot plate 既~)，後來先發現熱風原來係來自窗外......
唔怪之坐喺廳郁都唔郁，都會不停標汗啦!!!
雖然我好鍾意見到藍天白雲，不過最好有埋少少風啦~ 一滴風都冇真係好翳焗! 今年英國已熱死咗4隻狗仔嘞......
係香港都係熱得好厲害,就算搭冷氣巴士,都唔覺係有冷氣架...
回覆刪除[版主回覆07/04/2009 00:30:00]好彩我地架車都有冷氣...因為依度所有公共交通工具都冇冷氣既!!!
香港就一係曬到熱死人..一係就落大雨.....:(
回覆刪除[版主回覆07/04/2009 00:29:00]今年英國都係 - 一好天出太陽就曬到死! 果日燒完野食，而家對手臂又痕又痛~~~~
唔好意思, 我想問當地一般有冇裝冷氣機? 我聽朋友話如果你屋企列為古蹟是有錢都唔可以裝冷氣.thanks!
回覆刪除[版主回覆07/04/2009 00:28:00]古唔古蹟都冇見過民居裝冷氣~ 只見過超市 + 大公司裝分體式! 講真唔好話有冇錢，依度根本冇咁既需求市場，就算想裝冷氣都唔知去邊度搵人裝........
我個妹尋日岩岩飛到"愛丁堡"..佢又係話熱得要死~~WAKKAKAKA
回覆刪除[版主回覆07/04/2009 00:25:00]今年英國真係熱得好緊要!!!
開風扇會有風架喇!
回覆刪除[版主回覆07/04/2009 00:24:00]空氣熱就算有風，都係熱風來......
係呀,同香港有得揮,我老公叫我陪佢去公園映相,佢鍾意映花.我點都唔肯去.真係很容易會中暑的.
回覆刪除[版主回覆07/04/2009 00:24:00]喺香港都係留喺d有冷氣既地方好d!!!
真係好熱呀....香港一樣啊...
回覆刪除[版主回覆07/04/2009 00:22:00]我來英國咁多年，從來未試過好似今年連續咁多日熱得咁緊要!
上個月HK都熱C咗兩隻金毛，HK都好悶熱，出完街一身汗，攪到個人好攰
回覆刪除[版主回覆07/04/2009 00:21:00]好彩英國天氣冇香港咁潮濕咋! 不過都唔係好得過香港好多..........